Uumama 50
1 Yoosefis abbaa isaa irratti kufee booʼeef; isa dhungates.
若瑟伏在他父親的臉上，痛哭親吻，
2 Ergasii immoo Yoosef tajaajiltoota isaa kanneen ogeessota fayyaa taʼan akka isaan reeffa abbaa isaa qorichaan sukkuuman ajaje; jarris reeffa Israaʼel qorichaan sukkuuman;
然後吩咐照料自己的醫生，用香料包殮他父親；醫生便用香料包殮了以色列。
3 waan kana gochuun bultii afurtama guutuu isaanitti fudhate; yeroon qoricha reeffa dibuuf barbaachisu kana tureetii. Warri Gibxiis bultii torbaatama isaaf booʼan.
為他共費了四十天，因為用香料包殮屍體原需要這些天數。埃及人為他舉哀七十天。
4 Guyyoonni gaddaa darbinaan Yoosef warra mana Faraʼoon jiraataniin akkana jedhe; “Yoo ani fuula keessan duratti fudhatama argadheera taʼe, akkana jedhaatii Faraʼoonitti naa himaa:
舉哀期一過，若瑟就向法郎的朝廷說：「我如在你們眼中得寵，請你們代我轉告法郎說：
5 ‘Abbaan koo akkana jedhee na kakachiiseera; “Kunoo ani duʼuu gaʼeera; awwaala ani biyya Kanaʼaan keessatti ofii kootiif qotadhetti na awwaalaa.” Kanaafuu maaloo ani amma dhaqee abbaa koo nan awwaalladha; ergasii immoo nan deebiʼa.’”
我父親曾叫我起誓，對我說：看，我快要死了! 我在客納罕地，曾為自己鑿了一個墳墓，你應把我葬在那裏。現在請讓我上去埋葬我父親，然後回來。」
6 Faraʼoonis, “Dhaqiitii akkuma inni si kakachiise sanatti abbaa kee awwaalladhu” jedheen.
法郎回覆說：「你就照你父親令你起的誓，上去埋葬他罷! 」
7 Yoosefis abbaa isaa awwaallachuu dhaqe. Qondaaltonni Faraʼoon hundinuu hangafoonni mana isaatii fi hangafoonni Gibxi hundi isa wajjin deeman.
於是若瑟上去埋葬他父親，與他一同去的，有法郎的一切臣僕，朝廷的顯要，和埃及國所有的紳士；
8 Akkasumas warri mana Yoosef jiraatan, obboloota isaatii fi warri mana abbaa isaa jiraatan hundi isa wajjin deeman. Ijoollee isaanii, bushaayee isaaniitii fi loon isaanii qofattu, Gooshenitti hafe.
還有若瑟全家和他的兄弟們，並他父親的家屬，只留下家中幼小，羊群和家畜在哥笙地。
9 Gaariiwwanii fi warri farda yaabbatanis isa wajjin deeman. Tuunni sunis akka malee guddaa ture.
與他同去的，尚有車輛和騎兵：實在是一大隊行列。
10 Isaanis yommuu Yordaanos gama oobdii Axaad bira gaʼanitti sagalee isaanii ol fudhatanii gadoodanii booʼan. Yoosefis achitti abbaa isaatiif guyyaa torba booʼe.
當他們到了約但河對岸的阿塔得打禾場，就在那裏舉行了極備哀榮的隆重喪禮；若瑟又為自己的父親舉哀了七天。
11 Namoonni Kanaʼaan warri achi jiraachaa turan booʼicha oobdii Axaad biratti booʼame sana arganii, “Booʼichi kun warra Gibxiitiif booʼicha guddaa dha” jedhan. Kanaafuu iddoon sun Abeel Misraayim jedhamee moggaafame. Iddoon sunis Yordaanos gamatti argama.
住在當地的客納罕人見了阿塔得打禾場上的喪禮，就說：「這為埃及人實是一場極備哀榮的喪禮。」因而給那在約但對岸的地方，起名叫阿貝耳米茲辣殷。
12 Ilmaan Yaaqoob akkuma inni isaan ajaje sana godhan;
雅各伯的兒子們完全照他們的父親所吩咐的給他辦了：
13 isaanis biyya Kanaʼaanitti isa geessanii holqa Mamree biratti lafa qotiisaa Makfelaa keessatti argamu kan Abrahaam iddoo awwaalaa godhachuudhaaf Efroon namicha gosa Heeti sana irra lafa qotiisaa wajjin bitate sanatti awwaalan.
將他運到客納罕地，葬在面對瑪默勒的瑪革培拉田裏的山洞內；這塊田是亞巴郎由赫特人厄斐龍買了來作為私有墳地。
14 Yoosef erga abbaa isaa awwaallatee booddee obboloota isaatii fi warra isa wajjin abbaa isaa awwaaluu dhaqan hunda wajjin Gibxitti deebiʼe.
若瑟葬了父親以後，遂和他兄弟們，以及所有與他上來埋葬他父親的人們，返回了埃及。
15 Obboloonni Yoosef erga abbaan isaanii duʼee booddee, “Yoo Yoosef hamaa nu isatti hojjennee hundaaf haaloo qabatee haaloo nutti baʼe hoo?” jedhan.
若瑟的兄弟們見父親已死，就說：「或者若瑟仍懷恨我們，要報復我們對他所行的一切惡事。」
16 Isaanis akkana jedhanii Yoosefitti dhaammatan; “Abbaan kee utuu hin duʼin dura akkana jedhee ajaje;
因此便派人去見若瑟說：「你父親未死以前曾囑咐說：
17 ‘Isin akkana jedhaa Yoosefitti himaa; ani akka ati cubbuu fi balleessaa obboloonni kee si miidhuuf jedhanii sitti hojjetan sana isaanii dhiiftu sin kadhadha.’ Maaloo cubbuu tajaajiltoota Waaqa abbaa keetii dhiisi.” Yoosefis yommuu ergaa isaanii dhagaʼetti ni booʼe.
你們要這樣對若瑟說：請你務必饒恕你兄弟們的過失和罪惡，因為他們實在虐待了你。現在，求你饒恕你父親的天主的僕人們的過失罷! 」若瑟聽他們對他說出這樣的話，就哭了起來。
18 Obboloonni isaas dhufanii fuula isaa duratti lafa dhaʼanii, “Kunoo nu garboota kee ti” jedhan.
後來他的兄弟們還親自來，俯伏在他面前說：「看，我們都是你的奴隸! 」
19 Yoosef garuu akkana isaaniin jedhe; “Hin sodaatinaa. Anatu iddoo Waaqaa buʼaa?
若瑟對他們說：「不要害怕! 我豈能替代天主﹖
20 Isin hamaa natti yaaddan; Waaqni garuu akkuma amma taʼee jiru kana lubbuu nama baayʼee baraaruuf jedhee waan gaariif yaade.
你們原有意對我作的惡事，天主卻有意使之變成好事，造成了今日的結果：挽救了許多人民的性命。
21 Egaa hin sodaatinaa. Ani isinii fi ijoollee keessan nan sooraatii.” Innis waan garaa isaan ciibsu isaanitti dubbatee isaan jajjabeesse.
所以，你們不必害怕，有我維持你們和你們的孩子。」他這樣撫慰他們，使他們安心。
22 Yoosef maatii abbaa isaa wajjin Gibxi keessa ture. Innis waggaa dhibba tokkoo fi kudhan jiraate.
若瑟和他父親的家屬，以後就住在埃及。若瑟活到了一百一十歲，
23 Dhaloota sadaffaa ijoollee Efreem arge. Akkasumas ilmaan Maakiir ilma Minaasee jilba Yoosef irratti dhalatan.
見到了厄弗辣因的第三代子孫；默納協的兒子瑪基爾的兒子們，也都生在若瑟的膝下。
24 Yoosefis obboloota isaatiin akkana jedhe; “Ani duʼuu gaʼeera. Waaqni garuu dhugumaan dhufee isin gargaara; biyya kanaa isin baasees gara biyya Abrahaamiif, Yisihaaqii fi Yaaqoobiif kakuun waadaa gale sanaatti isin geessa.”
若瑟對自己的兄弟們說：「我快要死了；但天主要看顧你們，領你們由這地回到他誓許給亞巴郎、依撒格和雅各伯的地方去。」
25 Yoosefis ijoollee Israaʼel kakachiisee akkana jedheen; “Waaqni dhugumaan dhufee isin gargaara; isinis lafee koo biyya kanaa ol baasuu qabdu.”
若瑟又叫以色列的兒子們起誓說「當天主看顧你們時，你們應將我的骨骸由這裏帶回去。」
26 Yoosefis waggaa dhibba tokkoo fi kudhanitti duʼe. Jarris qorichaan sukkuumanii Gibxitti sanduuqa reeffaa keessa isa kaaʼan.
若瑟死了，享壽一百一十歲。人遂用香料包殮了他，放在棺墎內，安厝在埃及。
