Ingoma Yezingoma 1
1 Ingoma yezingoma engekaSolomoni.
| שיר השירים אשר לשלמה |
2 Kangange ngokwanga komlomo wakhe; ngoba uthando lwakho lungcono kulewayini.
| ישקני מנשיקות פיהו כי טובים דדיך מיין |
3 Ngenxa yephunga lamagcobo akho amnandi, ibizo lakho linjengamagcobo athululiweyo; ngakho-ke izintombi ziyakuthanda.
| לריח שמניך טובים שמן תורק שמך על כן עלמות אהבוך |
4 Ngidonsa, sizagijima emva kwakho; inkosi ingingenise emakamelweni ayo; sizajabula sithokoze kuwe, sikhumbule uthando lwakho okwedlula iwayini; abaqondileyo bayakuthanda.
| משכני אחריך נרוצה הביאני המלך חדריו נגילה ונשמחה בך--נזכירה דדיך מיין מישרים אהבוך |
5 Ngimnyama, kodwa ngimuhle, madodakazi eJerusalema, njengamathente eKedari, njengamakhetheni kaSolomoni.
| שחורה אני ונאוה בנות ירושלם כאהלי קדר כיריעות שלמה |
6 Lingangibukeli ngoba ngimnyama, ngoba ilanga lingitshisile. Abantwana bakamama bangizondela, bangenza umlindikazi wezivini; isivini sami esingesami kangisilindanga.
| אל תראוני שאני שחרחרת ששזפתני השמש בני אמי נחרו בי שמני נטרה את הכרמים--כרמי שלי לא נטרתי |
7 Ngitshela, wena umphefumulo wami okuthandayo, ukuthi welusela ngaphi, uphumuza ngaphi umhlambi emini; ngoba kungani ngizakuba njengozulayo ngasemihlanjini yabangane bakho?
| הגידה לי שאהבה נפשי איכה תרעה איכה תרביץ בצהרים שלמה אהיה כעטיה על עדרי חבריך |
8 Uba ungazi, wena omuhle kakhulu phakathi kwabesifazana, phuma wena ngezinyathelo zomhlambi, welusele amazinyane akho phansi kwamadumba abelusi.
| אם לא תדעי לך היפה בנשים צאי לך בעקבי הצאן ורעי את גדיתיך על משכנות הרעים |
9 Ngikufananise lebhizakazi ezinqoleni zikaFaro, mthandwa wami.
| לססתי ברכבי פרעה דמיתיך רעיתי |
10 Izihlathi zakho zinhle phakathi kwemiceciso, intamo yakho ngezigqizo.
| נאוו לחייך בתרים צוארך בחרוזים |
11 Sizakwenzela imiceciso yegolide lamaqhubu esiliva.
| תורי זהב נעשה לך עם נקדות הכסף |
12 Inkosi isesetafuleni layo ledili inadi yami yakhupha iphunga layo.
| עד שהמלך במסבו נרדי נתן ריחו |
13 Isithandwa sami kimi siyisamba semure; sizalala phakathi kwamabele ami ebusuku.
| צרור המר דודי לי בין שדי ילין |
14 Isithandwa sami kimi silihlukuzo lesihlahla sehena ezivinini zeEngedi.
| אשכל הכפר דודי לי בכרמי עין גדי |
15 Khangela, umuhle, mthandwa wami, khangela, umuhle, amehlo akho angawamajuba.
| הנך יפה רעיתי הנך יפה עיניך יונים |
16 Khangela, umuhle, sithandwa sami, isibili uyathokozisa. Lombheda wethu uluhlaza.
| הנך יפה דודי אף נעים אף ערשנו רעננה |
17 Imijabo yezindlu zethu yimisedari, intungo zethu ngezefiri.
| קרות בתינו ארזים רחיטנו (רהיטנו) ברותים |
