Amahubo 140

1 Ngikhulula, Nkosi, emuntwini omubi, ungilondoloze emuntwini olesihluku,

Deliver me, O Jehovah, from the evil man. Preserve me from the violent man,

2 abaceba izinto ezimbi enhliziyweni, usuku lonke babuthanela izimpi.

and men who devise mischievous things in their heart. They gather themselves continually together for war.

3 Balola ulimi lwabo njengenyoka, ubuhlungu bebululu bungaphansi kwendebe zabo. (Sela)

They have sharpened their tongue like a serpent. Adders' poison is under their lips. (Selah)

4 Ngilondoloze, Nkosi, ezandleni zomubi, ungivikele emuntwini olesihluku; abaceba ukuwisa inyawo zami.

Keep me, O Jehovah, from the hands of a wicked man. Preserve me from violent men, who have purposed to thrust aside my steps.

5 Abazigqajayo bangifihlele umjibila, lezintambo, bendlala imbule eceleni kwendlela; bangibekela izithiyo. (Sela)

The proud have hid a snare for me, and cords. They have spread a net by the wayside. They have set snares for me. (Selah)

6 Ngithe eNkosini: Wena unguNkulunkulu wami. Beka indlebe elizwini lokuncenga kwami, Nkosi.

I said to Jehovah, Thou are my God. Give ear to the voice of my supplications, O Jehovah.

7 Jehova, Nkosi, mandla osindiso lwami, wembese ikhanda lami osukwini lwezikhali.

O Jehovah the Lord, the strength of my salvation, thou have covered my head in the day of battle.

8 Unganiki, Nkosi, izifiso zomubi, ungaphumelelisi icebo lakhe elibi, hlezi baziphakamise. (Sela)

Grant not, O Jehovah, the desires of the wicked man. Do not further his evil device. They exalt themselves. (Selah)

9 Ngekhanda labangihanqileyo, ububi bendebe zabo kabubembese.

As for the head of those who encompass me around, let the mischief of their own lips cover them.

10 Kakuthi amalahle atshisayo akhithikele phezu kwabo, ubawisela emlilweni, emigodini etshonayo, ukuze bangavuki.

Let burning coals fall upon them. Let them be cast into the fire, into deep pits, from where they shall not rise.

11 Umuntu wolimi kangamiswa elizweni; umuntu olesihluku, ububi buzamzingela kube yikuwiswa kwakhe.

An evil speaker shall not be established in the earth. Evil shall hunt the violent man to overthrow him.

12 Ngiyazi ukuthi iNkosi izasebenza udaba lohluphekayo, ilungelo labayanga.

I know that Jehovah will maintain the cause of the afflicted man, and justice for the needy.

13 Isibili abalungileyo bazalidumisa ibizo lakho; abaqotho bazahlala ebusweni bakho.

Surely the righteous shall give thanks to thy name. The upright shall dwell in thy presence.