Iyyoob 30
1 “Amma garuu warri umuriidhaan naa gadii, kanneen ani abbootii isaanii saroota hoolota koo tiksitu wajjin iyyuu madaaluu tuffadhe, kunoo natti qoosu.
| ועתה שחקו עלי צעירים ממני לימים אשר מאסתי אבותם לשית עם כלבי צאני׃ |
2 Warra humna dhaban, jabinni irree isaanii maal na fayyada?
| גם כח ידיהם למה לי עלימו אבד כלח׃ |
3 Isaan rakkinaa fi beelaan laafan; lafa gogaa keessa, gammoojjii namni keessa hin jiraanne keessa halkaniin jooran.
| בחסר ובכפן גלמוד הערקים ציה אמש שואה ומשאה׃ |
4 Daggala keessaa biqiltuu soogiddaa funaannatan; nyaanni isaaniis hidda mukaa kan hin miʼoofne ture.
| הקטפים מלוח עלי שיח ושרש רתמים לחמם׃ |
5 Isaan namoota gidduudhaa ariʼaman; namoonnis akkuma waan hattuutti iyyaniitti itti iyyan.
| מן גו יגרשו יריעו עלימו כגנב׃ |
6 Isaan akka laga gogaa keessa, kattaa gidduu fi boolla lafaa keessa jiraataniif dirqamaman.
| בערוץ נחלים לשכן חרי עפר וכפים׃ |
7 Bosona keessatti ni halaaku; daggala keessattis walitti tuutaʼu.
| בין שיחים ינהקו תחת חרול יספחו׃ |
8 Isaan gowwoota maqaa hin qabne, kanneen biyyaa ariʼaman turan.
| בני נבל גם בני בלי שם נכאו מן הארץ׃ |
9 “Amma ilmaan isaanii sirba natti baafatan; ani isaan gidduutti waan kolfaa taʼeera.
| ועתה נגינתם הייתי ואהי להם למלה׃ |
10 Isaan xireeffatanii narraa fagaatan; fuula kootti tufuu irraas duubatti hin deebiʼan.
| תעבוני רחקו מני ומפני לא חשכו רק׃ |
11 Sababii Waaqni iddaa koo laafisee gad na deebiseef, isaan fuula koo duratti luugama baafatan.
| כי יתרו פתח ויענני ורסן מפני שלחו׃ |
12 Karaa mirga kootiin addaggeewwan kaʼaniiru; miilla kootiif kiyyoo kaaʼaniiru; biyyoos akka dallaa natti naannessan.
| על ימין פרחח יקומו רגלי שלחו ויסלו עלי ארחות אידם׃ |
13 Isaan karaa koo natti cufu; na galaafachuufis ni milkaaʼu; namni isaan dhowwu tokko iyyuu hin jiru.
| נתסו נתיבתי להותי יעילו לא עזר למו׃ |
14 Akkuma nama qaawwa balʼaan dhufuutti, ona diigamaa keessa gangalachaa natti dhufu.
| כפרץ רחב יאתיו תחת שאה התגלגלו׃ |
15 Sodaan na liqimseera; ulfinni koo akkuma waan bubbeedhaan fudhatamuutti narraa fudhatameera; badhaadhummaan koos akkuma duumessaa bada.
| ההפך עלי בלהות תרדף כרוח נדבתי וכעב עברה ישעתי׃ |
16 “Amma lubbuun koo na keessatti dhumteerti; barri rakkinaas na qabateera.
| ועתה עלי תשתפך נפשי יאחזוני ימי עני׃ |
17 Halkan keessa lafeen koo ni waraanama; dhukkubbiin na nyaatus natti hin furu.
| לילה עצמי נקר מעלי וערקי לא ישכבון׃ |
18 Waaqni humna jabaadhaan uffata koo qabeera; akkuma morma wayyaa kootti hudhee na qabeera.
| ברב כח יתחפש לבושי כפי כתנתי יאזרני׃ |
19 Inni darbatee dhoqqee keessa na buusa; anis akkuma biyyoo fi daaraa taʼeera.
| הרני לחמר ואתמשל כעפר ואפר׃ |
20 “Yaa Waaqi, ani sitti nan iyyadha; ati garuu deebii naa hin kennitu; ani nan dhaabadha; ati garuu calʼistee na ilaalta.
| אשוע אליך ולא תענני עמדתי ותתבנן בי׃ |
21 Ati gara jabinaan natti garagalta; irree kee jabaadhaanis na dhoofta.
| תהפך לאכזר לי בעצם ידך תשטמני׃ |
22 Ol na buttee fuula bubbee dura na oofta; bubbee hamaa keessas asii fi achi na aata.
| תשאני אל רוח תרכיבני ותמגגני תשוה׃ |
23 Ani akka ati gara duʼaatti, gara mana warra lubbuun jiraatan hundaaf ramadameetti na geessitu nan beeka.
| כי ידעתי מות תשיבני ובית מועד לכל חי׃ |
24 “Dhuguma iyyuu yeroo inni rakkatee gargaarsa barbaachaaf iyyutti, namni harka isaa isa irra kaaʼu tokko iyyuu hin jiru.
| אך לא בעי ישלח יד אם בפידו להן שוע׃ |
25 Ani warra rakkina keessa jiraniif hin boonyee? Lubbuun koos hiyyeeyyiif hin gaddinee?
| אם לא בכיתי לקשה יום עגמה נפשי לאביון׃ |
26 Garuu utuu ani waan gaarii abdadhuu, wanni hamaan natti dhufe; utuu ani ifa eeggadhuus, dukkanni natti dhufe.
| כי טוב קויתי ויבא רע ואיחלה לאור ויבא אפל׃ |
27 Keessi koo jeeqamaa jira; gonkumaa hin qabbanoofne; barri gidiraas natti dhufeera.
| מעי רתחו ולא דמו קדמני ימי עני׃ |
28 Ani jajjabina dhabee asii fi achi deemee nan booʼa; waldaa keessa dhaabadhees gargaarsaaf nan iyya.
| קדר הלכתי בלא חמה קמתי בקהל אשוע׃ |
29 Ani obboleessa waangoo, michuu urunguus taʼeera.
| אח הייתי לתנים ורע לבנות יענה׃ |
30 Gogaan koo gurraachaʼee qolli irraa kaʼeera; dhagni koos hoʼaan bobaʼeera.
| עורי שחר מעלי ועצמי חרה מני חרב׃ |
31 Baganaan koo booʼichaaf, ululleen koo immoo sagalee iyyaatiif qopheeffameera.
| ויהי לאבל כנרי ועגבי לקול בכים׃ |
