Amahubo 119
1 Babusisiwe abaqotho endleleni, abahamba emlayweni weNkosi.
| אשרי תמימי דרך ההלכים בתורת יהוה׃ |
2 Babusisiwe abagcina izifakazelo zayo, abayidinga ngenhliziyo yonke.
| אשרי נצרי עדתיו בכל לב ידרשוהו׃ |
3 Njalo kabenzi okubi, bahamba endleleni zayo.
| אף לא פעלו עולה בדרכיו הלכו׃ |
4 Wena usulayile ukugcina ngokukhuthala imithetho yakho.
| אתה צויתה פקדיך לשמר מאד׃ |
5 Kungathi izindlela zami zingaqondiswa ukugcina izimiso zakho!
| אחלי יכנו דרכי לשמר חקיך׃ |
6 Khona ngingayikuyangeka, lapho nginanzelela yonke imithetho yakho.
| אז לא אבוש בהביטי אל כל מצותיך׃ |
7 Ngizakudumisa ngobuqotho benhliziyo, sengifunde izahlulelo zokulunga kwakho.
| אודך בישר לבב בלמדי משפטי צדקך׃ |
8 Ngizagcina izimiso zakho. Ungangitshiyi ngokupheleleyo.
| את חקיך אשמר אל תעזבני עד מאד׃ |
9 Ijaha lingayihlanza ngani indlela yalo? Ngokuqaphela njengokwelizwi lakho.
| במה יזכה נער את ארחו לשמר כדברך׃ |
10 Ngikudingile ngenhliziyo yami yonke; ungangiphambuli emithethweni yakho.
| בכל לבי דרשתיך אל תשגני ממצותיך׃ |
11 Ilizwi lakho ngilifihlile enhliziyweni yami, ukuze ngingoni kuwe.
| בלבי צפנתי אמרתך למען לא אחטא לך׃ |
12 Kawubongwe wena, Nkosi; ungifundise izimiso zakho.
| ברוך אתה יהוה למדני חקיך׃ |
13 Ngezindebe zami ngilandisile zonke izahlulelo zomlomo wakho.
| בשפתי ספרתי כל משפטי פיך׃ |
14 Ngithokozile ngendlela yezifakazelo zakho njengaphezu kwenotho yonke.
| בדרך עדותיך ששתי כעל כל הון׃ |
15 Ngizazindla ngemithetho yakho, ngikhangele ezindleleni zakho.
| בפקדיך אשיחה ואביטה ארחתיך׃ |
16 Ngizazithokozisa ngezimiso zakho; kangiyikukhohlwa ilizwi lakho.
| בחקתיך אשתעשע לא אשכח דברך׃ |
17 Iphathe kuhle inceku yakho, ukuze ngiphile ngigcine ilizwi lakho.
| גמל על עבדך אחיה ואשמרה דברך׃ |
18 Vula amehlo ami ukuze ngibone izimangaliso ezivela emlayweni wakho.
| גל עיני ואביטה נפלאות מתורתך׃ |
19 Ngiyisihambi emhlabeni; ungangifihleli imithetho yakho.
| גר אנכי בארץ אל תסתר ממני מצותיך׃ |
20 Umphefumulo wami uyadabuka ngenxa yokulangathela izahlulelo zakho ngaso sonke isikhathi.
| גרסה נפשי לתאבה אל משפטיך בכל עת׃ |
21 Ukhuzile abaziqakisayo abaqalekisiweyo, abaduha emithethweni yakho.
| גערת זדים ארורים השגים ממצותיך׃ |
22 Susa kimi ihlazo lokudelela, ngoba ngigcinile izifakazelo zakho.
| גל מעלי חרפה ובוז כי עדתיך נצרתי׃ |
23 Iziphathamandla lazo zahlala zakhuluma zimelene lami; inceku yakho yazindla ngezimiso zakho.
| גם ישבו שרים בי נדברו עבדך ישיח בחקיך׃ |
24 Izifakazelo zakho lazo ziyintokozo yami, zingabeluleki bami.
| גם עדתיך שעשעי אנשי עצתי׃ |
25 Umphefumulo wami unamathele ethulini; ngivuselela ngokwelizwi lakho.
| דבקה לעפר נפשי חיני כדברך׃ |
26 Ngilandisile indlela zami, wangiphendula. Ngifundisa izimiso zakho.
| דרכי ספרתי ותענני למדני חקיך׃ |
27 Ngenze ngiqedisise indlela yemithetho yakho, ukuze ngikhulume ngezenzo zakho ezimangalisayo.
| דרך פקודיך הבינני ואשיחה בנפלאותיך׃ |
28 Umphefumulo wami uyathonta ngenxa yosizi; ngiqinisa ngokwelizwi lakho.
| דלפה נפשי מתוגה קימני כדברך׃ |
29 Susa kimi indlela yamanga, unginike ngomusa umlayo wakho.
| דרך שקר הסר ממני ותורתך חנני׃ |
30 Ngikhethile indlela yeqiniso, ngibekile phambi kwami izahlulelo zakho.
| דרך אמונה בחרתי משפטיך שויתי׃ |
31 Nginamathele ezifakazelweni zakho; Nkosi, ungangiyangisi.
| דבקתי בעדותיך יהוה אל תבישני׃ |
32 Ngizagijima endleleni yemithetho yakho, ngoba uzakhulisa inhliziyo yami.
| דרך מצותיך ארוץ כי תרחיב לבי׃ |
33 Ngifundisa, Nkosi, indlela yezimiso zakho, njalo ngizayigcinakuze kube sekupheleni.
| הורני יהוה דרך חקיך ואצרנה עקב׃ |
34 Ngiphe ukuqedisisa ngibe sengigcina umlayo wakho, yebo ngiwulondoloze ngenhliziyo yonke.
| הבינני ואצרה תורתך ואשמרנה בכל לב׃ |
35 Ngihambisa endleleni yemithetho yakho, ngoba ngiyathokoza ngayo.
| הדריכני בנתיב מצותיך כי בו חפצתי׃ |
36 Thobisela inhliziyo yami ezifakazelweni zakho, kungabi semhawini.
| הט לבי אל עדותיך ואל אל בצע׃ |
37 Susa amehlo ami ukuze angaboni okuyize; ungivuselele endleleni yakho.
| העבר עיני מראות שוא בדרכך חיני׃ |
38 Qinisa ilizwi lakho encekwini yakho ezinikele ukukwesaba.
| הקם לעבדך אמרתך אשר ליראתך׃ |
39 Susa isigcono engisesabayo, ngoba izahlulelo zakho zilungile.
| העבר חרפתי אשר יגרתי כי משפטיך טובים׃ |
40 Khangela, ngiyalangatha imithetho yakho; ngivuselela ekulungeni kwakho.
| הנה תאבתי לפקדיך בצדקתך חיני׃ |
41 Lezisa zakho kazize kimi, Nkosi, usindiso lwakho ngokwelizwi lakho.
| ויבאני חסדך יהוה תשועתך כאמרתך׃ |
42 Khona ngizakuba lakho ukuphendula ongithukayo, ngoba ngiyathembela elizwini lakho.
| ואענה חרפי דבר כי בטחתי בדברך׃ |
43 Njalo ungasusi ngokupheleleyo emlonyeni wami ilizwi leqiniso, ngoba ngithembele ezahlulelweni zakho.
| ואל תצל מפי דבר אמת עד מאד כי למשפטך יחלתי׃ |
44 Ngokunjalo ngizawugcina umlayo wakho njalonjalo, kuze kube phakade laphakade.
| ואשמרה תורתך תמיד לעולם ועד׃ |
45 Ngizahamba ebubanzini, ngoba ngidinga imithetho yakho.
| ואתהלכה ברחבה כי פקדיך דרשתי׃ |
46 Njalo ngizakhuluma ngezifakazelo zakho phambi kwamakhosi, ngingayangeki.
| ואדברה בעדתיך נגד מלכים ולא אבוש׃ |
47 Ngizithokozise ngemithetho yakho engiyithandileyo.
| ואשתעשע במצותיך אשר אהבתי׃ |
48 Ngizaphakamisela lezandla zami emithethweni yakho engiyithandileyo, ngizindle ngezimiso zakho.
| ואשא כפי אל מצותיך אשר אהבתי ואשיחה בחקיך׃ |
49 Khumbula ilizwi encekwini yakho, ongenze ngathembela kulo.
| זכר דבר לעבדך על אשר יחלתני׃ |
50 Le yinduduzo yami ekuhluphekeni kwami, ngoba ilizwi lakho lingivuselele.
| זאת נחמתי בעניי כי אמרתך חיתני׃ |
51 Abazigqajayo bangiklolodela kakhulukazi; kangiphambukanga emlayweni wakho.
| זדים הליצני עד מאד מתורתך לא נטיתי׃ |
52 Ngikhumbule izahlulelo zakho zasendulo, Nkosi, futhi ngiziduduzile.
| זכרתי משפטיך מעולם יהוה ואתנחם׃ |
53 Intukuthelo enkulu ingibambile ngenxa yababi abatshiya umlayo wakho.
| זלעפה אחזתני מרשעים עזבי תורתך׃ |
54 Izimiso zakho zaba zingoma zami endlini yobuhambuma bami.
| זמרות היו לי חקיך בבית מגורי׃ |
55 Ebusuku ngikhumbule ibizo lakho, Nkosi, ngigcine umlayo wakho.
| זכרתי בלילה שמך יהוה ואשמרה תורתך׃ |
56 Lokhu kwaba ngokwami ngoba ngigcinile imithetho yakho.
| זאת היתה לי כי פקדיך נצרתי׃ |
57 UJehova uyisabelo sami; ngithe ngizagcina amazwi akho.
| חלקי יהוה אמרתי לשמר דבריך׃ |
58 Ngancenga ubuso bakho ngenhliziyo yonke; woba lomusa kimi ngokwelizwi lakho.
| חליתי פניך בכל לב חנני כאמרתך׃ |
59 Ngazindla ngezindlela zami, ngaphendulela inyawo zami ezifakazelweni zakho.
| חשבתי דרכי ואשיבה רגלי אל עדתיך׃ |
60 Ngaphangisa, kangiphuzanga ukugcina imithetho yakho.
| חשתי ולא התמהמהתי לשמר מצותיך׃ |
61 Amaxuku ababi angihanqile; kangikhohlwa umlayo wakho.
| חבלי רשעים עודני תורתך לא שכחתי׃ |
62 Phakathi kobusuku ngizavuka ukuze ngikubonge ngenxa yezahlulelo zokulunga kwakho.
| חצות לילה אקום להודות לך על משפטי צדקך׃ |
63 Ngingumngane wabo bonke abakwesabayo, labagcina imithetho yakho.
| חבר אני לכל אשר יראוך ולשמרי פקודיך׃ |
64 Nkosi, umhlaba ugcwele umusa wakho; ngifundisa izimiso zakho.
| חסדך יהוה מלאה הארץ חקיך למדני׃ |
65 Wenzele inceku yakho okuhle, Nkosi, ngokwelizwi lakho.
| טוב עשית עם עבדך יהוה כדברך׃ |
66 Ngifundisa ingqondo enhle lolwazi, ngoba ngikholwa imithetho yakho.
| טוב טעם ודעת למדני כי במצותיך האמנתי׃ |
67 Ngingakahlupheki ngaduha, kodwa khathesi ngigcine ilizwi lakho.
| טרם אענה אני שגג ועתה אמרתך שמרתי׃ |
68 Wena ulungile, wenza okulungileyo; ngifundisa izimiso zakho.
| טוב אתה ומטיב למדני חקיך׃ |
69 Abazigqajayo bangibhaceke ngamanga; ngenhliziyo yonke mina ngizagcina imithetho yakho.
| טפלו עלי שקר זדים אני בכל לב אצר פקודיך׃ |
70 Inhliziyo yabo inone njengamahwahwa; mina ngithokoza ngomlayo wakho.
| טפש כחלב לבם אני תורתך שעשעתי׃ |
71 Kungilungele ukuthi ngihlutshwe, ukuze ngifunde izimiso zakho.
| טוב לי כי עניתי למען אלמד חקיך׃ |
72 Umlayo womlomo wakho ungcono kimi kulezinkulungwane zegolide lezesiliva.
| טוב לי תורת פיך מאלפי זהב וכסף׃ |
73 Izandla zakho zingenzile, zangibumba; ngiphe ukuqedisisa ukuze ngifunde imithetho yakho.
| ידיך עשוני ויכוננוני הבינני ואלמדה מצותיך׃ |
74 Abakwesabayo bazangibona bathokoze, ngoba ngithembele elizwini lakho.
| יראיך יראוני וישמחו כי לדברך יחלתי׃ |
75 Ngiyazi, Nkosi, ukuthi izahlulelo zakho zilungile, lokuthi ungihluphile ngokuthembeka.
| ידעתי יהוה כי צדק משפטיך ואמונה עניתני׃ |
76 Umusa wakho ake ube yinduduzo yami njengokutsho kwakho encekwini yakho.
| יהי נא חסדך לנחמני כאמרתך לעבדך׃ |
77 Izihawu zakho kazize kimi ukuze ngiphile, ngoba umlayo wakho uyintokozo yami.
| יבאוני רחמיך ואחיה כי תורתך שעשעי׃ |
78 Abazigqajayo kabayangeke, ngoba bangiphambukisa ngamanga; mina ngizazindla ngemithetho yakho.
| יבשו זדים כי שקר עותוני אני אשיח בפקודיך׃ |
79 Kabaphendukele kimi abakwesabayo, labazi izifakazelo zakho.
| ישובו לי יראיך וידעו עדתיך׃ |
80 Inhliziyo yami kayiphelele ezimisweni zakho, ukuze ngingayangeki.
| יהי לבי תמים בחקיך למען לא אבוש׃ |
81 Umphefumulo wami uyaphela ngokulangatha usindiso lwakho; ngithembela elizwini lakho.
| כלתה לתשועתך נפשי לדברך יחלתי׃ |
82 Amehlo ami ayafiphala ngokulangatha ilizwi lakho, ngisithi: Uzangiduduza nini?
| כלו עיני לאמרתך לאמר מתי תנחמני׃ |
83 Ngoba senginjengomgodla osentuthwini; kangikhohlwa izimiso zakho.
| כי הייתי כנאד בקיטור חקיך לא שכחתי׃ |
84 Zingaki insuku zenceku yakho? Uzakwenza nini isigwebo kwabangizingelayo?
| כמה ימי עבדך מתי תעשה ברדפי משפט׃ |
85 Abazigqajayo bangigebhela imigodi, okungenjengokomlayo wakho.
| כרו לי זדים שיחות אשר לא כתורתך׃ |
86 Yonke imithetho yakho ithembekile; bangizingela ngamanga; ngisiza!
| כל מצותיך אמונה שקר רדפוני עזרני׃ |
87 Baphosa bangiqeda emhlabeni, kodwa mina kangitshiyanga imithetho yakho.
| כמעט כלוני בארץ ואני לא עזבתי פקודיך׃ |
88 Ngivuselela ngokomusa wakho; ngibe sengigcina isifakazelo somlomo wakho.
| כחסדך חיני ואשמרה עדות פיך׃ |
89 Laphakade, Nkosi, ilizwi lakho limi emazulwini.
| לעולם יהוה דברך נצב בשמים׃ |
90 Uthembeko lwakho lusesizukulwaneni lesizukulwana; wamisa umhlaba, usemi.
| לדר ודר אמונתך כוננת ארץ ותעמד׃ |
91 Ngokwezimiso zakho kusemi lamuhla, ngoba konke kuzinceku zakho.
| למשפטיך עמדו היום כי הכל עבדיך׃ |
92 Uba umlayo wakho ubungesizo intokozo zami, ngabe sengibhubhele ekuhluphekeni kwami.
| לולי תורתך שעשעי אז אבדתי בעניי׃ |
93 Laphakade kangiyikukhohlwa imithetho yakho, ngoba ungivuselele ngayo.
| לעולם לא אשכח פקודיך כי בם חייתני׃ |
94 Ngingowakho, ungisindise; ngoba ngiyidingile imithetho yakho.
| לך אני הושיעני כי פקודיך דרשתי׃ |
95 Ababi bangilindele ukungibhubhisa; ngiyananzelela izifakazelo zakho.
| לי קוו רשעים לאבדני עדתיך אתבונן׃ |
96 Ngibonile ukucina kwakho konke ukuphelela, kodwa umlayo wakho ubanzi kakhulu.
| לכל תכלה ראיתי קץ רחבה מצותך מאד׃ |
97 Ngiwuthanda kangakanani umlayo wakho! Usuku lonke uyikuzindla kwami.
| מה אהבתי תורתך כל היום היא שיחתי׃ |
98 Ngemithetho yakho uyangihlakaniphisa kulezitha zami, ngoba ilami kuze kube nininini.
| מאיבי תחכמני מצותך כי לעולם היא לי׃ |
99 Ngilokuqedisisa kulabo bonke abafundisi bami, ngoba izifakazelo zakho ziyikuzindla kwami.
| מכל מלמדי השכלתי כי עדותיך שיחה לי׃ |
100 Ngiyaqedisisa kulabadala, ngoba ngigcina imithetho yakho.
| מזקנים אתבונן כי פקודיך נצרתי׃ |
101 Ngizinqandile inyawo zami kuyo yonke indlela embi, ukuze ngigcine ilizwi lakho.
| מכל ארח רע כלאתי רגלי למען אשמר דברך׃ |
102 Kangiphambukanga kuzahlulelo zakho, ngoba wena ungifundisile.
| ממשפטיך לא סרתי כי אתה הורתני׃ |
103 Amnandi kangakanani amazwi akho ekunambitheni kwami, okwedlula uluju emlonyeni wami!
| מה נמלצו לחכי אמרתך מדבש לפי׃ |
104 Emithethweni yakho ngizuza ukuqedisisa; ngenxa yalokho ngizonda yonke indlela yamanga.
| מפקודיך אתבונן על כן שנאתי כל ארח שקר׃ |
105 Ilizwi lakho liyisibane enyaweni lwami, lokukhanya endleleni yami.
| נר לרגלי דברך ואור לנתיבתי׃ |
106 Ngifungile, ngizakuqinisa, ukugcina izahlulelo zokulunga kwakho.
| נשבעתי ואקימה לשמר משפטי צדקך׃ |
107 Ngiyahlupheka kakhulukazi; Nkosi, ngivuselela ngokwelizwi lakho.
| נעניתי עד מאד יהוה חיני כדברך׃ |
108 Nkosi, yemukela iminikelo yesihle yomlomo wami, ungifundise izahlulelo zakho.
| נדבות פי רצה נא יהוה ומשפטיך למדני׃ |
109 Umphefumulo wami usesandleni sami njalonjalo, kodwa kangikhohlwa umlayo wakho.
| נפשי בכפי תמיד ותורתך לא שכחתי׃ |
110 Ababi bangibekele umjibila, kodwa kangiduhanga emithethweni yakho.
| נתנו רשעים פח לי ומפקודיך לא תעיתי׃ |
111 Ngidle ilifa lezifakazelo zakho kuze kube nininini, ngoba ziyintokozo yenhliziyo yami.
| נחלתי עדותיך לעולם כי ששון לבי המה׃ |
112 Ngithobe inhliziyo yami ukwenza izimiso zakho njalonjalo, kuze kube sekupheleni.
| נטיתי לבי לעשות חקיך לעולם עקב׃ |
113 Ngiyabazonda abanhliziyombili, kodwa umlayo wakho ngiyawuthanda.
| סעפים שנאתי ותורתך אהבתי׃ |
114 Wena uyisiphephelo sami lesihlangu sami; ngithemba elizwini lakho.
| סתרי ומגני אתה לדברך יחלתי׃ |
115 Sukani kimi benzi bobubi, ngoba ngigcine imithetho kaNkulunkulu wami.
| סורו ממני מרעים ואצרה מצות אלהי׃ |
116 Ngisekela ngokwelizwi lakho ukuze ngiphile, ungangiyangisi ngethemba lami.
| סמכני כאמרתך ואחיה ואל תבישני משברי׃ |
117 Ngisekela ngibe sengisindiswa, ngizananzelela izimiso zakho njalonjalo.
| סעדני ואושעה ואשעה בחקיך תמיד׃ |
118 Uyabeyisa bonke abaduha ezimisweni zakho, ngoba ubuqili babo bungamanga.
| סלית כל שוגים מחקיך כי שקר תרמיתם׃ |
119 Uyasusa bonke ababi bomhlaba njengamanyele; ngakho ngiyazithanda izifakazelo zakho.
| סגים השבת כל רשעי ארץ לכן אהבתי עדתיך׃ |
120 Inyama yami iyathuthumela ngovalo ngawe, ngesaba izigwebo zakho.
| סמר מפחדך בשרי וממשפטיך יראתי׃ |
121 Ngenzile ukwahlulela lokulunga; ungangiyekeli kubacindezeli bami.
| עשיתי משפט וצדק בל תניחני לעשקי׃ |
122 Mela inceku yakho kube kuhle, abazigqajayo kabangangicindezeli.
| ערב עבדך לטוב אל יעשקני זדים׃ |
123 Amehlo ami aphelela usindiso lwakho, lelizwi lokulunga kwakho.
| עיני כלו לישועתך ולאמרת צדקך׃ |
124 Yenza encekwini yakho ngokomusa wakho, ungifundise izimiso zakho.
| עשה עם עבדך כחסדך וחקיך למדני׃ |
125 Ngiyinceku yakho; ngiphe ukuqedisisa, ukuze ngazi izifakazelo zakho.
| עבדך אני הבינני ואדעה עדתיך׃ |
126 Sekuyisikhathi seNkosi sokuthi isebenze, ngoba bawephule umlayo wakho.
| עת לעשות ליהוה הפרו תורתך׃ |
127 Ngakho-ke ngiyayithanda imithetho yakho kakhulu kulegolide, yebo, kulegolide elicwengekileyo.
| על כן אהבתי מצותיך מזהב ומפז׃ |
128 Ngalokho imithetho yakho yonke mayelana lazo zonke izinto ngiyibona iqondile; yonke indlela yamanga ngiyayizonda.
| על כן כל פקודי כל ישרתי כל ארח שקר שנאתי׃ |
129 Izifakazelo zakho ziyamangalisa; ngakho-ke umphefumulo wami uyazigcina.
| פלאות עדותיך על כן נצרתם נפשי׃ |
130 Ukuvulwa kwamazwi akho kuyakhanyisa, kunika ukuqedisisa kwabangelalwazi.
| פתח דבריך יאיר מבין פתיים׃ |
131 Ngavula umlomo wami, ngaphefuzela, ngoba ngalangazelela imithetho yakho.
| פי פערתי ואשאפה כי למצותיך יאבתי׃ |
132 Phendukela kimi, ube lomusa kimi, njengomkhuba kulabo abathanda ibizo lakho.
| פנה אלי וחנני כמשפט לאהבי שמך׃ |
133 Qinisa izinyathelo zami ngelizwi lakho, njalo kabungabusi phezu kwami labubi.
| פעמי הכן באמרתך ואל תשלט בי כל און׃ |
134 Ngikhulula kucindezelo lwabantu, ukuze ngigcine imithetho yakho.
| פדני מעשק אדם ואשמרה פקודיך׃ |
135 Khanyisa ubuso bakho phezu kwenceku yakho, ungifundise izimiso zakho.
| פניך האר בעבדך ולמדני את חקיך׃ |
136 Imifula yamanzi iyehla emehlweni ami, ngoba kabagcini umlayo wakho.
| פלגי מים ירדו עיני על לא שמרו תורתך׃ |
137 Wena, Nkosi, ulungile, ziqondile izahlulelo zakho.
| צדיק אתה יהוה וישר משפטיך׃ |
138 Ulayile izifakazelo zakho ekulungeni lekuthembekeni okukhulu.
| צוית צדק עדתיך ואמונה מאד׃ |
139 Ukutshiseka kwami kungiqedile, ngoba izitha zami zikhohlwe amazwi akho.
| צמתתני קנאתי כי שכחו דבריך צרי׃ |
140 Ilizwi lakho licwengekile kakhulu; ngakho inceku yakho iyalithanda.
| צרופה אמרתך מאד ועבדך אהבה׃ |
141 Ngimncinyane, ngidelelekile; imithetho yakho kangiyikhohlwa.
| צעיר אנכי ונבזה פקדיך לא שכחתי׃ |
142 Ukulunga kwakho kuyikulunga kuze kube phakade, lomlayo wakho uliqiniso.
| צדקתך צדק לעולם ותורתך אמת׃ |
143 Ucindezelo lohlupho kungifumene; imithetho yakho izintokozo zami.
| צר ומצוק מצאוני מצותיך שעשעי׃ |
144 Ukulunga kwezifakazelo zakho kungokwaphakade; ngiphe ukuqedisisa ukuze ngiphile.
| צדק עדותיך לעולם הבינני ואחיה׃ |
145 Ngakhala ngenhliziyo yami yonke; ngiphendula, Nkosi. Ngizagcina izimiso zakho.
| קראתי בכל לב ענני יהוה חקיך אצרה׃ |
146 Ngikhalela kuwe; ngisindisa, njalo ngizagcina izifakazelo zakho.
| קראתיך הושיעני ואשמרה עדתיך׃ |
147 Ngandulela uvivi, ngakhala; ngathembela elizwini lakho.
| קדמתי בנשף ואשועה לדבריך יחלתי׃ |
148 Amehlo ami aqalela imilindo yobusuku, ukuze ngizindle elizwini lakho.
| קדמו עיני אשמרות לשיח באמרתך׃ |
149 Zwana ilizwi lami ngokomusa wakho; Nkosi, ngivuselela ngokwesahlulelo sakho.
| קולי שמעה כחסדך יהוה כמשפטך חיני׃ |
150 Bayasondela abazingeli bobubi, bakhatshana lomlayo wakho.
| קרבו רדפי זמה מתורתך רחקו׃ |
151 Wena useduze, Nkosi, lemithetho yakho yonke iliqiniso.
| קרוב אתה יהוה וכל מצותיך אמת׃ |
152 Sekukade ngisazi ngemilayo yakho ukuthi uyisekele kuze kube nininini.
| קדם ידעתי מעדתיך כי לעולם יסדתם׃ |
153 Khangela ukuhlupheka kwami, ungikhulule, ngoba kangiwukhohlwa umlayo wakho.
| ראה עניי וחלצני כי תורתך לא שכחתי׃ |
154 Mela udaba lwami, ungihlenge; ngivuselela ngokwelizwi lakho.
| ריבה ריבי וגאלני לאמרתך חיני׃ |
155 Usindiso lukhatshana lababi, ngoba kabadingi izimiso zakho.
| רחוק מרשעים ישועה כי חקיך לא דרשו׃ |
156 Izihawu zakho, Nkosi, zinkulu; ngivuselela ngokwezahlulelo zakho.
| רחמיך רבים יהוה כמשפטיך חיני׃ |
157 Banengi abangizingelayo labayizitha zami; kangiphambuki ezifakazelweni zakho.
| רבים רדפי וצרי מעדותיך לא נטיתי׃ |
158 Ngabona abaphambuki, ngacunuka, ngoba kabagcinanga ilizwi lakho.
| ראיתי בגדים ואתקוטטה אשר אמרתך לא שמרו׃ |
159 Bona ukuthi ngiyayithanda imithetho yakho. Ngivuselela, Nkosi, ngokothandolomusa wakho.
| ראה כי פקודיך אהבתי יהוה כחסדך חיני׃ |
160 Ilizwi lakho liliqiniso kwasekuqaleni, laso sonke isahlulelo sakho esilungileyo simi kuze kube nininini.
| ראש דברך אמת ולעולם כל משפט צדקך׃ |
161 Iziphathamandla zingizingela kungelasizatho; kodwa inhliziyo yami ilovalo ngamazwi akho.
| שרים רדפוני חנם ומדבריך פחד לבי׃ |
162 Ngiyathokoza ngelizwi lakho njengothole impango enkulu.
| שש אנכי על אמרתך כמוצא שלל רב׃ |
163 Amanga ngiyawazonda ngiyawenyanya; umlayo wakho ngiyawuthanda.
| שקר שנאתי ואתעבה תורתך אהבתי׃ |
164 Kasikhombisa ngosuku ngiyakudumisa ngenxa yezahlulelo zakho ezilungileyo.
| שבע ביום הללתיך על משפטי צדקך׃ |
165 Balokuthula okukhulu abathanda umlayo wakho; njalo kakulasikhubekiso kubo.
| שלום רב לאהבי תורתך ואין למו מכשול׃ |
166 Ngilindele usindiso lwakho, Nkosi, ngiyayenza imithetho yakho.
| שברתי לישועתך יהוה ומצותיך עשיתי׃ |
167 Umphefumulo wami uyazigcina izifakazelo zakho, ngiyazithanda kakhulu.
| שמרה נפשי עדתיך ואהבם מאד׃ |
168 Ngiyagcina imithetho yakho lezifakazelo zakho, ngoba zonke indlela zami ziphambi kwakho.
| שמרתי פקודיך ועדתיך כי כל דרכי נגדך׃ |
169 Ukukhala kwami kakusondele kuwe, Nkosi; ngiphe ukuqedisisa ngokwelizwi lakho.
| תקרב רנתי לפניך יהוה כדברך הבינני׃ |
170 Ukuncenga kwami kakufike phambi kwakho; ngikhulula ngokwelizwi lakho.
| תבוא תחנתי לפניך כאמרתך הצילני׃ |
171 Indebe zami zizathulula indumiso, ngoba ungifundisile izimiso zakho.
| תבענה שפתי תהלה כי תלמדני חקיך׃ |
172 Ulimi lwami luzakhuluma ilizwi lakho, ngoba yonke imithetho yakho iyikulunga.
| תען לשוני אמרתך כי כל מצותיך צדק׃ |
173 Isandla sakho kasibe lusizo lwami, ngoba ngikhethile imithetho yakho.
| תהי ידך לעזרני כי פקודיך בחרתי׃ |
174 Ngiyalangazelela usindiso lwakho, Nkosi, lomlayo wakho uyintokozo yami.
| תאבתי לישועתך יהוה ותורתך שעשעי׃ |
175 Kawuphile umphefumulo wami, njalo uzakudumisa, lezahlulelo zakho zingisize.
| תחי נפשי ותהללך ומשפטך יעזרני׃ |
176 Ngiduhile njengemvu elahlekileyo; dinga inceku yakho, ngoba kangikhohlwa imithetho yakho.
| תעיתי כשה אבד בקש עבדך כי מצותיך לא שכחתי׃ |
