Amahubo 40

1 Ngalindela lokuyilindela iNkosi; yangithobela, yezwa ukukhala kwami.

I waited patiently for the LORD; and he inclined unto me, and heard my cry.

2 Yangenyula emgodini ohlokomayo, exhaphozini lodaka, yabeka inyawo zami phezu kwedwala, yaqinisa izinyathelo zami.

He brought me up also out of an horrible pit, out of the miry clay, and set my feet upon a rock, and established my activities.

3 Yafaka ingoma entsha emlonyeni wami, indumiso kuNkulunkulu wethu. Abanengi bazabona besabe, bathembe eNkosini.

And he has put a new song in my mouth, even praise unto our God: many shall see it, and fear, and shall trust in the LORD.

4 Ubusisiwe umuntu oyenzayo iNkosi ibe lithemba lakhe, ongaphendukeli kwabazigqajayo, lalabo abaphendukela emangeni.

Blessed is that man that makes the LORD his trust, and respects not the proud, nor such as turn aside to lies.

5 Minengi wena oyenzileyo, Nkosi, Nkulunkulu wami, imisebenzi yakho emangalisayo lemicabango yakho kithi; ingelandiswe ngokulandelana kuwe. Ngingayilandisa ngiyitsho, minengi kulokuthi ibalwe.

Many, O LORD my God, are your wonderful works which you have done, and your thoughts which are toward us: they cannot be reckoned up in order unto you: if I would declare and speak of them, they are more than can be numbered.

6 Umhlatshelo lomnikelo kawukufisi; izindlebe zami uzivulile; umnikelo wokutshiswa lomnikelo wesono kawuwubizi.

Sacrifice and offering you did not desire; mine ears have you opened: burnt offering and sin offering have you not required.

7 Ngasengisithi: Khangela, ngiyeza; emqulwini wogwalo kulotshiwe ngami.

Then said I, Lo, I come: in the volume of the book it is written of me,

8 Ngiyathokoza ukwenza intando yakho, Nkulunkulu wami, lomlayo wakho uphakathi kwemibilini yami.

I delight to do your will, O my God: yea, your law is within my heart.

9 Ngitshumayele ukulunga ebandleni elikhulu; khangela, kangibambanga indebe zami, Nkosi, wena uyakwazi.

I have preached righteousness in the great congregation: lo, I have not refrained my lips, O LORD, you know.

10 Ukulunga kwakho kangikufihlanga phakathi kwenhliziyo yami; ngikhulumile ngobuqotho bakho langosindiso lwakho; kangifihlanga uthandolomusa wakho leqiniso lakho ebandleni elikhulu.

I have not hid your righteousness within my heart; I have declared your faithfulness and your salvation: I have not concealed your loving kindness and your truth from the great congregation.

11 Wena Nkosi, ungangigodleli isihawu sakho; uthandolomusa wakho leqiniso lakho kakungilondoloze njalonjalo.

Withhold not you your tender mercies from me, O LORD: let your loving kindness and your truth continually preserve me.

12 Ngoba ububi obungebalwe bungihanqile, iziphambeko zami zingibambile, ukuze ngingabi lakho ukubona; zinengi okwedlula inwele zekhanda lami; ngakho inhliziyo yami ingitshiyile.

For innumerable evils have compassed me about: mine iniquities have taken hold upon me, so that I am not able to look up; they are more than the hairs of mine head: therefore my heart fails me.

13 Thokoza, Nkosi, ukungikhulula. Nkosi, phangisa ukungisiza.

Be pleased, O LORD, to deliver me: O LORD, make haste to help me.

14 Kabayangeke babe lenhloni ndawonye abadinga umphefumulo wami ukuwuchitha; kababuyiselwe emuva bayangiswe abangifisela okubi.

Let them be ashamed and confounded together that seek after my soul to destroy it; let them be driven backward and put to shame that wish me evil.

15 Kabachitheke kube ngumvuzo wehlazo labo abathi kimi: Aha, aha!

Let them be desolate for a reward of their shame that say unto me, Aha, aha.

16 Kabathabe bajabule kuwe bonke abakudingayo; abathanda usindiso lwakho kabatsho njalonjalo bathi: Kayikhuliswe iNkosi!

Let all those that seek you rejoice and be glad in you: let such as love your salvation say continually, The LORD be magnified.

17 Kodwa ngingumyanga ngiyaswela; iNkosi iyangikhumbula; ungumsizi wami lomkhululi wami; Nkulunkulu wami, ungalibali.

But I am poor and needy; yet the Lord thinks upon me: you are my help and my deliverer; make no tarrying, O my God.