KwabaseRoma 10

1 Bazalwane, isifiso senhliziyo yami, lomkhuleko kuNkulunkulu ngenxa kaIsrayeli yikuthi basindiswe.

Brothers, my heart’s desire and my prayer to God is for Israel, that they may be saved.

2 Ngoba ngiyabafakazela ukuthi balokutshisekela uNkulunkulu, kodwa kungenjengolwazi;

For I testify about them that they have a zeal for God, but not according to knowledge.

3 ngoba bengakwazi ukulunga kukaNkulunkulu, njalo bedinga ukumisa okwabo ukulunga, kabazehliselanga ngaphansi kokulunga kukaNkulunkulu.

For being ignorant of God’s righteousness, and seeking to establish their own righteousness, they did not subject themselves to the righteousness of God.

4 Ngoba uKristu uyisiphetho somlayo ekulungeni kuye wonke okholwayo.

For Christ is the fulfillment of the law for righteousness to everyone who believes.

5 Ngoba uMozisi ubhala ngokulunga okungokomlayo, ukuthi umuntu owenza lezizinto uzaphila ngazo.

For Moses writes about the righteousness of the law, “The one who does them will live by them.”

6 Kodwa ukulunga okungokholo kukhuluma kanje: Ungatsho enhliziyweni yakho ukuthi: Ngubani ozakwenyukela ezulwini? Lokhu kuyikuthi ukumehlisa uKristu;

But the righteousness which is of faith says this, “Do not say in your heart, ‘Who will ascend into heaven?’ (that is, to bring Christ down);

7 kumbe ukuthi: Ngubani ozakwehlela ekujuleni? Lokhu kuyikuthi ukumkhuphula uKristu kwabafileyo. (Abyssos g12)

or, 'Who will descend into the Abyss (Abyssos g12)?' (that is, to bring Christ up from the dead.)"

8 Kodwa kuthini? Ilizwi liseduze lawe, emlonyeni wakho lenhliziyweni yakho; leli yilizwi lokholo esilitshumayelayo;

But what does it say? “The word is near you, in your mouth and in your heart;” that is, the word of faith which we preach:

9 ukuthi uba uvuma ngomlomo wakho iNkosi uJesu, njalo ukholwa enhliziyweni yakho ukuthi uNkulunkulu wamvusa kwabafileyo, uzasindiswa;

that if you will confess with your mouth that Jesus is Lord and believe in your heart that God raised him from the dead, you will be saved.

10 ngoba ngenhliziyo omunye uyakholwa kube yikulunga, langomlomo uyavuma kube lusindiso.

For with the heart one believes resulting in righteousness; and with the mouth confession is made resulting in salvation.

11 Ngoba umbhalo uthi: Wonke okholwa kuye kayikuyangeka.

For the Scripture says, “Whoever believes in him will not be disappointed.”

12 Ngoba kakukho umehluko phakathi komJuda lomGriki; ngoba yinye iNkosi yabo bonke, inothele bonke abakhuleka kuyo.

For there is no distinction between Jew and Greek; for the same Lord is Lord of all, and is rich to all who call on him.

13 Ngoba wonke loba ngubani ozabiza ibizo leNkosi uzasindiswa.

For, “Whoever will call on the name of the Lord will be saved.”

14 Ngakho bazayibiza njani abangakholwanga kuyo? Futhi bazakholwa njani kuyo abangezwanga ngayo? Futhi bazakuzwa njani bengelamtshumayeli?

How then will they call on him in whom they have not believed? How will they believe in him whom they have not heard? How will they hear without a preacher?

15 Njalo bazatshumayela njani uba bengathunywanga? Njengokulotshiweyo ukuthi: Zinhle kangakanani inyawo zabatshumayela ivangeli lokuthula, zabatshumayela ivangeli ngezinto ezinhle!

And how will they preach unless they are sent? As it is written: “How beautiful are the feet of those who preach the Good News of peace, who bring glad tidings of good things!”

16 Kodwa kabalilalelanga bonke ivangeli. Ngoba uIsaya uthi: Nkosi, ngubani owakholwa umbiko wethu?

But they did not all listen to the glad news. For Isaiah says, “Lord, who has believed our report?”

17 Ngakho ukholo luvela ekuzweni, lokuzwa ngelizwi likaNkulunkulu.

So faith comes by hearing, and hearing by the word of God.

18 Kodwa ngithi: Kabezwanga yini? Yebo sibili, ilizwi labo liphumele emhlabeni wonke, lamazwi abo emikhawulweni yomhlaba.

But I say, did not they hear? Yes, most certainly, “Their sound went out into all the earth, their words to the ends of the world.”

19 Kodwa ngithi: UIsrayeli kaqedisisanga yini? Kuqala uMozisi uthi: Mina ngizalivusela umona ngabo abangesiso isizwe, ngilithukuthelise ngesizwe esingelangqondo.

But I ask, did not Israel know? First Moses says, “I will provoke you to jealousy with that which is no nation. I will make you angry with a nation void of understanding.”

20 LoIsaya ulesibindi uthi: Ngaficwa yilabo abangangidinganga, ngabonakala kubo abangabuzanga ngami.

Isaiah is very bold and says, “I was found by those who did not seek me. I was revealed to those who did not ask for me.”

21 Kodwa kuIsrayeli uthi: Usuku lonke ngelulela izandla zami kubantu abangalaleliyo labalenkani.

But about Israel he says, “All day long I stretched out my hands to a disobedient and contrary people.”