Amahubo 33
1 Thokozani eNkosini, balungileyo. Ukudumisa kubafanele abaqotho.
| רננו צדיקים ביהוה לישרים נאוה תהלה׃ |
2 Dumisani iNkosi ngechacho, lihlabelele kuyo ngogubhu olulentambo ezilitshumi.
| הודו ליהוה בכנור בנבל עשור זמרו לו׃ |
3 Ihlabeleleni ingoma entsha, litshaye kuhle ngenhlokomo.
| שירו לו שיר חדש היטיבו נגן בתרועה׃ |
4 Ngoba ilizwi leNkosi liqotho, lomsebenzi wayo wonke ngowobuqotho.
| כי ישר דבר יהוה וכל מעשהו באמונה׃ |
5 Ithanda ukulunga lesahlulelo; umhlaba ugcwele umusa weNkosi.
| אהב צדקה ומשפט חסד יהוה מלאה הארץ׃ |
6 Ngelizwi leNkosi amazulu enziwa, lalo lonke ibutho lawo ngomoya womlomo wayo.
| בדבר יהוה שמים נעשו וברוח פיו כל צבאם׃ |
7 Ibuthelela amanzi olwandle njengenqumbi, ifake inziki eziphaleni.
| כנס כנד מי הים נתן באצרות תהומות׃ |
8 Umhlaba wonke kawuyesabe iNkosi, bonke abakhileyo bomhlaba kabathuthumele ngayo.
| ייראו מיהוה כל הארץ ממנו יגורו כל ישבי תבל׃ |
9 Ngoba yona yakhuluma, kwaba khona; yona yalaya, kwema.
| כי הוא אמר ויהי הוא צוה ויעמד׃ |
10 INkosi ichitha icebo lezizwe, iphuthisa imicabango yabantu.
| יהוה הפיר עצת גוים הניא מחשבות עמים׃ |
11 Icebo leNkosi limi kuze kube nininini, imicabango yenhliziyo yayo ezizukulwaneni ngezizukulwana.
| עצת יהוה לעולם תעמד מחשבות לבו לדר ודר׃ |
12 Sibusisiwe isizwe esiNkulunkulu waso yiNkosi, abantu ebakhethileyo baba yilifa layo.
| אשרי הגוי אשר יהוה אלהיו העם בחר לנחלה לו׃ |
13 INkosi iyakhangela phansi isemazulwini, ibone bonke abantwana babantu.
| משמים הביט יהוה ראה את כל בני האדם׃ |
14 Isendaweni emisiweyo yokuhlala kwayo ikhangela bonke abakhileyo bomhlaba.
| ממכון שבתו השגיח אל כל ישבי הארץ׃ |
15 Ibumba inhliziyo yabo bonke, inanzelele zonke izenzo zabo.
| היצר יחד לבם המבין אל כל מעשיהם׃ |
16 Kayikho inkosi esindiswa yibunengi bebutho, iqhawe kalikhululwa ngamandla amakhulu.
| אין המלך נושע ברב חיל גבור לא ינצל ברב כח׃ |
17 Ibhiza liyize ekunqobeni, njalo kalikhululi ngobukhulu bamandla alo.
| שקר הסוס לתשועה וברב חילו לא ימלט׃ |
18 Khangela, ilihlo leNkosi liphezu kwabayesabayo, kwalabo abathembela emuseni wayo,
| הנה עין יהוה אל יראיו למיחלים לחסדו׃ |
19 ukukhulula umphefumulo wabo ekufeni, lokubaphilisa endlaleni.
| להציל ממות נפשם ולחיותם ברעב׃ |
20 Umphefumulo wethu ulindela iNkosi; ilusizo lwethu lesihlangu sethu.
| נפשנו חכתה ליהוה עזרנו ומגננו הוא׃ |
21 Ngoba inhliziyo yethu izathokoza kuyo, ngoba sithembele ebizweni layo elingcwele.
| כי בו ישמח לבנו כי בשם קדשו בטחנו׃ |
22 Umusa wakho, Nkosi, kawube phezu kwethu, njengokulindela kwethu kuwe.
| יהי חסדך יהוה עלינו כאשר יחלנו לך׃ |
