Amahubo 28

1 Ngiyakhala kuwe, Nkosi; dwala lami, ungangithuleli, hlezi nxa ungithulela, ngifanane labehlela emgodini.

[A Psalm] of David. Unto thee, Jehovah, do I call; my rock, be not silent unto me, lest, [if] thou keep silence toward me, I become like them that go down into the pit.

2 Zwana ilizwi lokuncenga kwami lapho ngikhala kuwe, lapho ngiphakamisela izandla zami endaweni yakho yelizwi engcwele.

Hear the voice of my supplications, when I cry unto thee, when I lift up my hands toward the oracle of thy holiness.

3 Ungangihuduli kanye lababi njalo kanye labenzi bobubi, abakhuluma ukuthula labomakhelwane babo, kodwa ububi busenhliziyweni yabo.

Draw me not away with the wicked, and with the workers of iniquity, who speak peace to their neighbours, and mischief is in their heart.

4 Ubanike njengokwenza kwabo, lanjengobubi bezenzo zabo; ubanike njengokomsebenzi wezandla zabo, ubabuyisele isenzo sabo.

Give them according to their doing, and according to the wickedness of their deeds; give them after the work of their hands, render to them their desert.

5 Ngoba kabayinanzi imisebenzi yeNkosi lokwenza kwezandla zayo, izababhidliza ingabakhi.

For they regard not the deeds of Jehovah, nor the work of his hands: he will destroy them, and not build them up.

6 Kayibongwe iNkosi, ngoba ilizwile ilizwi lokuncenga kwami.

Blessed be Jehovah, for he hath heard the voice of my supplications.

7 INkosi ingamandla ami lesihlangu sami; inhliziyo yami ithembela kuyo, ngiyasizwa; ngakho inhliziyo yami iyathokoza, ngiyidumise ngengoma yami.

Jehovah is my strength and my shield; my heart confided in him, and I was helped: therefore my heart exulteth, and with my song will I praise him.

8 INkosi ingamandla abo, njalo iyinqaba yezinsindiso zogcotshiweyo wayo.

Jehovah is their strength; and he is the stronghold of salvation to his anointed one.

9 Sindisa abantu bakho, ubusise ilifa lakho, beluse, ubaphakamise kuze kube nininini.

Save thy people, and bless thine inheritance; and feed them, and lift them up for ever.