Amahubo 38
1 Nkosi, ungangikhuzi entukuthelweni yakho, ungangijezisi ekuvutheni kolaka lwakho.
| מזמור לדוד להזכיר יהוה אל בקצפך תוכיחני ובחמתך תיסרני׃ |
2 Ngoba imitshoko yakho ihlabe yatshona kimi, lesandla sakho sehle nzima phezu kwami.
| כי חציך נחתו בי ותנחת עלי ידך׃ |
3 Kakukho ukuphila enyameni yami ngenxa yentukuthelo yakho; kakukho ukuthula emathanjeni ami ngenxa yesono sami.
| אין מתם בבשרי מפני זעמך אין שלום בעצמי מפני חטאתי׃ |
4 Ngoba iziphambeko zami zedlule phezu kwekhanda lami, njengomthwalo onzima zinzima kakhulu kimi.
| כי עונתי עברו ראשי כמשא כבד יכבדו ממני׃ |
5 Izilonda zami zilevumba zilobomvu ngenxa yobuthutha bami.
| הבאישו נמקו חבורתי מפני אולתי׃ |
6 Ngigungubele, ngagotshiselwa phansi kakhulu, usuku lonke ngihamba ngikwezimnyama.
| נעויתי שחתי עד מאד כל היום קדר הלכתי׃ |
7 Ngoba ukhalo lwami lugcwele okutshileyo, njalo kakukho ukuphila enyameni yami.
| כי כסלי מלאו נקלה ואין מתם בבשרי׃ |
8 Ngibuthakathaka ngichobozekile kakhulukazi, ngiyabhonga ngenxa yokububula kwenhliziyo yami.
| נפוגותי ונדכיתי עד מאד שאגתי מנהמת לבי׃ |
9 Nkosi, sonke isiloyiso sami siphambi kwakho, lokububula kwami kakufihlakalanga kuwe.
| אדני נגדך כל תאותי ואנחתי ממך לא נסתרה׃ |
10 Inhliziyo yami iyatshaya, amandla ami angitshiyile; lokukhanya kwamehlo ami lakho kakukho kimi.
| לבי סחרחר עזבני כחי ואור עיני גם הם אין אתי׃ |
11 Abangithandayo labangane bami bema ummango lenhlupheko yami, labakwethu bema khatshana lami.
| אהבי ורעי מנגד נגעי יעמדו וקרובי מרחק עמדו׃ |
12 Labo abadinga impilo yami bayangithiya, labo abadinga ukoniwa kwami bakhuluma izincithakalo, bezindla inkohliso usuku lonke.
| וינקשו מבקשי נפשי ודרשי רעתי דברו הוות ומרמות כל היום יהגו׃ |
13 Kodwa mina nginjengesacuthe, kangizwa, lanjengesimungulu, esingavuli umlomo waso.
| ואני כחרש לא אשמע וכאלם לא יפתח פיו׃ |
14 Yebo, nginjengomuntu ongezwayo, okungekho ukuphikisa emlonyeni wakhe.
| ואהי כאיש אשר לא שמע ואין בפיו תוכחות׃ |
15 Ngoba kuwe, Nkosi, ngiyathemba; wena uzaphendula, Nkosi Nkulunkulu wami.
| כי לך יהוה הוחלתי אתה תענה אדני אלהי׃ |
16 Ngoba ngathi: Hlezi bathokoze ngami, lapho unyawo lwami lutshelela, bazikhukhumeze bemelene lami.
| כי אמרתי פן ישמחו לי במוט רגלי עלי הגדילו׃ |
17 Ngoba sengiseduze lokuwa, lobuhlungu bami buphambi kwami njalonjalo.
| כי אני לצלע נכון ומכאובי נגדי תמיד׃ |
18 Ngoba ngizakwazisa ububi bami, ngizakhathazeka ngesono sami.
| כי עוני אגיד אדאג מחטאתי׃ |
19 Kodwa izitha zami ziphilile zilamandla, labangizonda ngeze sebandile.
| ואיבי חיים עצמו ורבו שנאי שקר׃ |
20 Abaphindisela okubi esikhundleni sokuhle bayizitha zami, ngoba nginxwanela okulungileyo.
| ומשלמי רעה תחת טובה ישטנוני תחת רדופי טוב׃ |
21 Ungangitshiyi, Nkosi; Nkulunkulu wami, ungabi khatshana lami.
| אל תעזבני יהוה אלהי אל תרחק ממני׃ |
22 Phangisa ungisize, Nkosi, nsindiso yami.
| חושה לעזרתי אדני תשועתי׃ |
