Amahubo 8

1 Nkosi, Nkosi yethu, lilenkazimulo kangakanani ibizo lakho emhlabeni wonke! Omise ubukhosi bakho ngaphezu kwamazulu.

Kumqondisi wokuhlabela. Ngendlela yegithithi. Ihubo likaDavida. Oh Thixo, Thixo wethu, ibizo lakho libabazeka kangaka emhlabeni wonke! Uyibekile inkazimulo yakho ngaphezulu emazulwini.

2 Emlonyeni wezingane lowabamunyayo umisile amandla ngenxa yezitha zakho, ukuze uthulise isitha lomphindiseli.

Ukumisile ukudunyiswa yizindebe zabantwana lensane ngenxa yezitha zakho, ukuze uthulise isitha lomphindiseli.

3 Lapho ngikhangela amazulu akho, umsebenzi weminwe yakho, inyanga lenkanyezi owazimisayo,

Nxa nginakana ngamazulu akho, umsebenzi weminwe yakho, inyanga lezinkanyezi ozibeke endaweni yazo,

4 uyini umuntu ukuthi umkhumbule, lendodana yomuntu ukuthi uyihambele?

uyini umuntu osungaze uzihluphe ngaye na, indodana yomuntu ukuba uyinanze?

5 Kanti wamenza waba ngaphansi kancinyane kulengilosi, wamethwesa umqhele wobukhosi lodumo.

Wamenza waba mncinyazana kulezingilosi, wamethesa umqhele wodumo lobukhosi.

6 Wamenza wabusa phezu kwemisebenzi yezandla zakho, konke wakubeka ngaphansi kwenyawo zakhe,

Wamenza umbusi phezu kwemisebenzi yezandla zakho; wabeka zonke izinto ngaphansi kwezinyawo zakhe:

7 izimvu lenkabi zonke, kanye lezinyamazana zeganga,

yonke imihlambi yezimvu leyenkomo lezinyamazana zeganga,

8 inyoni zamazulu, lezinhlanzi zolwandle, okudlula ezindleleni zenlwandle.

izinyoni zasemkhathini lenhlanzi zolwandle, konke okuntsheza emanzini olwandle.

9 Nkosi, Nkosi yethu, lilenkazimulo kangakani ibizo lakho emhlabeni wonke!

Oh Thixo, Thixo wethu, ibizo lakho libabazeka kangaka emhlabeni wonke!