Amahubo 146

1 Dumisani iNkosi! Dumisa iNkosi, mphefumulo wami.

Hallelujah. Praise the LORD, O my soul.

2 Ngizayidumisa iNkosi ngisaphila; ngizahlabelela indumiso kuNkulunkulu wami ngisesekhona.

I will praise the LORD while I live; I will sing praises unto my God while I have my being.

3 Lingabeki ithemba lenu eziphathamandleni, endodaneni yomuntu okungekho kuyo usindiso.

Put not your trust in princes, nor in the son of man, in whom there is no help.

4 Umoya wakhe uyaphuma, uyabuyela emhlabathini wakhe; ngalolosuku amacebo akhe ayaphela.

His breath goeth forth, he returneth to his dust; in that very day his thoughts perish.

5 Ubusisiwe yena oloNkulunkulu kaJakobe ukuthi abe lusizo lwakhe, othemba lakhe liseNkosini uNkulunkulu wakhe,

Happy is he whose help is the God of Jacob, whose hope is in the LORD his God,

6 owenza amazulu, lomhlaba, ulwandle, lakho konke okukukho, ogcina iqiniso kuze kube nininini,

Who made heaven and earth, the sea, and all that in them is; who keepeth truth for ever;

7 owenzela abacindezelweyo isahlulelo, obaphayo ukudla abalambileyo. INkosi iyakhulula izibotshwa,

Who executeth justice for the oppressed; who giveth bread to the hungry. The LORD looseth the prisoners;

8 INkosi iyavula amehlo eziphofu; iNkosi iyabalulamisa abakhothemeyo; iNkosi iyabathanda abalungileyo.

The LORD openeth the eyes of the blind; the LORD raiseth up them that are bowed down; the LORD loveth the righteous;

9 INkosi ilondoloza abemzini, isekele intandane lomfelokazi; kodwa indlela yababi iyayigenqula.

The LORD preserveth the strangers; He upholdeth the fatherless and the widow; but the way of the wicked He maketh crooked.

10 INkosi izabusa kuze kube nininini, uNkulunkulu wakho, Ziyoni, kuze kube sesizukulwaneni ngesizukulwana. Dumisani iNkosi!

The LORD will reign for ever, Thy God, O Zion, unto all generations. Hallelujah.