Iyyoob 9
1 Iyyoob akkana jedhee deebise:
| ויען איוב ויאמר |
2 “Ani akka wanni kun dhugaa taʼe beeka. Namni garuu akkamitti fuula Waaqaa duratti qajeelaa taʼuu dandaʼa?
| אמנם ידעתי כי-כן ומה-יצדק אנוש עם-אל |
3 Namni tokko yoo isa wajjin falmuu barbaade kuma keessaa siʼa tokko illee isaaf deebisuu hin dandaʼu.
| אם-יחפץ לריב עמו-- לא-יעננו אחת מני-אלף |
4 Ogummaan isaa gad fagoo dha; humni isaas guddaa dha. Namni isaan mormee utuu hin miidhamin hafu jiraa?
| חכם לבב ואמיץ כח-- מי-הקשה אליו וישלם |
5 Inni utuu isaan hin beekin tulluuwwan iddoo isaaniitii buqqisa; dheekkamsa isaatiinis isaan gaggaragalcha.
| המעתיק הרים ולא ידעו-- אשר הפכם באפו |
6 Lafa iddoo isheetii ni sochoosa; utubaawwan ishees ni raasa.
| המרגיז ארץ ממקומה ועמודיה יתפלצון |
7 Inni biiftuu ni ajaja; isheenis hin baatu; urjiiwwanis chaappaadhaan ni cufa.
| האמר לחרס ולא יזרח ובעד כוכבים יחתם |
8 Isa qofatu samiiwwan diriirsa; dambalii galaanaa irras ni deema.
| נטה שמים לבדו ודורך על-במתי ים |
9 Urjiiwwan Amaaketaa fi urjii sadee, Urjii torbii fi tuuta ‘Urjiiwwan Kibbaa’ jedhaman isatu uume.
| עשה-עש כסיל וכימה וחדרי תמן |
10 Inni wantoota gurguddaa qoratanii bira gaʼuun hin dandaʼamne, dinqiiwwan hin lakkaaʼamne hojjeta.
| עשה גדלות עד-אין חקר ונפלאות עד-אין מספר |
11 Yommuu inni na bira darbu ani isa arguu hin dandaʼu; yommuu inni na cina deemus ani isa hubachuu hin dandaʼu.
| הן יעבר עלי ולא אראה ויחלף ולא-אבין לו |
12 Yoo inni butee deeme eenyutu isa dhowwuu dandaʼa? Eenyutus, ‘Ati maal hojjettaa?’ isaan jechuu dandaʼa?
| הן יחתף מי ישיבנו מי-יאמר אליו מה-תעשה |
13 Waaqni dheekkamsa isaa hin deebisu; warri Raʼaabin gargaaran iyyuu gad deebiʼu.
| אלוה לא-ישיב אפו תחתו שחחו עזרי רהב |
14 “Yoos ani akkamittan isatti falmuu dandaʼa? Isatti falmuufis akkamittan dubbii filachuu dandaʼa?
| אף כי-אנכי אעננו אבחרה דברי עמו |
15 Ani nama balleessaa hin qabne utuun taʼe iyyuu, isaaf deebisuu hin dandaʼu; abbaa Murtii koo araara kadhachuu qofa nan dandaʼa.
| אשר אם-צדקתי לא אענה למשפטי אתחנן |
16 Yoo ani isa waammadhee inni naa deebise illee, akka inni na dhagaʼu ani hin amanu.
| אם-קראתי ויענני-- לא-אאמין כי-יאזין קולי |
17 Inni bubbee hamaadhaan na caccabsa; madaa koos sababii malee natti baayʼisa.
| אשר-בשערה ישופני והרבה פצעי חנם |
18 Inni waan hadhaaʼaadhaan na guute malee akka ani hafuura fudhadhuuf illee yeroo naaf hin kennine.
| לא-יתנני השב רוחי כי ישבעני ממררים |
19 Waaʼee jabinaa taanaan inni jabaa dha! Waaʼee murtii qajeelaas taanaan eenyutu isa waamuu dandaʼa?
| אם-לכח אמיץ הנה ואם-למשפט מי יועידני |
20 Utuu ani nama balleessaa hin qabne taʼe iyyuu afaan koo natti mura; utuma ani hirʼina hin qabaannes yakkamaa taʼuu koo hima.
| אם-אצדק פי ירשיעני תם-אני ויעקשני |
21 “Ani hirʼina qabaachuu baadhu iyyuu, waaʼee ofii kootii hin yaaddaʼu; jireenya koos nan tuffadha.
| תם-אני לא-אדע נפשי אמאס חיי |
22 Wanni hundinuu tokkuma; kanaafuu ani, ‘Inni isa hirʼina hin qabnes, isa hamaas ni balleessa’ nan jedha.
| אחת היא על-כן אמרתי--תם ורשע הוא מכלה |
23 Yommuu dhaʼichi buʼee duʼa tasaa fidutti, inni badiisa warra yakka hin qabneetti ni qoosa.
| אם-שוט ימית פתאם-- למסת נקים ילעג |
24 Yommuu lafti harka hamootaa jala galtutti, inni ija abbootii murtii ishee ni jaamsa; kun yoo isa taʼuu baate, egaa eenyu ree?
| ארץ נתנה ביד-רשע-- פני-שפטיה יכסה אם-לא אפוא מי-הוא |
25 “Barri jireenya koo nama fiigu caalaa ariifata; utuu gammachuu tokko illee hin argin darba.
| וימי קלו מני-רץ ברחו לא-ראו טובה |
26 Inni akkuma bidiruu dhallaadduu irraa hojjetamee, akkuma risaa waa butachuuf gad barrisuu ariifata.
| חלפו עם-אניות אבה כנשר יטוש עלי-אכל |
27 Yoo ani, ‘Guungummii koo nan dhiisa; nyaara guuruus dhiisee nan seeqa’ jedhe,
| אם-אמרי אשכחה שיחי אעזבה פני ואבליגה |
28 ani amma iyyuu dhiphina koo hunda nan sodaadha; akka ati akka nama balleessaa hin qabneetti na hin hedne nan beekaatii.
| יגרתי כל-עצבתי ידעתי כי-לא תנקני |
29 Erga yakkamaa taʼuun koo beekamee, ani maaliifin akkasumaan dadhaba ree?
| אנכי ארשע למה-זה הבל איגע |
30 Utuma ani saamunaadhaan dhiqadhee handoodeedhaanis harka koo qulqulleeffadhe iyyuu,
| אם-התרחצתי במו- (במי-) שלג והזכותי בבר כפי |
31 ati hamma uffanni koos na balfutti, boolla keessa na dhidhimsita.
| אז בשחת תטבלני ותעבוני שלמותי |
32 “Akka ani isaa deebisuu fi mana murtiittis wal falminuuf, inni akka koo nama foonii miti.
| כי-לא-איש כמוני אעננו נבוא יחדו במשפט |
33 Utuu namni nu lamaan irra harka kaaʼu, kan gidduu keenyattis araara buusu tokko jiraatee,
| לא יש-בינינו מוכיח-- ישת ידו על-שנינו |
34 utuu Waaqni ulee isaa narraa kaasee silaa naasisuun isaa na hin sodaachisu ture.
| יסר מעלי שבטו ואמתו אל-תבעתני |
35 Silaa ani utuun isa hin sodaatin nan dubbadhan ture; haalan amma keessa jiruun garuu hin dandaʼu.
| אדברה ולא איראנו כי לא-כן אנכי עמדי |
