Iyyoob 33
1 “Yaa Iyyoob amma garuu ati dubbii koo dhaggeeffadhu; waan ani jedhu hundas dhagaʼi.
| ואולם--שמע-נא איוב מלי וכל-דברי האזינה |
2 Kunoo ani afaan koo nan banadha; dubbiin koos fiixee arraba kootii irra jira.
| הנה-נא פתחתי פי דברה לשוני בחכי |
3 Dubbiin koo garaa qajeelaa keessaa baʼa; hidhiin koos waan ani beeku ifatti baasee dubbata.
| ישר-לבי אמרי ודעת שפתי ברור מללו |
4 Hafuura Waaqaatu na uume; hafuurri Waaqni Waan Hunda Dandaʼu baafatus jireenya naa kenna.
| רוח-אל עשתני ונשמת שדי תחיני |
5 Egaa yoo dandeesse deebii naa kenni; qophaaʼiitii fuula koo dura dhaabadhu.
| אם-תוכל השיבני ערכה לפני התיצבה |
6 Ani fuula Waaqaa duratti namuma akka keetii ti; anis biyyoo irraan hojjetame.
| הן-אני כפיך לאל מחמר קרצתי גם-אני |
7 Ati na sodaattee hin raafamin; harki koos sitti hin ulfaatin.
| הנה אמתי לא תבעתך ואכפי עליך לא-יכבד |
8 “Dhugumaan ati utuma ani dhagaʼuu dubbatteerta; anis dubbii kee dhagaʼeera.
| אך אמרת באזני וקול מלין אשמע |
9 Ati akkana jetta: ‘Ani qulqulluu dha; cubbuu illee hin qabu; ani balleessaa hin qabu; yakka illee hin hojjenne.
| זך אני בלי-פשע חף אנכי ולא עון לי |
10 Waaqni garuu balleessaa narratti argeera; akka diina isaattis na ilaaleera.
| הן תנואות עלי ימצא יחשבני לאויב לו |
11 Miilla koo gudeelcha gidduu galchee hidha; karaa koo hundas ni eega.’
| ישם בסד רגלי ישמר כל-ארחתי |
12 “Garuu ani sitti nan hima; kana irratti ati qajeelaa miti; Waaqni nama caalaa guddaadhaatii.
| הן-זאת לא-צדקת אענך כי-ירבה אלוה מאנוש |
13 Ati maaliif akka waan inni dubbii namaatiif deebii hin kennineetti isatti guungumta?
| מדוע אליו ריבות כי כל-דבריו לא יענה |
14 Namni hubachuu baattu iyyuu, Waaqni karaa tokkoonis, karaa biraatiinis ni dubbata.
| כי-באחת ידבר-אל ובשתים לא ישורנה |
15 Inni utuma isaan siree isaanii irra ciisanuu, yeroo hirribni cimaan isaan qabutti, abjuudhaan, mulʼata halkaniitiinis,
| בחלום חזיון לילה--בנפל תרדמה על-אנשים בתנומות עלי משכב |
16 gurra isaaniitti ni dubbata; of eeggachiisaanis isaan rifachiisa;
| אז יגלה אזן אנשים ובמסרם יחתם |
17 jalʼina irraa nama deebisuuf, of jajuu irraas isa dhowwuuf,
| להסיר אדם מעשה וגוה מגבר יכסה |
18 lubbuu isaa boolla irraa, jireenya isaas goraadeedhaan baduu irraa oolchuudhaaf.
| יחשך נפשו מני-שחת וחיתו מעבר בשלח |
19 “Namni tokko dhiphina lafee isaa keessaa kan gargar hin cinneen, siree dhiphinaa irratti ni adabama taʼa;
| והוכח במכאוב על-משכבו וריב (ורוב) עצמיו אתן |
20 kanaafuu jireenyi isaa nyaata jibba; lubbuun isaas nyaata filatamaa balfiti.
| וזהמתו חיתו לחם ונפשו מאכל תאוה |
21 Foon isaa nyaatamee dhuma; lafeen isaa kan duraan dhokatee ture sun alatti yaaʼa.
| יכל בשרו מראי ושפי (ושפו) עצמתיו לא ראו |
22 Lubbuun isaa gara boollaatti, jireenyi isaas ergamoota duʼaatti dhiʼaata.
| ותקרב לשחת נפשו וחיתו לממתים |
23 Taʼus yoo kuma keessaa ergamaan Waaqayyoo tokko akka itti qajeelaa taʼan isaanitti himuuf, ergamaan Waaqaa isaanii dhaabatee jiraate,
| אם-יש עליו מלאך--מליץ אחד מני-אלף להגיד לאדם ישרו |
24 yoo namichaaf garaa laafee ‘Boolla buʼuu irraa isa oolche; ani furii isaaf argeen jira’ jedhe,
| ויחננו--ויאמר פדעהו מרדת שחת מצאתי כפר |
25 dhagni isaa akkuma dhagna daaʼimaatti haaromfama; akka bara dargaggummaa isaattis ni deebiʼa.
| רטפש בשרו מנער ישוב לימי עלומיו |
26 Inni Waaqa ni kadhata; isa birattis fudhatama argata; fuula Waaqaa ni arga; ni ililchas; Waaqnis gara qajeelummaa isaa kan duriitti isa ni deebisa.
| יעתר אל-אלוה וירצהו וירא פניו בתרועה וישב לאנוש צדקתו |
27 Ergasiis gara namootaa dhufee akkana jedha; ‘Ani cubbuu hojjedheera; waan qajeelaas jalʼiseera; garuu waan naa malu hin arganne.
| ישר על-אנשים ויאמר חטאתי וישר העויתי ולא-שוה לי |
28 Inni akka isheen boolla hin buuneef lubbuu koo fureera; anis jiraadhee ifa nan arga.’
| פדה נפשי (נפשו) מעבר בשחת וחיתי (וחיתו) באור תראה |
29 “Waaqni waan kana hunda yeroo lama, yeroo sadii iyyuu namaaf ni godha.
| הן-כל-אלה יפעל-אל-- פעמים שלוש עם-גבר |
30 Kanas akka ifni jireenyaa isaaf ifuuf, lubbuu isaas boolla irraa deebisuuf godha.
| להשיב נפשו מני-שחת-- לאור באור החיים |
31 “Yaa Iyyoob qalbeeffadhuutii na dhaggeeffadhu; ati calʼisi; ani nan dubbadhaa.
| הקשב איוב שמע-לי החרש ואנכי אדבר |
32 Yoo waan jettu tokko illee qabaatte deebii naa kenni; dubbadhu, ani akka ati qajeelaa taate mirkaneessuu nan barbaadaatii.
| אם-יש-מלין השיבני דבר כי-חפצתי צדקך |
33 Yoo akkas taʼuu baate garuu na dhaggeeffadhu; calʼisi, anis ogummaa sin barsiisaa.”
| אם-אין אתה שמע-לי החרש ואאלפך חכמה |
