Iyyoob 15
1 Eliifaaz Teemaanichi akkana jedhee deebise:
| ויען אליפז התימני ויאמר |
2 “Namni ogeessi tokko dubbii faayidaa hin qabneen deebii kennaa? Yookaan bubbee baʼa biiftuutiin garaa isaa guutataa?
| החכם יענה דעת-רוח וימלא קדים בטנו |
3 Inni dubbii faayidaa hin qabneen, haasaa buʼaa hin qabneenis ni falmaa?
| הוכח בדבר לא-יסכון ומלים לא-יועיל בם |
4 Ati garuu Waaqa sodaachuu ni tuffatta; Waaqa kadhachuu illee nama dhowwita.
| אף-אתה תפר יראה ותגרע שיחה לפני-אל |
5 Cubbuun kee afaan kee ni barsiifti; atis afaan jalʼootaa filatta.
| כי יאלף עונך פיך ותבחר לשון ערומים |
6 Afaanuma keetu sitti mura malee afaan koo miti; arrabuma keetu ragaa sitti taʼa.
| ירשיעך פיך ולא-אני ושפתיך יענו-בך |
7 “Situ nama hunda dura dhalatee? Yookaan situ tulluuwwan dura argamee?
| הראישון אדם תולד ולפני גבעות חוללת |
8 Ati dhoksaa Waaqaa dhageesseertaa? Ogummaas ofuma keetiif dhuunfattaa?
| הבסוד אלוה תשמע ותגרע אליך חכמה |
9 Wanni ati beektu kan nu hin beekne maali? Hubannaan ati qabdu kan nu hin qabne maali?
| מה-ידעת ולא נדע תבין ולא-עמנו הוא |
10 Namoonni arrii baasanii fi kanneen jaaran, warri abbaa kee iyyuu caalaa dullooman nu gidduu jiru.
| גם-שב גם-ישיש בנו-- כביר מאביך ימים |
11 Gorsi Waaqaa kan nama jajjabeessu, dubbiin suutaan sitti himame sun si hanqatee?
| המעט ממך תנחומות אל ודבר לאט עמך |
12 Yaadni kee maaliif si fudhatee bada? Ijas maaliif babaafta?
| מה-יקחך לבך ומה-ירזמון עיניך |
13 Wanni akka ati Waaqatti aartu, akka dubbiin akkasiis afaan keetii baʼu godhe maali?
| כי-תשיב אל-אל רוחך והצאת מפיך מלין |
14 “Akka qulqulluu taʼuuf namni maali? Yookaan akka qajeeltota taʼaniif warri dubartoota irraa dhalatan maali?
| מה-אנוש כי-יזכה וכי-יצדק ילוד אשה |
15 Yoo Waaqni qulqulloota isaa illee amanuu baatee samiiwwan iyyuu fuula isaa duratti qulqulluu taʼuu baatan,
| הן בקדשו לא יאמין ושמים לא-זכו בעיניו |
16 yoos sanyiin namaa inni hamaa fi xuraaʼaan, kan akkuma bishaaniitti cubbuu dhugu sun hammam hammasii gad haa taʼu ree!
| אף כי-נתעב ונאלח איש-שתה כמים עולה |
17 “Na dhaggeeffadhu; ani siifan ibsaa; waanan arges sitti nan hima;
| אחוך שמע-לי וזה-חזיתי ואספרה |
18 waan namoonni ogeeyyiin waan abbootii isaanii irraa dhagaʼan keessaa tokko illee utuu hin dhoksin odeessan sana nan dubbadha;
| אשר-חכמים יגידו ולא כחדו מאבותם |
19 biyyattiin abbootii isaanii qofaaf kennamte; alagaan tokko iyyuu isaan gidduu hin jiraanne.
| להם לבדם נתנה הארץ ולא-עבר זר בתוכם |
20 Namni dabaan bara jireenya isaa guutuu, gara jabeessis bara isaaf qoodame guutuu ni rakkata.
| כל-ימי רשע הוא מתחולל ומספר שנים נצפנו לעריץ |
21 Sagaleen sodaachisaan gurra isaatti ni iyya; utuma inni nagaan jiraatuus saamtonni tasuma itti dhufu.
| קול-פחדים באזניו בשלום שודד יבואנו |
22 Inni akka deebiʼee dukkana keessaa baʼu hin amanu; goraadeetu isa eeggata.
| לא-יאמין שוב מני-חשך וצפו (וצפוי) הוא אלי-חרב |
23 Inni waan nyaatamu barbaacha asii fi achi joora; akka guyyaan dukkanaa dhiʼaates ni beeka.
| נדד הוא ללחם איה ידע כי-נכון בידו יום-חשך |
24 Dhiphinaa fi gaddi isa sodaachisu; akkuma mootii lolaaf qophaaʼeettis isatti cimu;
| יבעתהו צר ומצוקה תתקפהו כמלך עתיד לכידור |
25 inni harka isaa Waaqatti ol fudhatee Waaqa Waan Hunda Dandaʼus tuffateera;
| כי-נטה אל-אל ידו ואל-שדי יתגבר |
26 gaachana yabbuu fi jabaa qabatee isaan mormuuf mata jabinaan baʼeera.
| ירוץ אליו בצואר בעבי גבי מגניו |
27 “Yoo fuulli isaa coomaan haguugamee mudhiin isaa foon baasee iitaʼe iyyuu,
| כי-כסה פניו בחלבו ויעש פימה עלי-כסל |
28 inni magaalaawwan barbadaaʼan keessa, manneen namni tokko iyyuu keessa hin jiraanne, kanneen diigamanii tuulamuu gaʼan keessa jiraata.
| וישכון ערים נכחדות--בתים לא-ישבו למו אשר התעתדו לגלים |
29 Inni siʼachi hin sooromu; qabeenyi isaas hin jiraatu; yookaan qabeenyi isaa lafa irra hin turu.
| לא-יעשר ולא-יקום חילו ולא-יטה לארץ מנלם |
30 Inni dukkana jalaa hin baʼu; arrabni ibiddaa damee isaa ni gogsa; hafuurri afaan Waaqaatii baʼus isa fudhata.
| לא-יסור מני-חשך--ינקתו תיבש שלהבת ויסור ברוח פיו |
31 Inni sababii beenyaa tokko illee hin arganneef, waan faayidaa hin qabne amanachuudhaan of hin gowwoomsin.
| אל-יאמן בשו נתעה כי-שוא תהיה תמורתו |
32 Inni utuu yeroon isaa hin gaʼin ni coollaga; dameen isaas hin lalisu.
| בלא-יומו תמלא וכפתו לא רעננה |
33 Inni akka muka wayinii iji isaa utuu hin bilchaatin irraa funaanamee, akka ejersa daraaraa isaa of irraa harcaasee ni taʼa.
| יחמס כגפן בסרו וישלך כזית נצתו |
34 Gareen warra Waaqaaf hin bullee ni maseena; ibiddis dunkaana warra mattaʼaa jaallatanii ni guba.
| כי-עדת חנף גלמוד ואש אכלה אהלי-שחד |
35 Isaan rakkina ulfaaʼanii hammina dhalan; garaan isaaniis jalʼina yaada.”
| הרה עמל וילד און ובטנם תכין מרמה |
