Amoos 9
1 Utuu Gooftaan iddoo aarsaa bira dhaabatuu nan arge; innis akkana jedhe: “Akka buusaawwan balbalaa raafamaniif fiixee utubaa dhaʼi. Mataa nama hundaa irratti gad isaan harcaasi; warra hafe immoo anatu goraadeedhaan fixa. Tokkoon isaanii iyyuu baqatanii hin baʼan; isaan keessaa namni tokko iyyuu hin miliqu.
我看见主站在祭坛旁边； 他说：你要击打柱顶，使门槛震动， 打碎柱顶，落在众人头上； 所剩下的人，我必用刀杀戮， 无一人能逃避，无一人能逃脱。
2 Yoo isaan boolla qilee qotatan iyyuu harki koo achii isaan fuudha. Yoo isaan samiitti ol baʼan iyyuu ani achii gad isaan nan buusa. (Sheol h7585)
他们虽然挖透阴间， 我的手必取出他们来； 虽然爬上天去， 我必拿下他们来； (Sheol h7585)
3 Yoo isaan fiixee Qarmeloos irra dhokatan iyyuu, ani achii adamsee qabee gad isaan nan fida. Yoo isaan galaana jala na dhokatan iyyuu, ani akka inni achitti isaan idduuf bofa itti nan ajaja.
虽然藏在迦密山顶， 我必搜寻，捉出他们来； 虽然从我眼前藏在海底， 我必命蛇咬他们；
4 Yoo diinonni isaanii boojiʼanii isaan fudhatan, achitti goraadee isaan fixxu itti nan ajaja. “Ani waan gaariidhaaf utuu hin taʼin waan hamaadhaaf ija koo isaan irra nan buusa.”
虽被仇敌掳去， 我必命刀剑杀戮他们； 我必向他们定住眼目， 降祸不降福。
5 Gooftaan, Waaqayyo Waan Hunda Dandaʼu lafa ni tuqa; isheenis ni baqxi; wanni ishee irra jiraatu hundinuu ni booʼa; biyyattiin guutuun akka laga Abbayyaa ol kaati; ergasiis akka laga Gibxi gad galti;
主—万军之耶和华摸地，地就消化， 凡住在地上的都必悲哀。 地必全然像尼罗河涨起， 如同埃及河落下。
6 inni darbii isaa ol dheeraa samii irratti ijaarratee hundee isaa lafa irra dhaabbatu, inni bishaanota galaanaa waamee fuula lafaa irratti gad roobsu sun maqaan isaa Waaqayyo.
那在天上建造楼阁、 在地上安定穹苍、 命海水浇在地上的— 耶和华是他的名。
7 “Isin Israaʼeloonni anaaf akkuma saba Itoophiyaa mitii?” jedha Waaqayyo. “Ani Israaʼeloota biyya Gibxiitii, Filisxeemota Kaftoorii, warra Sooriyaa immoo Qiirii baasee hin fidnee?
耶和华说：以色列人哪， 我岂不看你们如古实人吗？ 我岂不是领以色列人出埃及地， 领非利士人出迦斐托， 领亚兰人出吉珥吗？
8 “Dhugumaan iji Waaqayyo Gooftaa mootummaa cubbamaa irra jira. Ani fuula lafaa irraa isa nan balleessa; taʼus ani guutumaan guutuutti mana Yaaqoob hin balleessu” jedha Waaqayyo.
主耶和华的眼目察看这有罪的国， 必将这国从地上灭绝， 却不将雅各家灭绝净尽。 这是耶和华说的。
9 “Ani ajaja kennee akkuma midhaan gingilchaadhaan gingilfamee iji tokko iyyuu lafa hin buune sana saboota hunda gidduutti mana Israaʼel nan gingilcha.
我必出令， 将以色列家分散在列国中， 好像用筛子筛谷， 连一粒也不落在地上。
10 Cubbamoonni saba koo gidduu jiraatan hundi Warri, ‘Balaan nu hin argatu yookaan nutti hin dhufu’ jedhan hundi goraadeedhaan dhumu.
我民中的一切罪人说： 灾祸必追不上我们， 也迎不着我们。 他们必死在刀下。
11 “Ani bara sana keessa dunkaana Daawit “Kan kufe sana deebisee nan dhaaba. Kan tarsaʼes walitti nan supha; diigamaa isaa iddootti deebisee akka duraatti nan ijaara;
到那日，我必建立大卫倒塌的帐幕， 堵住其中的破口， 把那破坏的建立起来， 重新修造，像古时一样，
12 kunis akka isaan hambaa Edoomii fi saboota maqaa kootiin waamaman hunda dhaalaniif” jedha Waaqayyo, inni waan kana hojjetu.
使以色列人得以东所余剩的 和所有称为我名下的国。 此乃行这事的耶和华说的。
13 Waaqayyo akkana jedha; “Kunoo, barri itti namni haamu tokko isa qotu qaqqabu, “namni wayinii dhaabu immoo isa cuunfu qaqqabu tokko ni dhufa; Daadhiin wayinii haaraan tulluuwwan irraa ni coccopha; gaarran hunda keessaas ni yaaʼa.
耶和华说： 日子将到， 耕种的必接续收割的； 踹葡萄的必接续撒种的； 大山要滴下甜酒； 小山都必流奶。
14 Ani saba koo Israaʼelin boojuudhaa nan deebisa. “Isaanis magaalaawwan diigaman deebisanii ijaaranii keessa ni jiraatu. Isaan wayinii dhaabanii, daadhii wayinii isaanii ni dhugu; isaan biqiltuu dhaabbatanii ija isaa ni nyaatu.
我必使我民以色列被掳的归回； 他们必重修荒废的城邑居住， 栽种葡萄园，喝其中所出的酒， 修造果木园，吃其中的果子。
15 Ani Israaʼeloota biyya ofii isaanii keessa nan dhaaba; isaan biyya ani isaaniif kenne keessaa lammata hin buqqifaman,” jedha Waaqayyo Waaqni kee.
我要将他们栽于本地， 他们不再从我所赐给他们的地上拔出来。 这是耶和华—你的 神说的。
