Amahubo 114

1 Ekuphumeni kukaIsrayeli eGibhithe, indlu kaJakobe ebantwini bolimi lwezizwe,

Kwathi ekuphumeni kuka-Israyeli eGibhithe, indlu kaJakhobe isuka ebantwini bolimi lwezizweni,

2 uJuda waba yindlu yakhe engcwele, uIsrayeli waba ngumbuso wakhe.

uJuda waba yindlu engcwele kaNkulunkulu, u-Israyeli waba ngumbuso wakhe.

3 Ulwandle lwakubona lwabaleka, iJordani yabuyela emuva.

Ulwandle lwakubona lwabaleka, iJodani yabuyela emuva.

4 Intaba zaqolotsha njengezinqama, amaqaqa njengamawundlu.

Izintaba zaqothuka njengenqama, amaqaqa enza njengamawundlu.

5 Ulani wena lwandle, ukuthi ubaleke? Wena Jordani, ukuthi ubuyele emuva?

Kwakungani, we lwandle, wasuka wabaleka? Wena Jodani wabuyela emuva?

6 Lina zintaba, ukuthi liqolotshe njengezinqama? Lina maqaqa, njengamawundlu?

Lani zintaba laqolotsha njengenqama, lina maqaqa njengamawundlu?

7 Thuthumela, mhlaba, phambi kweNkosi, phambi kukaNkulunkulu kaJakobe,

Thuthumela, we mhlaba, phambi kukaThixo, phambi kukaNkulunkulu kaJakhobe,

8 owaphendula idwalalibe lichibi lamanzi, ilitshe elilukhuni libe ngumthombo wamanzi.

owaphendula idwala laba lichibi, idwala eliqinileyo laba ngumthombo wamanzi.