2 Tasaloniiqee 3

1 Egaa yaa obboloota, akka dubbiin Gooftaa akkuma isin biratti taʼe sana dafee iddoo hunda gaʼuu fi akka ulfinas qabaatu nuuf kadhadhaa.

Finally, brethren, pray for us, that the word of the Lord may have free course, and be glorified, even as it is with you:

2 Akka nu harka namoota hamootii fi jalʼootaa jalaa baanuufis nuuf kadhadhaa; amantii kan qabu nama hunda mitii.

And that we may be delivered from unreasonable and wicked men: for all men have not faith.

3 Gooftaan garuu amanamaa dha; inni isin cimsa; isa hamaa irraas isin eega.

But the Lord is faithful, who shall stablish you, and keep you from evil.

4 Nu akka isin waan nu isin ajajne sana hojjechaa jirtan, akka ittuma fuftaniis hojjetan Gooftaa ni amananna.

And we have confidence in the Lord touching you, that ye both do and will do the things which we command you.

5 Gooftaan garaa keessan gara jaalala Waaqaatii fi gara obsa Kiristoositti haa qajeelchu.

And the Lord direct your hearts into the love of God, and into the patient waiting for Christ.

6 Yaa obboloota, isin obboleessa dhibaaʼaa fi kan akka bartee isin nurraa argattan sanaattis hin jiraanne hunda irraa akka fagaattaniif maqaa Gooftaa keenya Yesuus Kiristoosiin isin ajajna.

Now we command you, brethren, in the name of our Lord Jesus Christ, that ye withdraw yourselves from every brother that walketh disorderly, and not after the tradition which he received of us.

7 Isin mataan keessan akkamitti akka fakkeenya keenya duukaa buʼuu qabdan ni beektuutii. Nu yeroo isin bira turretti dhibaaʼota hin turre;

For yourselves know how ye ought to follow us: for we behaved not ourselves disorderly among you;

8 nus akka isin keessaa nama tokkotti illee baʼaa hin taaneef jennee, dadhabbii fi tattaaffii guddaan halkanii guyyaa hojjechaa turre malee buddeena nama tokkoo illee tola hin nyaanne.

Neither did we eat any man’s bread for nought; but wrought with labour and travail night and day, that we might not be chargeable to any of you:

9 Nu fakkeenya isinii taʼuuf waan kana goone malee waan aangoo hin qabneef miti.

Not because we have not authority, but to make ourselves an ensample unto you to follow us.

10 Nu yommuu isin bira turretti ajaja, “Namni hojjechuu hin barbaanne kam iyyuu hin nyaatin” jedhu isinii kenninee turreetii.

For even when we were with you, this we commanded you, that if any would not work, neither should he eat.

11 Akka isin keessaa namoonni tokko tokko dhibaaʼota taʼanii jiraatan dhageenyeerraatii. Isaan dhimma nama biraa keessa galuu malee ofii isaaniitii waan tokko illee hin hojjetan.

For we hear that there are some which walk among you disorderly, working not at all, but are busybodies.

12 Namoonni akkanaa akka gab jedhanii hojii hojjetanii fi akka buddeena ofii isaanii nyaataniif Gooftaa Yesuus Kiristoosiin isaan ajajna; ni gorsinas.

Now them that are such we command and exhort by our Lord Jesus Christ, that with quietness they work, and eat their own bread.

13 Isin garuu yaa obboloota, waan gaarii hojjechuutti hin laafinaa.

But ye, brethren, be not weary in well doing.

14 Yoo namni kam iyyuu dubbii keenya kan xalayaa kana keessaatiif hin ajajamne, nama kana yaadatti qabadhaa. Akka inni qaanaʼuufis isa wajjin tokkummaa hin qabaatinaa.

And if any man obey not our word by this epistle, note that man, and have no company with him, that he may be ashamed.

15 Taʼus akka obboleessaatti isa gorsaa malee akka diinaatti isa hin ilaalinaa.

Yet count him not as an enemy, but admonish him as a brother.

16 Gooftaan nagaa mataan isaas yeroo hunda, karaa hundaan nagaa isinii haa kennu. Gooftaan hunduma keessan wajjin haa taʼu.

Now the Lord of peace himself give you peace always by all means. The Lord be with you all.

17 Ani Phaawulos xalayaa kana harkuma kootiin barreessa; kunis mallattoo xalayoota koo hundaa ti. Akki ani itti barreessus kanuma.

The salutation of Paul with mine own hand, which is the token in every epistle: so I write.

18 Ayyaanni Gooftaa keenya Yesuus Kiristoos isin hunda wajjin haa taʼu.

The grace of our Lord Jesus Christ be with you all. Amen. The second epistle to the Thessalonians was written from Athens.