Iyyoob 10
1 “Ani jireenya koo akka malee jibbeera; kanaafuu caalchisee nan guunguma; hadhaaʼummaa lubbuu kootiinis nan dubbadha.
I am weary of my life; I will let loose within me my complaint; I will speak in the bitterness of my soul.
2 Waaqaanis akkana nan jedha: Ati maaliin akka na himattu natti himi malee natti hin murin.
I will say unto God, Do not condemn me! Show me wherefore thou contendest with me!
3 Hojii jalʼootaa gammachuudhaan fudhattee ana immoo yommuu cunqursitu, hojii harka keetiis yommuu tuffattu sitti tolaa?
Is it a pleasure to thee to oppress, And to despise the work of thy hands, And to shine upon the plans of the wicked?
4 Ati ija foonii qabdaa? Akka namni ilaaluttis ni ilaaltaa?
Hast thou eyes of flesh, Or seest thou as man seeth?
5 Barri kee akka bara namaatii? Yookaan waggoonni kee akka waggoota namaatii?
Are thy days as the days of a man, Are thy years as the days of a mortal,
6 Yoos ati maaliif balleessaa koo barbaaddee cubbuu koo qoratta?
That thou seekest after my iniquity, And searchest after my sin,
7 Taʼus ati akka ani yakka hin qabnee fi akka namni harka keetii na baasu tokko iyyuu hin jirre ni beekta.
Though thou knowest that I am not guilty, And that none can deliver from thy hand?
8 “Harki kee tolchee na uume. Ati amma deebitee na balleessitaa?
Have thy hands completely fashioned and made me In every part, that thou mightst destroy me?
9 Akka supheetti na tolchuu kee yaadadhu. Ati amma gara biyyootti na deebiftaa?
O remember that thou hast moulded me as clay! And wilt thou bring me again to dust?
10 Ati akka aannanii na hin dhangalaafnee? Akka baaduus na hin itichinee?
Thou didst pour me out as milk, And curdle me as cheese;
11 Ati gogaa fi foon natti uffifte; lafee fi ribuudhaanis walitti hodhitee na tolchite.
With skin and flesh didst thou clothe me, And strengthen me with bones and sinews;
12 Ati jireenya naa kennitee gaarummaa natti argisiifte; kunuunsi kees hafuura koo naa eege.
Thou didst grant me life and favor, And thy protection preserved my breath:
13 “Ati garuu waan kana hunda garaatti qabatte; anis akka wanni kun yaada kee keessa jiru nan beeka.
Yet these things thou didst lay up in thy heart! I know that this was in thy mind.
14 Ati yoo ani cubbuu hojjedhe na argita; balleessaa koos utuu hin adabin bira hin dabartu.
If I sin, then thou markest me, And wilt not acquit me of mine iniquity.
15 Yoo ani yakka hojjedhe, anaaf wayyoo! Ani yoo nama balleessaa hin qabne taʼe illee, mataa koo ol qabachuu hin dandaʼu; ani salphina uffadhee dhiphina keessa seeneeraatii.
If I am wicked, —then woe unto me! Yet if righteous, I dare not lift up my head; I am full of confusion, beholding my affliction.
16 Yoo ani mataa ol qabadhe ati akka leenca waa adamsuu na adamsita; humna kee sodaachisaa sanas ammumaa amma natti argisiifta.
If I lift it up, like a lion thou huntest me, And again showest thyself terrible unto me.
17 Ati dhuga baatota haaraa natti fiddee dheekkamsa kee natti dabalta; loltuus natti fidda.
Thou renewest thy witnesses against me, And increasest thine anger toward me; New hosts continually rise up against me.
18 “Egaa ati maaliif gadameessa keessaa na baafte? Utuu iji tokko iyyuu na hin argin utuun duʼee.
Why then didst thou bring me forth from the womb? I should have perished, and no eye had seen me;
19 Ani utuun dhalachuu baadhee yookaan utuun akkuman dhaladheen awwaalamee jiraadhee!
I should be as though I had not been; I should have been borne from the womb to the grave.
20 Barri koo gabaabaan dhumaa jira mitii? Akka ani yeroo xinnoof gammaduuf narraa deebiʼi;
Are not my days few? O spare then, And let me alone, that I may be at ease a little while,
21 utuu ani lafa dhaqanii hin deebine, biyya dimimmisaa fi dukkana limixii hin dhaqin dura,
Before I go— whence I shall not return—To the land of darkness and death-shade,
22 gara biyya dimimmisaaʼaa akka dukkanaa, biyya gaaddidduu duʼaatiin guutame, kan ifni iyyuu akkuma dukkanaa taʼee hin dhaqin, narraa deebiʼi.”
The land of darkness like the blackness of death-shade, Where is no order, and where the light is as darkness.
