Iyyoob 39
1 “Yeroo itti qellejjeen dhaltu beektaa? Yeroo itti borofni ilmoo ishee dhaltu argiteertaa?
| הידעת--עת לדת יעלי-סלע חלל אילות תשמר |
2 Jiʼa isaan garaatti ilmaan baatan ni lakkooftaa? Yeroo isaan itti dhalan ni beektaa?
| תספר ירחים תמלאנה וידעת עת לדתנה |
3 Isaan jilbeenfatanii ilmaan isaanii dhalu; foolachuu isaaniis ni hobbaafatu.
| תכרענה ילדיהן תפלחנה חבליהם תשלחנה |
4 Ilmaan isaanii ni jabaatu; alattis ni guddatu; baʼanii ni deemu; hin deebiʼanis.
| יחלמו בניהם ירבו בבר יצאו ולא-שבו למו |
5 “Eenyutu harree diidaa gad dhiise? Funyoo isaas eenyutu hiike?
| מי-שלח פרא חפשי ומסרות ערוד מי פתח |
6 Ani gammoojjii mana isaa, lafa soogiddaas iddoo jireenya isaa godheen kenneef.
| אשר-שמתי ערבה ביתו ומשכנותיו מלחה |
7 Inni waca magaalaa keessaatti ni kolfa; iyya konkolaachisaas hin dhagaʼu.
| ישחק להמון קריה תשאות נגש לא ישמע |
8 Waan dheedu argachuuf tulluuwwan irra laba; waan lalisaa hundas ni barbaada.
| יתור הרים מרעהו ואחר כל-ירוק ידרוש |
9 “Gafarsi si tajaajiluuf siif ajajamaa? Dallaa kee keessas ni bulaa?
| היאבה רים עבדך אם-ילין על-אבוסך |
10 Akka inni lafa siif qotuuf funyoodhaan isa hidhuu ni dandeessaa? Yookaan inni si duubaan boʼoo ni baasaa?
| התקשר-רים בתלם עבתו אם-ישדד עמקים אחריך |
11 Ati waan inni humna guddaa qabuuf isa ni amanattaa? Hojii kee jabaa illee isatti ni dhiiftaa?
| התבטח-בו כי-רב כחו ותעזב אליו יגיעך |
12 Akka inni midhaan kee walitti qabee oobdii kee irratti siif tuuluuf isa ni abdattaa?
| התאמין בו כי-ישוב (ישיב) זרעך וגרנך יאסף |
13 “Guchiin gammachuudhaan qoochoo ishee afarsiti; garuu qoochoo fi baallee huummootiin wal bira hin qabamu.
| כנף-רננים נעלסה אם-אברה חסידה ונצה |
14 Hanqaaquu ishee lafa irratti buufti; akka itti hoʼuufis cirracha keessatti dhiifti;
| כי-תעזב לארץ בציה ועל-עפר תחמם |
15 garuu akka miilli wayii caccabsu, akka bineensi irra ejjetu hin yaadattu.
| ותשכח כי-רגל תזורה וחית השדה תדושה |
16 Cuucii isheettis akka waan isaan kan ishee hin taʼiniitti garaa jabaatti; yoo dadhabbiin ishee akkasumaan bade illee isheef homaa miti;
| הקשיח בניה ללא-לה לריק יגיעה בלי-פחד |
17 Waaqni ogummaadhaan ishee hin badhaafneetii; yookaan hubannaa isheef hin qoodne.
| כי-השה אלוה חכמה ולא-חלק לה בבינה |
18 Yeroo fiiguuf qoochoo ishee balʼifattutti, isheen fardaa fi namicha gulufutti kofalti.
| כעת במרום תמריא תשחק לסוס ולרכבו |
19 “Ati fardaaf jabina ni kennitaa? Yookaan morma isaatti gama uffisuu dandeessaa?
| התתן לסוס גבורה התלביש צוארו רעמה |
20 Akka inni akkuma hawwaannisaatti utaalu ni gootaa? Ulfinni korrisa isaas sodaachisaa dha.
| התרעישנו כארבה הוד נחרו אימה |
21 Inni humna isaatti gammadee akka malee guulee lafa dhidhiita; baʼees miʼa lolaatti qajeela.
| יחפרו בעמק וישיש בכח יצא לקראת-נשק |
22 Inni sodaatti ni kolfa; waan tokko illee hin sodaatu; goraadee irraas duubatti hin deebiʼu.
| ישחק לפחד ולא יחת ולא-ישוב מפני-חרב |
23 Manʼeen xiyyaa, eeboo fi ankaaseen calaqqisus cinaacha isaatti bubbuʼee kililcha.
| עליו תרנה אשפה להב חנית וכידון |
24 Siʼaaʼee rommuudhaan lafa haadha; yeroo malakanni afuufamutti illee obsee dhaabachuu hin dandaʼu.
| ברעש ורגז יגמא-ארץ ולא-יאמין כי-קול שופר |
25 Inni yommuu malakanni afuufamutti ‘Uffee’ jedhee imimsa; waca ajajjootaatii fi iyya waraanaa, foolii waraanaa illee fagoottu suufa.
| בדי שפר יאמר האח-- ומרחוק יריח מלחמה רעם שרים ותרועה |
26 “Cululleen ogummaa keetiin barriftee qoochoo ishees gara kibbaatti balʼiftii?
| המבינתך יאבר-נץ יפרש כנפו לתימן |
27 Risaan ajaja keetiin ol baʼee ol fagootti mana isaa ijaarrataa?
| אם-על-פיך יגביה נשר וכי ירים קנו |
28 Inni qarqara hallayyaa irra jiraata; halkanis achuma bula; kattaan fofottoqaanis daʼoo isaa ti.
| סלע ישכן ויתלנן-- על שן-סלע ומצודה |
29 Achi taaʼees waan nyaatu adamsa; iji isaas fagootti waan sana arga.
| משם חפר-אכל למרחוק עיניו יביטו |
30 Cuucoliin isaa dhiiga dhugu; innis lafa raqni jiruu hin dhabamu.”
| ואפרחו יעלעו-דם ובאשר חללים שם הוא |
