Amahubo 132
1 Khumbula, Nkosi, uDavida, izinhlupheko zakhe zonke,
| שיר המעלות זכור יהוה לדוד את כל ענותו׃ |
2 ukuthi wafunga eNkosini, wathembisa kuSomandla kaJakobe:
| אשר נשבע ליהוה נדר לאביר יעקב׃ |
3 Qotho, kangiyikungena ethenteni lendlu yami, qotho, kangiyikwenyukela ecansini lombheda wami;
| אם אבא באהל ביתי אם אעלה על ערש יצועי׃ |
4 qotho, kangiyikunika amehlo ami ubuthongo, ukuwozela ezinkopheni zami,
| אם אתן שנת לעיני לעפעפי תנומה׃ |
5 ngize ngiyitholele iNkosi indawo, indawo zokuhlala uSomandla kaJakobe.
| עד אמצא מקום ליהוה משכנות לאביר יעקב׃ |
6 Khangela, sakuzwa eEfratha, sakuthola emasimini egusu.
| הנה שמענוה באפרתה מצאנוה בשדי יער׃ |
7 Sizangena ezindlini zayo zokuhlala, sikhonze esenabelweni senyawo zayo.
| נבואה למשכנותיו נשתחוה להדם רגליו׃ |
8 Sukuma, Nkosi, uye ekuphumuleni kwakho, wena lomtshokotsho wamandla akho!
| קומה יהוה למנוחתך אתה וארון עזך׃ |
9 Abapristi bakho kabembeswe ukulunga, labangcwele bakho bathabe kakhulu.
| כהניך ילבשו צדק וחסידיך ירננו׃ |
10 Ngenxa yenceku yakho uDavida ungafulathelisi ubuso bogcotshiweyo wakho.
| בעבור דוד עבדך אל תשב פני משיחך׃ |
11 INkosi yafunga ngeqiniso kuDavida, kayiyikubuyela emuva kilo: Owesithelo sesizalo sakho ngizambeka esihlalweni sakho sobukhosi.
| נשבע יהוה לדוד אמת לא ישוב ממנה מפרי בטנך אשית לכסא לך׃ |
12 Uba abantwana bakho begcina isivumelwano sami lezifakazelo zami engizabafundisa zona, labantwana babo bazahlala esihlalweni sakho sobukhosi kuze kube nini lanini.
| אם ישמרו בניך בריתי ועדתי זו אלמדם גם בניהם עדי עד ישבו לכסא לך׃ |
13 Ngoba iNkosi iyikhethile iZiyoni, iyifisile ibe yindawo yayo yokuhlala.
| כי בחר יהוה בציון אוה למושב לו׃ |
14 Le yindawo yami yokuphumula kuze kube nini lanini; lapha ngizahlala, ngoba ngiyifisile.
| זאת מנוחתי עדי עד פה אשב כי אותיה׃ |
15 Ngizabusisa kakhulu ukudla kwayo, ngisuthise abayanga bayo ngesinkwa.
| צידה ברך אברך אביוניה אשביע לחם׃ |
16 Labapristi bayo ngizabembathisa usindiso, labangcwele bayo bazahlabelela kakhulu ngenjabulo.
| וכהניה אלביש ישע וחסידיה רנן ירננו׃ |
17 Lapho ngizahlumisa uphondo lukaDavida; ngimisele ogcotshiweyo wami isibane.
| שם אצמיח קרן לדוד ערכתי נר למשיחי׃ |
18 Izitha zakhe ngizazembathisa ihlazo, kodwa phezu kwakhe uzakhazimula umqhele wakhe wobukhosi.
| אויביו אלביש בשת ועליו יציץ נזרו׃ |
