Amahubo 82

1 UNkulunkulu uyema enhlanganweni yabahluleli, uyahlulela phakathi kwabonkulunkulu.

Ihubo lika-Asafi UNkulunkulu usesihlalweni emhlanganweni omkhulu; nguye owahlulelayo phakathi kwabo “nkulunkulu”:

2 Koze kube nini lisahlulela ngokungalunganga, lisemukela ubuso bababi? (Sela)

“Koze kube nini livikela ababi na libonakala lithanda izigangi?

3 Yahlulelani umyanga lentandane, lilungisele ohluphekayo loswelayo.

Lamlelani ababuthakathaka lezintandane; melani amalungelo abayanga labahlukuluzwayo.

4 Khululani umyanga loswelayo, libophule esandleni sababi.

Lamlelani ababuthakathaka labaswelayo; bephuleni esandleni sababi.

5 Kabazi kabaqedisisi, baya le lale emnyameni; izisekelo zonke zomhlaba ziyazamazama.

Onkulunkulu kabazi lutho, kabazwisisi lutho. Bayantula emnyameni; zonke izisekelo zomhlaba zixukuxiwe.

6 Mina ngathi: Lingonkulunkulu, lonke lingamadodana oPhezukonke.

Ngathi, ‘Lingo “nkulunkulu”; lonke lingamadodana akhe oPhezukonke.’

7 Kodwa lizakufa njengabantu, liwe njengesinye seziphathamandla.

Kodwa lizakufa lingabantu nje; lizakuwa njengamanye amakhosi wonke.”

8 Vuka, Nkulunkulu! wahlulele umhlaba; ngoba wena izizwe zonke ziyilifa lakho.

Phakama, Oh Nkulunkulu, yahlulela umhlaba, ngoba zonke izizwe ziyilifa lakho.