Iyyoob 40

1 Waaqayyos Iyyoobiin akkana jedhe:

ויען יהוה את-איוב ויאמר

2 “Namni Waaqa Waan Hunda Dandaʼuun falmu tokko isa ni qajeelchaa? Namni Waaqa himatu deebii haa kennuuf!”

הרב עם-שדי יסור מוכיח אלוה יעננה

3 Iyyoobis akkana jedhee Waaqayyoof deebise:

ויען איוב את-יהוה ויאמר

4 “Ani nama faayidaa hin qabnee dha; akkamittin deebii siif kenna? Harka koo afaan koo irra nan kaaʼadha.

הן קלתי מה אשיבך ידי שמתי למו-פי

5 Ani yeroo tokko dubbadheera; garuu ani waanan deebisu hin qabu; siʼa lama dubbadheera; kana caalaa garuu homaa hin jedhu.”

אחת דברתי ולא אענה ושתים ולא אוסיף

6 Kana irratti Waaqayyo bubbee jabaa keessaa Iyyoobitti dubbate:

ויען-יהוה את-איוב מנסערה (מן סערה) ויאמר

7 “Akka dhiiraatti mudhii kee hidhadhu; ani sin gaafadha; ati immoo deebii naa kennita.

אזר-נא כגבר חלציך אשאלך והודיעני

8 “Ati murtii koo qajeelaa sana gatii dhabsiistaa? Ofii keetii qajeelaa taʼuuf na himattaa?

האף תפר משפטי תרשיעני למען תצדק

9 Irree akka irree Waaqaa qabdaa? Sagaleen kees akka sagalee isaa qaqawweessaʼuu dandaʼaa?

ואם-זרוע כאל לך ובקול כמהו תרעם

10 Ulfinaa fi guddinaan of miidhagsi; kabajaa fi barreedina uffadhu.

עדה נא גאון וגבה והוד והדר תלבש

11 Dheekkamsa kee kan guutee irra yaaʼu sana dhangalaasi; nama of tuulu kam iyyuu ilaalii qaanessi.

הפץ עברות אפך וראה כל-גאה והשפילהו

12 Nama of tuulu hunda ilaalii gad deebisi; hamoota illee iddoodhuma isaan dhaabatanitti caccabsi.

ראה כל-גאה הכניעהו והדך רשעים תחתם

13 Isaan hunda walitti qabii biyyoo keessatti awwaali; fuula isaaniis awwaala keessa dhoksi.

טמנם בעפר יחד פניהם חבש בטמון

14 Yoos ani mataan koo, akka harki kee mirgaa si oolchuu dandaʼu siifin mirkaneessa.

וגם-אני אודך כי-תושע לך ימינך

15 “Bihemootin ani akkuman si uumettin uume, kan akkuma qotiyyoo marga dheedu sana mee ilaali.

הנה-נא בהמות אשר-עשיתי עמך חציר כבקר יאכל

16 Jabinni isaa dugda isaa keessa, humni isaa immoo ribuu garaa isaa keessa jira!

הנה-נא כחו במתניו ואונו בשרירי בטנו

17 Eegeen isaa akkuma muka birbirsaa raafama; ribuun tafa isaa wal keessa xaxamaa dha.

יחפץ זנבו כמו-ארז גידי פחדו ישרגו

18 Lafeen isaa akka ujummoo naasii ti; harkii fi miilli isaa immoo akka ulee sibiilaa ti.

עצמיו אפיקי נחשה גרמיו כמטיל ברזל

19 Inni uumamawwan Waaqaa keessaa hangafa; garuu inni isa uume goraadee isaatiin isatti dhiʼaachuu dandaʼa.

הוא ראשית דרכי-אל העשו יגש חרבו

20 Gaarran marga ni kennuuf; bineensonni hundi naannoo isaa ni burraaqu.

כי-בול הרים ישאו-לו וכל-חית השדה ישחקו-שם

21 Inni huuxxii qoraattii qabu jala ciisa; shambaqqoo lafa dhaqdhaqii keessa dhokata.

תחת-צאלים ישכב-- בסתר קנה ובצה

22 Gaaddisni huuxxii qoraattii qabuu isa haguuga; alaltuun lagaas isa marsa.

יסכהו צאלים צללו יסבוהו ערבי-נחל

23 Yommuu lagni cabsee yaaʼutti iyyuu kunoo, inni hin rifatu. Lagni Yordaanos afaan isaa irra garagalu iyyuu inni hin shishu.

הן יעשק נהר לא יחפוז יבטח כי-יגיח ירדן אל-פיהו

24 Namni utuma inni arguu isa qabuu yookaan kiyyoodhaan isa qabee funyaan isaa uruu dandaʼu tokko iyyuu jiraa?

בעיניו יקחנו במוקשים ינקב-אף