Iyyoob 5
1 “Mee waami, namni deebii siif kennu jiraa? Qulqulloota keessaas ati gara isa kamiitti gorta?
| קרא-נא היש עונך ואל-מי מקדשים תפנה |
2 Nama gowwaa aariitu ajjeesa; raatuus hinaaffaatu galaafata.
| כי-לאויל יהרג-כעש ופתה תמית קנאה |
3 Namni gowwaan hidda isaa gad fageeffatee nan arge; manni isaa garuu yoosuma abaarame.
| אני-ראיתי אויל משריש ואקוב נוהו פתאם |
4 Ijoolleen isaa nagaa hin qaban; isaan karra duratti burkutaaʼan; namni isaan oolchus hin jiru.
| ירחקו בניו מישע וידכאו בשער ואין מציל |
5 Namni beelaʼe midhaan isaa qoraattii keessaa iyyuu fuudhee nyaata; inni dheebotes qabeenya isaa hawwa.
| אשר קצירו רעב יאכל--ואל-מצנים יקחהו ושאף צמים חילם |
6 Rakkinni biyyoo keessaa hin burquutii; dhiphinnis lafa keessaa hin biqilu.
| כי לא-יצא מעפר און ומאדמה לא-יצמח עמל |
7 Akkuma qaanqeen ibiddaa ol facaʼu namni rakkinaaf dhalata.
| כי-אדם לעמל יולד ובני-רשף יגביהו עוף |
8 “Garuu utuu ana taʼee Waaqa nan barbaaddadha; dhimma koos fuula isaa duratti nan dhiʼeeffadhan ture.
| אולם--אני אדרש אל-אל ואל-אלהים אשים דברתי |
9 Inni dinqiiwwan qoranii bira gaʼuu hin dandeenye, hojiiwwan dinqisiisoo lakkaaʼamuu hin dandeenye hojjeta.
| עשה גדלות ואין חקר נפלאות עד-אין מספר |
10 Inni bokkaadhaan lafa ni quubsa; lafa qotiisaas bishaan ni obaasa.
| הנתן מטר על-פני-ארץ ושלח מים על-פני חוצות |
11 Warra gad qabaman ol baasa; warra gaddanis iddoo nagaatti ol kaasa.
| לשום שפלים למרום וקדרים שגבו ישע |
12 Akka hojiin harka isaanii hin milkoofneef, inni karoora jalʼootaa ni fashaleessa.
| מפר מחשבות ערומים ולא-תעשנה ידיהם תשיה |
13 Inni ogeeyyii haxxummaa isaaniitiin qaba; malli jalʼootaa immoo dafee ni bada.
| לכד חכמים בערמם ועצת נפתלים נמהרה |
14 Guyyaan dukkana isaanitti taʼa; guyyaa saafaas akka nama dukkana keessa jiruu qaqqabannaadhaan deemu.
| יומם יפגשו-חשך וכלילה ימששו בצהרים |
15 Inni nama rakkataa goraadee afaan isaanii jalaa, harka nama jabaa jalaas ni baasa.
| וישע מחרב מפיהם ומיד חזק אביון |
16 Kanaafuu hiyyeessi abdii qaba; jalʼinnis afaan isaa ni cufata.
| ותהי לדל תקוה ועלתה קפצה פיה |
17 “Namni Waaqni adabu eebbifamaa dha; kanaafuu ati adabbii Waaqa Waan Hunda Dandaʼuu hin tuffatin.
| הנה אשרי אנוש יוכחנו אלוה ומוסר שדי אל-תמאס |
18 Inni ni madeessa; ni fayyisas; inni ni cabsa; harka isaatiinis deebisee ni fayyisa.
| כי הוא יכאיב ויחבש ימחץ וידו תרפינה |
19 Balaa jaʼa jalaa si baasa; torba keessattis hin miidhamtu.
| בשש צרות יצילך ובשבע לא-יגע בך רע |
20 Bara beelaa duʼa jalaa, lola keessattis rukuttaa goraadee jalaa si baasa.
| ברעב פדך ממות ובמלחמה מידי חרב |
21 Ati garaffii arrabaa jalaa ni dhokfamta; yommuu badiisni dhufuttis hin sodaattu.
| בשוט לשון תחבא ולא-תירא משד כי יבוא |
22 Badiisaa fi beelatti ni kolfita; bineensota lafaas hin sodaattu.
| לשד ולכפן תשחק ומחית הארץ אל-תירא |
23 Dhagoota bakkee wajjin kakuu galta; bineensonni bosonaas nagaadhaan si wajjin jiraatu.
| כי עם-אבני השדה בריתך וחית השדה השלמה-לך |
24 Dunkaanni kee nagaan akka jiru ni beekta; qabeenya kee ni toʼatta; wanni tokko illee si jalaa hin badu.
| וידעת כי-שלום אהלך ופקדת נוך ולא תחטא |
25 Ijoolleen kee akka baayʼatan, sanyiiwwan kees akkuma marga lafaa akka taʼan ni beekta.
| וידעת כי-רב זרעך וצאצאיך כעשב הארץ |
26 Akkuma bissiin midhaanii yeroo isaatti walitti qabamu sana, atis bara dheeraa jiraattee awwaala seenta.
| תבוא בכלח אלי-קבר כעלות גדיש בעתו |
27 “Nu waan kana qoranneerra; innis dhugaa dha. Kanaafuu qalbeeffadhu; ofii keetiifis beeki.”
| הנה-זאת חקרנוה כן-היא שמענה ואתה דע-לך |
