Amahubo 148
1 Dumisani iNkosi! Dumisani iNkosi lisemazulwini, idumiseni endaweni eziphezulu.
Praise ye the LORD. Praise ye the LORD from the heavens: praise him in the heights.
2 Idumiseni lonke zingilosi zayo. Idumiseni lonke mabandla ayo.
Praise ye him, all his angels: praise ye him, all his hosts.
3 Idumiseni langa lenyanga. Idumiseni lonke zinkanyezi ezikhanyayo.
Praise ye him, sun and moon: praise him, all ye stars of light.
4 Idumiseni mazulu amazulu, lani manzi aphezu kwamazulu.
Praise him, ye heavens of heavens, and ye waters that are above the heavens.
5 Kakudumise ibizo leNkosi; ngoba yona yalaya, kwasekudalwa.
Let them praise the name of the LORD: for he commanded, and they were created.
6 Yakumisa kuze kube nini lanini; yakhupha isimiso esingayikwedlula.
He hath also established them for ever and ever: he hath made a decree which shall not pass.
7 Dumisani iNkosi lisemhlabeni, migobho yolwandle, lani zinziki zonke,
Praise the LORD from the earth, ye dragons, and all deeps:
8 mlilo lesiqhotho, liqhwa elikhithikileyo lenkungu, siphepho esenza ilizwi layo;
Fire, and hail; snow, and vapours; stormy wind fulfilling his word:
9 zintaba lamaqaqa wonke, zihlahla zezithelo lemisedari yonke,
Mountains, and all hills; fruitful trees, and all cedars:
10 zinyamazana zeganga lezifuyo zonke, zinto ezihuquzelayo lenyoni eziphaphayo.
Beasts, and all cattle; creeping things, and flying fowl:
11 Makhosi omhlaba, lani zizwe zonke, ziphathamandla, lani babusi bomhlaba,
Kings of the earth, and all people; princes, and all judges of the earth:
12 majaha, lani-ke zintombi, maxhegu labatsha.
Both young men, and maidens; old men, and children:
13 Kabadumise ibizo leNkosi, ngoba ibizo layo lodwa liphakeme; ubukhosi bayo buphezu komhlaba lamazulu.
Let them praise the name of the LORD: for his name alone is excellent; his glory is above the earth and heaven.
14 Njalo iphakamisile uphondo lwabantu bayo, indumiso yabo bonke abangcwele bayo, eyabantwana bakoIsrayeli, abantu abaseduze layo. Dumisani iNkosi!
He also exalteth the horn of his people, the praise of all his saints; even of the children of Israel, a people near to him. Praise ye the LORD.
