Amahubo 72
1 Nkulunkulu, nika inkosi izahlulelo zakho lokulunga kwakho endodaneni yenkosi.
| לשלמה אלהים משפטיך למלך תן וצדקתך לבן מלך׃ |
2 Izakwehlulela abantu bakho ngokulunga, labayanga bakho ngokuqonda.
| ידין עמך בצדק וענייך במשפט׃ |
3 Izintaba zizalethela abantu ukuthula, lamaqaqa, ngokulunga.
| ישאו הרים שלום לעם וגבעות בצדקה׃ |
4 Izakwahlulela abahluphekayo babantu, isindise abantwana babaswelayo, ifohloze umcindezeli.
| ישפט עניי עם יושיע לבני אביון וידכא עושק׃ |
5 Bazakwesaba wena lisekhona ilanga, isekhona lenyanga, kuzizukulwana ngezizukulwana.
| ייראוך עם שמש ולפני ירח דור דורים׃ |
6 Izakwehla njengezulu etshanini obugundiweyo, njengezihlambo ezithambisa umhlaba.
| ירד כמטר על גז כרביבים זרזיף ארץ׃ |
7 Ensukwini zayo olungileyo uzahluma; lokwanda kokuthula, ize ingabi khona inyanga.
| יפרח בימיו צדיק ורב שלום עד בלי ירח׃ |
8 Izabusa-ke kusukela elwandle kusiya elwandle, lakusukela emfuleni kusiya emikhawulweni yomhlaba.
| וירד מים עד ים ומנהר עד אפסי ארץ׃ |
9 Abahlala enkangala bazakhothama phambi kwayo; izitha zayo zizakhotha uthuli.
| לפניו יכרעו ציים ואיביו עפר ילחכו׃ |
10 Amakhosi eTarshishi lawezihlengeni azaletha izipho, amakhosi eShebha leSeba asondeze izipho.
| מלכי תרשיש ואיים מנחה ישיבו מלכי שבא וסבא אשכר יקריבו׃ |
11 Amakhosi wonke azayikhothamela, izizwe zonke ziyikhonze.
| וישתחוו לו כל מלכים כל גוים יעבדוהו׃ |
12 Ngoba izamkhulula oswelayo ekhala, longumyanga, longelamsizi.
| כי יציל אביון משוע ועני ואין עזר לו׃ |
13 Izahawukela ongumyanga loswelayo, isindise imiphefumulo yabaswelayo.
| יחס על דל ואביון ונפשות אביונים יושיע׃ |
14 Izahlenga umphefumulo wabo ecindezelweni ledlakeleni; legazi labo lizakuba ligugu emehlweni ayo.
| מתוך ומחמס יגאל נפשם וייקר דמם בעיניו׃ |
15 Izaphila, inikwe okwegolide leShebha, ikhulekelwe njalonjalo, usuku lonke ibusiswe.
| ויחי ויתן לו מזהב שבא ויתפלל בעדו תמיד כל היום יברכנהו׃ |
16 Kuzakuba khona inala yamabele elizweni ezingqongeni zezintaba; izithelo zawo zihatshazele njengeLebhanoni; labomuzi bazahluma njengotshani bomhlaba.
| יהי פסת בר בארץ בראש הרים ירעש כלבנון פריו ויציצו מעיר כעשב הארץ׃ |
17 Ibizo layo lizakuba khona kuze kube phakade, lebizo layo lizakwanda lisekhona ilanga. Njalo bazabusiswa kuyo; izizwe zonke zizakuthi ibusisiwe.
| יהי שמו לעולם לפני שמש ינין שמו ויתברכו בו כל גוים יאשרוהו׃ |
18 Kayibongwe iNkosi uNkulunkulu, uNkulunkulu kaIsrayeli, onguye yedwa owenza imimangaliso.
| ברוך יהוה אלהים אלהי ישראל עשה נפלאות לבדו׃ |
19 Kalibusiswe ibizo lakhe elilodumo kuze kube nininini; umhlaba wonke ugcwaliswe ngodumo lwakhe. Ameni, loAmeni!
| וברוך שם כבודו לעולם וימלא כבודו את כל הארץ אמן ואמן׃ |
20 Imikhuleko kaDavida indodana kaJese isiphelile.
| כלו תפלות דוד בן ישי׃ |
