Amahubo 21

1 Jehova, inkosi izajabula emandleni akho, lesindisweni lwakho izathaba kangakanani!

For the Leader. A Psalm of David. O LORD, in Thy strength the king rejoiceth; and in Thy salvation how greatly doth he exult!

2 Uyinikile isifiso senhliziyo yayo, kawuyincitshanga isicelo sendebe zayo. (Sela)

Thou hast given him his heart's desire, and the request of his lips Thou hast not withholden. (Selah)

3 Ngoba uyihlangabeze ngezibusiso zokuhle, wayethwesa umqhele wegolide elihle ekhanda layo.

For Thou meetest him with choicest blessings; Thou settest a crown of fine gold on his head.

4 Yacela impilo kuwe, wayinika yona, ubude bezinsuku kuze kube nini lanini.

He asked life of Thee, Thou gavest it him; even length of days for ever and ever.

5 Lukhulu udumo lwayo ekusindiseni kwakho, inkazimulo lobukhosi wakubeka phezu kwayo.

His glory is great through Thy salvation; honour and majesty dost Thou lay upon him.

6 Ngoba uyenze yabusiseka kakhulu kuze kube nininini, uyayithokozisa ngenjabulo ebukhoneni bakho.

For Thou makest him most blessed for ever; Thou makest him glad with joy in Thy presence.

7 Ngoba inkosi ithembela kuJehova, langomusa woPhezukonke kayiyikunyikinywa.

For the king trusteth in the LORD, yea, in the mercy of the Most High; he shall not be moved.

8 Isandla sakho sizazithola zonke izitha zakho, lesandla sakho sokunene sizabathola labo abakuzondayo.

Thy hand shall be equal to all thine enemies; thy right hand shall overtake those that hate thee.

9 Uzabenza babe njengesithando somlilo esikhathini solaka lwakho. INkosi izabaginya ekuthukutheleni kwayo, lomlilo uzabaqothula.

Thou shalt make them as a fiery furnace in the time of thine anger; the LORD shall swallow them up in His wrath, and the fire shall devour them.

10 Uzachitha isithelo sabo emhlabeni, lenzalo yabo phakathi kwabantwana babantu.

Their fruit shalt thou destroy from the earth, and their seed from among the children of men.

11 Ngoba bezimisela okubi bemelene lawe, beceba ugobe, bazakwehluleka.

For they intended evil against thee, they imagined a device, wherewith they shall not prevail.

12 Ngoba uzabafulathelisa, ngezintambo zedandili uzalungisa imitshoko imelane lobuso babo.

For thou shalt make them turn their back, thou shalt make ready with thy bowstrings against the face of them.

13 Phakama, Nkosi, ngamandla akho! Sizahlabela sidumise amandla akho.

Be Thou exalted, O LORD, in Thy strength; so will we sing and praise Thy power.