Iyyoob 31

1 “Ani ija koo wajjin kakuu galeera; yoos ani akkamiin hawwiidhaan gara durbaa ilaala ree?

I have made a covenant with my eyes; how then should I look with desire on a virgin?

2 Carraan namni Waaqa samii biraa qabu, dhaalli inni Waaqa Waan Hunda Dandaʼu irraa argatu maali?

For what is the portion from God above, the inheritance from the Almighty on high?

3 Hamootaaf badiisa, warra jalʼina hojjetaniif immoo dhaʼicha mitii?

I used to think that calamity is for unrighteous people, and that disaster is for doers of wickedness.

4 Inni karaa koo hin arguu? Tarkaanfii koo hundas hin lakkaaʼuu?

Does not God see my ways and count all my steps?

5 “Yoo ani karaa sobaa irra deemee yookaan miilli koo gara gowwoomsaatti ariifatee jiraate,

If I have walked with falsehood, if my foot has hurried to deceit,

6 Waaqni madaalii dhugaatiin na haa madaalu; akka ani hirʼina hin qabne illee haa beeku;

let me be weighed in an even balance so that God will know my integrity.

7 yoo tarkaanfiin koo karaa irraa goree, garaan koo waan iji koo argu duukaa buʼee jiraate yookaan yoo harki koo xuraaʼee jiraate,

If my step has turned aside from the way, if my heart has gone after my eyes, if any spot has stuck to my hands,

8 waan ani facaafadhe namni biraa haa nyaatu; midhaan koos haa buqqifamu.

then let me sow, and let another eat, and let my crops be uprooted.

9 “Yoo garaan koo dubartiidhaan gowwoomfamee jiraate, yookaan yoo ani balbala ollaa koo jalatti riphee eeggadhe,

If my heart has been deceived by a woman, if I have lain in wait at my neighbor's door,

10 niitiin koo midhaan nama biraa haa daaktu; namoonni biraas ishee wajjin haa ciisan.

then let my wife grind grain for another, and let others bow down on her.

11 Kun hammina; kan abbaa murtiitiinis adabamuu qabuu dha.

For that would be a terrible crime; indeed, it would be a crime to be punished by judges.

12 Kun ibidda hamma Barbadeessutti waa gubuu dha; midhaan ani qabu hundas gubee balleessa ture.

For that is a fire that consumes as far as Abaddon, and it would burn all my harvest to the root.

13 “Yoo ani yeroo isaan na himatanitti, tajaajiltoota koo dhiiraa fi dubartii murtii qajeelaa dhowwadhee jiraadhe,

If I ignored the plea for justice from my male or female servant when they argued with me,

14 yeroo Waaqni kaʼutti ani maalan godha? Yoo inni na gaafates ani maalan deebisa?

what then would I do when God rises up to accuse me? When he comes to judge me, how would I answer him?

15 Isuma gadameessa keessatti na uume sanatu isaan uume mitii? Kan hunda keenya gadameessa keessatti tolches isuma mitii?

Did the one who made me in the womb not make them also? Did not the same one mold us all in the womb?

16 “Yoo ani waan hiyyeessaaf barbaachisu dhowwadhee jiraadhe, yookaan yoo ani akka iji haadha hiyyeessaa dadhabu godhee jiraadhe,

If I have withheld poor people from their desire, or if I have caused the eyes of the widow to grow dim from crying,

17 yoo ani buddeena koo utuu ilma abbaa hin qabneef hin qoodin kophaa koo nyaadhee jiraadhe,

or if I have eaten my morsel alone and not allowed those without fathers to eat it also—

18 ani garuu dargaggummaa kootii jalqabee akkuma abbaattin isa guddise; dhaloota kootii jalqabees haadha hiyyeessaa karaa argisiise.

because from my youth the orphan grew up with me as with a father, and I have guided his mother, a widow, from my own mother's womb.

19 Ani yoon utuu namni tokko wayyaa dhabee akka malee miidhamuu, yookaan rakkataa uffata of irraa hin qabne tokko argee

If I have seen anyone perish for lack of clothing, or if I have seen that a needy man had no clothing;

20 sababii ani rifeensa hoolota kootiin isa hoʼiseef, yoo garaan isaa na hin eebbisin,

if his heart has not blessed me because he has not been warmed with the wool of my sheep,

21 yoo ani mana murtiitti fudhatama qaba jedhee ijoollee abbaa hin qabnetti harka koo ol kaasee jiraadhe,

if I have lifted up my hand against fatherless people because I saw my support in the city gate, then bring charges against me!

22 irreen koo gatiittii koo irraa haa buqqaʼu; irreen koo buusaa isaatti haa cabu.

If I have done these things, then let my shoulder fall from the shoulder blade, and let my arm be broken from its joint.

23 Ani sababiin dhaʼicha Waaqaa sodaadhee fi sababiin surraa isaa kabajeef waan akkanaa hojjechuu hin dandeenye.

For I dreaded destruction from God; because of his majesty, I was not able to do those things.

24 “Yoo ani warqee abdadhee yookaan warqee qulqulluudhaan, ‘Ati irkoo koo ti’ jedhee jiraadhe,

If I have made gold my hope, and if I have said to fine gold, 'You are what I am confident in';

25 yoo ani qabeenya koo guddaatti, milkaaʼina harki koo argatetti gammadee jiraadhe,

if I have rejoiced because my wealth was great, because my hand had gotten many possessions, then bring charges against me!

26 yoo ani aduu iftu argee yookaan jiʼa miidhaginaan deemu ilaalee kabajee,

If I have seen the sun when it shone, or the moon walking in its brightness,

27 akkasiinis garaan koo dhoksaan gowwoomfamee afaan koo harka koo dhungatee jiraate,

and if my heart has been secretly attracted, so that my mouth has kissed my hand in worship of them—

28 wanni kun cubbuu adabamuu qabuu dha; ani Waaqa samiitiif hin amanamne tureetii.

this also would be a crime to be punished by judges, for I would have denied the God who is above.

29 “Yoo ani badiisa diina kootiitti gammadee yookaan rakkina isa irra gaʼeef ililchee jiraadhe,

If I have rejoiced at the destruction of anyone who hated me or congratulated myself when disaster overtook him, then bring charges against me!

30 ani jireenya isaa abaaruudhaan akka afaan koo cubbuu hojjetu hin eeyyamne.

Indeed, I have not even allowed my mouth to sin by asking for his life with a curse.

31 Yoo namoonni mana koo jiraatan, takkumaa, ‘Eenyutu buddeena mana Iyyoob nyaatee hin quufin?’ hin jedhin,

If the men of my tent have never said, 'Who can find one who has not been filled with Job's food?'

32 sababii manni koo karaa deemtuuf banaa tureef, keessummaan kam iyyuu ala hin bulu ture.

(even the foreigner has never had to stay in the city square, because I have always opened my doors to the traveler), and if that is not so, then bring charges against me!

33 Yoo ani akkuma namoonni godhan sana balleessaa koo garaatti qabadhee cubbuu koos dhokfadhee jiraadhe,

If, like mankind, I have hidden my sins by hiding my guilt inside my tunic

34 ani waldaa guddaa sodaadhee yookaan tuffiin gosaa na naasisee, calʼisee gad baʼuu dhiiseeraa?

(because I feared the great multitude, because the contempt of families terrified me, so that I kept silent and would not go outside), then bring charges against me!

35 “Maaloo ani utuu nama na dhagaʼu argadhee! Ani mallattoo falmii koo nan mallatteessa; Waaqni Waan Hunda Dandaʼu deebii naaf haa kennu; himataan koo dubbii isaa barreeffamaan haa dhiʼeeffatu.

Oh, if only I had someone to hear me! See, here is my signature; let the Almighty answer me! If only I had the indictment that my opponent has written!

36 Dhugumaan ani gatiittii koo irratti waan kana nan baadha; akka gonfoottis mataa irra nan kaaʼadhan ture.

Surely I would carry it openly on my shoulder; I would put it on like a crown.

37 Tokkoo tokkoo tarkaanfii koo isatti nan hima; akkuma ilma mootiittis isatti nan dhiʼaadhan ture.

I would declare to him an accounting for my steps; as a confident prince I would go up to him.

38 “Yoo lafti koo natti iyyitee boʼoon ishee hundinuu imimmaaniin jiidhe,

If my land ever cries out against me, and its furrows weep together,

39 yoo ani kaffaltii malee midhaan ishee nyaadhe, yookaan akka hojjettoonni isaa lubbuu isaanii dhaban godhee jiraadhe,

if I have eaten its harvest without paying for it or have caused its owners to lose their lives,

40 qooda qamadii qoraattiin, qooda garbuus aramaan itti haa biqilu.” Dubbiin Iyyoob xumurame.

then let thorns grow instead of wheat and weeds instead of barley.” The words of Job are finished.