Amahubo 50
1 USomandla, uNkulunkulu, iNkosi, ukhulumile, ubiza umhlaba kusukela ekuphumeni kwelanga kuze kube sekutshoneni kwalo.
The Mighty One, God, Jehovah, has spoken, and called the earth from the rising of the sun to the going down thereof.
2 EseZiyoni, ukuphelela kobuhle, uNkulunkulu ukhanyile.
Out of Zion, the perfection of beauty, God has shone forth.
3 UNkulunkulu wethu uzakuza, kayikuthula; umlilo phambi kwakhe uzaqothula, enhlangothini zonke zakhe kuzakuba lesiphepho esikhulu.
Our God comes, and does not keep silence. A fire devours before him, and it is very tempestuous round about him.
4 Uzabiza amazulu ephezulu, lomhlaba, ukwahlulela abantu bakhe.
He calls to the heavens above, and to the earth, that he may judge his people.
5 Buthelani kimi abangcwele bami, abenza isivumelwano lami ngomhlatshelo.
Gather my sanctified together to me, those who have made a covenant with me by sacrifice.
6 Lamazulu azatshumayela ukulunga kwakhe, ngoba uNkulunkulu ngokwakhe ungumahluleli. (Sela)
And the heavens shall declare his righteousness, for God is judge himself. (Selah)
7 Zwanini bantu bami, ngizakhuluma; Israyeli, ngizafakaza ngimelene lawe. NginguNkulunkulu, uNkulunkulu wakho.
Hear, O my people, and I will speak, O Israel, and I will testify to thee, I am God, even thy God.
8 Kangikusoli ngenxa yemihlatshelo yakho; leminikelo yakho yokutshiswa ihlala iphambi kwami.
I will not reprove thee for thy sacrifices, and thy burnt offerings being continually before me.
9 Kangiyikuthatha ijongosi elivela emzini wakho, lezimpongo ezivela ezibayeni zakho.
I will take no bullock out of thy house, nor he-goats out of thy folds.
10 Ngoba ngeyami yonke inyamazana yehlathi, izinkomo ezisentabeni eziyizinkulungwane.
For every beast of the forest is mine, and the cattle upon a thousand hills.
11 Ngiyazazi izinyoni zonke zezintaba, lezilo zommango zikimi.
I know all the birds of the mountains, and the wild beasts of the field are mine.
12 Uba bengilambile, bengingayikukutshela, ngoba umhlaba ngowami lokugcwala kwawo.
If I were hungry, I would not tell thee, for the world is mine, and the fullness thereof.
13 Ngizayidla yini inyama yezinkunzi, kumbe nginathe igazi lezimpongo?
Will I eat the flesh of bulls, or drink the blood of goats?
14 Nikela kuNkulunkulu umhlatshelo wokubonga, ukhokhe izithembiso zakho koPhezukonke.
Offer to God the sacrifice of thanksgiving, and pay thy vows to the Most High.
15 Ungibize osukwini lokuhlupheka, ngizakukhulula, ubusungidumisa.
And call upon me in the day of trouble. I will deliver thee, and thou shall glorify me.
16 Kodwa komubi uNkulunkulu uthi: Ulani lokuthi utshumayele izimiso zami, kumbe uthathe isivumelwano sami emlonyeni wakho?
But to the wicked man God says, What have thou to do to declare my statutes, and that thou have taken my covenant in thy mouth,
17 Ngoba wena uzonda ukuqondiswa, ulahla amazwi ami emva kwakho.
since thou hate instruction, and cast my words behind thee?
18 Uba ubona isela, uthokozelana lalo, lesabelo sakho sisezifebeni.
When thou saw a thief, thou consented with him, and have been partaker with adulterers.
19 Umlomo wakho uyawunikela ebubini, lolimi lwakho luqambe inkohliso.
Thou give thy mouth to evil, and thy tongue frames deceit.
20 Uhlala ukhulume umelene lomfowenu, uhlebe indodana kanyoko.
Thou sit and speak against thy brother; thou slander thine own mother's son.
21 Lezizinto uzenzile, ngathula; wacabanga ukuthi nginjengawe kanye. Ngizakukhuza, ngikuhlele phambi kwamehlo akho.
These things thou have done, and I kept silence. Thou thought that I was altogether such a one as thyself. But I will reprove thee, and set them in order before thine eyes.
22 Kuqapheleni-ke lokhu, lina elikhohlwa uNkulunkulu, hlezi ngilidabule, kungabi khona okukhululayo.
Now consider this, ye who forget God, lest I tear you in pieces, and there be none to deliver:
23 Onikela umnikelo wokubonga uyangidumisa; lolungisa indlela yakhe ngizambonisa usindiso lukaNkulunkulu.
Whoever offers the sacrifice of thanksgiving glorifies me. And to him who orders his way aright I will show the salvation of God.
