KwabaseRoma 12

1 Ngakho, bazalwane, ngiyalincenga ukuthi, ngezihawu zikaNkulunkulu, linikele imizimba yenu ibe ngumhlatshelo ophilileyo, ongcwele, owemukelekayo kuNkulunkulu, kube yinkonzo yenu yokuqedisisa.

Therefore I urge you, brothers, by the mercies of God, to present your bodies a living sacrifice, holy, acceptable to God, which is your reasonable service.

2 Njalo lingalingisi lumhlaba, kodwa liguqulwe ngokwenziwa zibentsha ingqondo zenu, ukuze lihlolisise okuyintando kaNkulunkulu elungileyo leyemukelekayo lepheleleyo. (aiōn g165)

And do not be conformed to this world, but be transformed by the renewing of your mind, so that you may prove what is the good, well-pleasing, and perfect will of God. (aiōn g165)

3 Ngoba ngomusa engiwuphiweyo, ngithi kuye wonke ophakathi kwenu ukuthi angacabangi ukuthi mkhulu kulalokho afanele ukukucabanga, kodwa acabange ngokuqonda, njengalokhu uNkulunkulu abele ngulowo lalowo isilinganiso sokholo.

For I say, through the grace that was given me, to everyone among you, not to think of himself more highly than he ought to think; but to think reasonably, as God has apportioned to each person a measure of faith.

4 Ngoba njengoba silezitho ezinengi emzimbeni munye, kodwa izitho zonke kazilamsebenzi ofananayo;

For even as we have many members in one body, and all the members do not have the same function,

5 kunjalo thina esibanengi singumzimba munye kuKristu, njalo ngabanye siyizitho omunye komunye.

so we, who are many, are one body in Meshikha, and individually members one of another.

6 Njalo silezipho ezehlukeneyo ngokomusa esiwuphiweyo; zingaba yikuprofetha, asiprofethe ngokwesilinganiso sokholo;

Having gifts differing according to the grace that was given to us, if prophecy, let us prophesy according to the proportion of our faith;

7 kumbe yikukhonza, asisebenze enkonzweni; kumbe ofundisayo, ekufundiseni;

or service, let us give ourselves to service; or he who teaches, to his teaching;

8 kumbe olayayo, ekulayeni; ophanayo, kanike ngobuqotho; obusayo, ngokukhuthala; olesihawu, ngentokozo.

or he who exhorts, to his exhorting: he who gives, let him do it with liberality; he who rules, with diligence; he who shows mercy, with cheerfulness.

9 Uthandokalube qotho. Yenyanyani okubi, libambelele kokulungileyo.

Let love be without hypocrisy. Abhor that which is evil. Cling to that which is good.

10 Thandanani kakhulu ngothando lobuzalwane; ekuhloniphaneni phathani abanye ngcono kulani;

In love of the brothers be tenderly affectionate one to another; outdo one another in showing honor;

11 lingabi ngamavila ekukhuthaleni; livuthe emoyeni; likhonza iNkosi;

not lagging in diligence; fervent in spirit; serving the Lord;

12 lithokoza ethembeni; libekezela ekuhluphekeni; liphikelela emkhulekweni;

rejoicing in hope; enduring in troubles; continuing steadfastly in prayer;

13 yabelani kunswelo zabangcwele; likhuthalele ukuphana kuzihambi.

contributing to the needs of the saints; given to hospitality.

14 Babusiseni abalizingelayo; busisani, lingaqalekisi.

Bless those who persecute you; bless, and do not curse.

15 Thokozani labathokozayo, likhale labakhalayo.

Rejoice with those who rejoice. Weep with those who weep.

16 Kalibe lenhliziyonye komunye lomunye. Lingakhumbuli ngezinto eziphakemeyo, kodwa lihlangane labathobekileyo. Lingazitshayi abahlakaniphileyo.

Be of the same mind one toward another. Do not be arrogant, but associate with the humble. Do not be wise in your own conceits.

17 Lingaphindiseli muntu okubi ngokubi. Linakane okudumisekayo phambi kwabantu bonke.

Repay no one evil for evil. Respect what is honorable in the sight of all people.

18 Uba kungenzeka, ngokukini, hlalani ngokuthula labantu bonke.

If it is possible, as much as it is up to you, be at peace with all people.

19 Bathandiweyo, lingaziphindiseli, kodwa nikani ulaka indawo; ngoba kulotshiwe ukuthi: Ngeyami impindiselo, mina ngizabuyisela, kutsho iNkosi.

Do not seek revenge yourselves, beloved, but leave room for the wrath. For it is written, "Vengeance belongs to me; I will repay, says the Lord."

20 Ngakho nxa isitha sakho silambile, siphe ukudla; nxa somile, sinathise; ngoba ngokwenza lokho, usibekela amalahle avuthayo phezu kwekhanda laso.

Therefore "If your enemy is hungry, feed him. If he is thirsty, give him a drink; for by doing this you will heap coals of fire on his head."

21 Unganqotshwa ngokubi, kodwa nqoba okubi ngokuhle.

Do not be overcome by evil, but overcome evil with good.