Iyyoob 41
1 “Ati hokkoo qurxummiitiin Lewaataan harkiftee baasuu yookaan arraba isaa funyoodhaan hidhuu ni dandeessaa?
| תמשך לויתן בחכה ובחבל תשקיע לשנו |
2 Funyaan isaa keessa funyoo baasuu yookaan lafee mangaagaa isaa hokkoodhaan uruu ni dandeessaa?
| התשים אגמן באפו ובחוח תקב לחיו |
3 Inni akka ati isaaf araaramtuuf guddisee si kadhataa? Afaan nagaatiinis sitti ni dubbataa?
| הירבה אליך תחנונים אם-ידבר אליך רכות |
4 Akka ati bara baraan garbicha godhattuuf inni si wajjin kakuu ni galaa?
| היכרת ברית עמך תקחנו לעבד עולם |
5 Ati akka simbirroota wajjin taphattu isa wajjin ni taphattaa? Yookaan shamarran keetiif isa ni hiitaa?
| התשחק-בו כצפור ותקשרנו לנערותיך |
6 Daldaltoonni isa irratti gatii wal dubbatuu? Warra bitee gurguruufis isa ni qooduu?
| יכרו עליו חברים יחצוהו בין כנענים |
7 Ati gogaa isaa xiyyaan, yookaan mataa isaa hokkoo ittiin qurxummii qabaniin wawwaraanuu ni dandeessaa?
| התמלא בשכות עורו ובצלצל דגים ראשו |
8 Yoo harka keetiin isa tuqxe, walʼaansoo sana ni yaadatta; deebitees waan sana hin gootu!
| שים-עליו כפך זכר מלחמה אל-תוסף |
9 Isa moʼanna jedhanii abdachuun soba; ijumaan isa ilaaluunuu nama hollachiisa.
| הן-תחלתו נכזבה הגם אל-מראיו יטל |
10 Namni isa dammaqsuuf garaa qabaatu tokko iyyuu hin jiru. Egaa namni na dura dhaabachuu dandaʼu eenyu?
| לא-אכזר כי יעורנו ומי הוא לפני יתיצב |
11 Namni waa natti kennatee ani deebisuufii qabu eenyu? Wanni samii jala jiru hundinuu kanuma koo ti.
| מי הקדימני ואשלם תחת כל-השמים לי-הוא |
12 “Ani waaʼee harkaa fi miilla isaa, waaʼee jabinaa fi dhaaba toluu isaa dubbachuu hin dhiisu.
| לא- (לו-) אחריש בדיו ודבר-גבורות וחין ערכו |
13 Eenyutu uffata inni irraan uffatu irraa baasa? Eenyutu luugama qabatee isatti dhiʼaata?
| מי-גלה פני לבושו בכפל רסנו מי יבוא |
14 Eenyutu balbala afaan isaa isa ilkaan isaa sodaachisaa sanaan marfame banuu dandaʼa?
| דלתי פניו מי פתח סביבות שניו אימה |
15 Dugdi isaa gaachanawwan tarree galan, kanneen akka malee walitti maxxanfaman qaba;
| גאוה אפיקי מגנים סגור חותם צר |
16 tokkoon tokkoon gaachanawwan sanaa akka qilleensi gidduu isaanii hin baaneef baayʼee walitti maxxanu.
| אחד באחד יגשו ורוח לא-יבא ביניהם |
17 Isaan jabeeffamanii walitti qabsiifaman; waan walitti fayyaniif gargar hin baafaman.
| איש-באחיהו ידבקו יתלכדו ולא יתפרדו |
18 Haxxissoon isaa balaqqeessa ifaa baasa; iji isaa immoo akkuma ifa biiftuu reefuu baatuu ti.
| עטישתיו תהל אור ועיניו כעפעפי-שחר |
19 Afaan isaa keessaa arraba ibiddaatu baʼa; qaanqeenis afaan isaa keessaa ni faffacaʼa.
| מפיו לפידים יהלכו כידודי אש יתמלטו |
20 Akkuma aara xuwwee ibidda shambaqqoo irratti dafqu keessaa baʼuu funyaan isaatii aarri ni baʼa.
| מנחיריו יצא עשן-- כדוד נפוח ואגמן |
21 Hafuurri afaan isaatii baʼu cilee ibiddaa qabsiisa; afaan isaa keessaas arrabni ibiddaa ni baʼa.
| נפשו גחלים תלהט ולהב מפיו יצא |
22 Morma isaa keessa jabinatu jira; sodaachisuunis fuula isaa dura ni utaala.
| בצוארו ילין עז ולפניו תדוץ דאבה |
23 Dachaan foon isaa wal qabateera; dachaan sunis walitti fayyeera; hin sochoʼus.
| מפלי בשרו דבקו יצוק עליו בל-ימוט |
24 Lapheen isaa akka kattaa jabaata; akka dhagaa daakuus jabaa dha.
| לבו יצוק כמו-אבן ויצוק כפלח תחתית |
25 Yeroo inni ol kaʼutti, jajjaboonni ni sodaatu; yommuu inni lafa sochoosaa dhufutti isaan of irra garagalanii baqatu.
| משתו יגורו אלים משברים יתחטאו |
26 Goraadeen itti buʼu illee homaa isa hin godhu; eeboon yookaan xiyyi yookaan ankaaseenis homaa isa hin godhu.
| משיגהו חרב בלי תקום חנית מסע ושריה |
27 Inni sibiila akka cidiitti, naasii immoo akka muka tortoreetti heda.
| יחשב לתבן ברזל לעץ רקבון נחושה |
28 Xiyyi isa hin baqachiisu; dhagaan furrisaa isaaf akkuma habaqii ti.
| לא-יבריחנו בן-קשת לקש נהפכו-לו אבני-קלע |
29 Bokkuun isaaf akkuma cidii ti; inni mirmirfamuu eebootti ni kolfa.
| כקש נחשבו תותח וישחק לרעש כידון |
30 Garaan isaa jalli akka cabaa okkotee kan qara qabuu ti; akka muka ittiin midhaan dhaʼaniittis dhoqqee baqaqsa.
| תחתיו חדודי חרש ירפד חרוץ עלי-טיט |
31 Inni tuujuba akka okkotee dafquutti koqsiisa; galaanas akkuma bilqaaxxii dibataa raasa.
| ירתיח כסיר מצולה ים ישים כמרקחה |
32 Inni duuba isaatiin akka karaan ifu ni godha; namni waan tuujubni sun rifeensa adii qabu seʼa.
| אחריו יאיר נתיב יחשב תהום לשיבה |
33 Uumamni homaa hin sodaanne, kan isaan qixxaatu tokko iyyuu lafa irra hin jiru.
| אין-על-עפר משלו העשו לבלי-חת |
34 Inni warra of tuulu ni tuffata; warra of jaju hunda irratti mootii dha.”
| את-כל-גבה יראה הוא מלך על-כל-בני-שחץ |
