Iyyoob 35
1 Eliihuunis itti fufee akkana jedhe:
Moreover Eliu spoke these words:
2 “Ati waan kana qajeelaa seetaa? Ati, ‘Ani fuula Waaqaa duratti qajeelaa dha’ jetta.
Doth thy thought seem right to thee, that thou shouldst say: I am more just than God?
3 Ati, ‘Wanni kun faayidaa maalii naa qaba? Ani cubbuu hojjechuu dhiisuudhaan maalin argadha?’ jettee gaafatta.
For thou saidst: That which is right doth not please thee: or what will it profit thee if I sin?
4 “Ani siʼii fi michoota kee kanneen si wajjin jiraniif deebii kennuu nan barbaada.
Therefore I will answer thy words, and thy friends with thee.
5 Ol jedhiitii samiiwwan ilaali; duumessoota siin ol jiranis argi.
Look up to heaven and see, and behold the sky, that it is higher than thee.
6 Ati yoo cubbuu hojjette maal isa miita? Cubbuun kees yoo baayʼate maal isa godha?
If thou sin, what shalt thou hurt him? and if thy iniquities be multiplied, what shalt thou do against him?
7 Ati yoo qajeelaa taate, maal isaaf kennita? Yookaan inni harka kee irraa maal argata?
And if thou do justly, what shalt thou give him, or what shall he receive of thy hand?
8 Hamminni kee nama akka keetii qofa miidha; qajeelummaan kees ilmaan namaa qofa fayyada.
Thy wickedness may hurt a man that is like thee: and thy justice may help the son of man.
9 “Waan cunqursaan itti hammaatteef namoonni ni iyyu; irree humna qabeessaa jalaa baʼuufis gargaarsaaf wawwaatu.
By reason of the multitude of oppressions they shall cry out: and shall wail for the violence of the arm of tyrants.
10 Garuu namni tokko iyyuu akkana hin jedhu; ‘Waaqni Uumaan koo, inni halkaniin faarfannaa namaa kennu,
And he hath not said: Where is God, who made me, who hath given songs in the night?
11 kan bineensota lafa irraa caalaa beektota, simbirroo samii caalaas ogeeyyii nu godhu eessa jira?’
Who teacheth us more than the beasts of the earth, and instructeth us more than the fowls of the air.
12 Inni sababii of tuulummaa jalʼootaatiif yommuu namoonni iyyanitti deebii hin kennu.
There shall they cry, and he will not hear, because of the pride of evil men.
13 Dhugumaan Waaqni iyya isaanii kan gatii hin qabne sana hin dhaggeeffatu; Waaqni Waan Hunda Dandaʼu iyya sanaaf gurra hin kennu.
God therefore will not hear in vain, and the Almighty will look into the causes of every one.
14 Yoo ati, ‘Dubbiin koo fuula isaa dura jira; ani isa eeggachaan jira; garuu isa arguu hin dandaʼu’ jette, inni hammam kanaa gad iyyuu xinneessee haa dhagaʼu ree!
Yea when thou shalt say: He considereth not: be judged before him, and expect him.
15 Amma illee sababii dheekkamsi isaa nama hin adabneef, sababii inni balleessaa namaa akka waan guddaa tokkootti hin fudhanneef,
For he doth not now bring on his fury, neither doth he revenge wickedness exceedingly.
16 Iyyoob oduu faayidaa hin qabneen afaan bana; beekumsa malees dubbii baayʼisa.”
Therefore Job openeth his mouth in vain, and multiplieth words without knowledge.
