Amahubo 124

1 Uba kwakungesiNkosi eyayilathi, katsho-ke uIsrayeli;

Ingoma yemiqanso. ElikaDavida. Aluba uThixo ubengemanga lathi yekela u-Israyeli atsho njalo,

2 uba kwakungesiNkosi eyayilathi, lapho abantu besivukela,

aluba uThixo ubengemanga lathi, lapho sasihlaselwa ngabantu,

3 ngabe basiginya siphila, ekuvutheni kolaka lwabo kithi;

lapho ulaka lwabo lwalutshisa ngathi ngabe basiginya siphila;

4 ngabe amanzi agijima phezu kwethu, lempophoma yedlula phezu komphefumulo wethu;

ngabe izikhukhula zasigalulisa, umsinga wawuzasikhukhula,

5 ngabe amanzi aqubukayo edlula phezu komphefumulo wethu.

amanzi ayabulayo ayezasikhucula.

6 Kayibongwe iNkosi, engasinikelanga ukuthi sibe yimpango emazinyweni abo.

Udumo kalube kuThixo ongasiyekelanga sadlithizwa ngamazinyo abo.

7 Umphefumulo wethu uphunyukile njengenyoni emjibileni wabathiyi; umjibila uqamukile, thina sasesiphunyuka.

Siphunyukile njengenyoni emjibileni womthiyi; umjibila uqamukile sahle saphunyuka.

8 Usizo lwethu lusebizweni leNkosi eyenza amazulu lomhlaba.

Usizo lwethu lusegameni likaThixo uMenzi wezulu lomhlaba.