Amahubo 149

1 Dumisani iNkosi! HIabelelani iNkosi ingoma entsha, indumiso yayo ebandleni labangcwele.

Dumisani uThixo. Hlabelelani uThixo ingoma entsha, indumiso yakhe ebandleni labathembekileyo.

2 UIsrayeli kathokoze ngoMenzi wakhe, abantwana beZiyoni kabathabe eNkosini yabo.

Akuthi u-Israyeli athokoze ngoMenzi wakhe; akuthi abantu baseZiyoni bajabule ngeNkosi yabo.

3 Kabadumise ibizo layo ngokusina, kabayihlabelele indumiso ngesigujana lechacho.

Kabadumise ibizo lakhe ngokusina, batshaye amagedla lamachacho.

4 Ngoba iNkosi iyathokoza ngabantu bayo; izacecisa abamnene ngosindiso.

Ngoba uThixo uyathokoza ngabantu bakhe; abathobekileyo ubapha umqhele wensindiso.

5 Abangcwele kabathokoze ngendumiso, kabahlabelele ngenjabulo emibhedeni yabo.

Akuthi abathembekileyo bathokoze ngale inhlonipho, bahlabele ngentokozo besemibhedeni yabo.

6 Indumiso zikaNkulunkulu zisemphinjeni wabo, lenkemba esika nhlangothi mbili esandleni sabo,

Sengathi indumiso kaNkulunkulu ingaba semilonyeni yabo lenkemba esika nxazonke ibe sezandleni zabo,

7 ukuze benze impindiselo phezu kwabahedeni, izijeziso phezu kwezizwe,

ukuthi benze impindiselo phezu kwezizwe lesijeziso phezu kwabantu,

8 ukuze babophe amakhosi azo ngamaketane, lezikhulu zazo ngezibopho zensimbi,

babophe amakhosi azo ngentambo lezikhulu zabo ngezibopho zensimbi,

9 ukuze benze isahlulelo esibhaliweyo phezu kwazo. Loludumo abangcwele bayo bonke balalo. Dumisani iNkosi!

ukugcwalisa kubo isigwebo abasibhalelwayo. Lokhu kuyinkazimulo yabathembekileyo bakhe bonke. Dumisani uThixo.