Amahubo 113

1 Dumisani iNkosi! Dumisani, zinceku zeNkosi, dumisani ibizo leNkosi.

Dumisani uThixo. Dumisani uThixo, lina zinceku zakhe, dumisani ibizo likaThixo.

2 Kalibongwe ibizo leNkosi kusukela khathesi njalo kuze kube nininini.

Kalidunyiswe ibizo likaThixo, khona manje kanye laphakade.

3 Kusukela ekuphumeni kwelanga kuze kube sekutshoneni kwalo ibizo leNkosi kalidunyiswe.

Kusukela okuphuma khona ilanga kusiyafika lapho elitshona khona, kufanele lidunyiswe ibizo likaThixo.

4 INkosi iphakeme phezu kwezizwe zonke, ubukhosi bayo buphezu kwamazulu.

UThixo uphakeme ngaphezu kwezizwe zonke, inkazimulo yakhe ngaphezulu kwamazulu.

5 Ngubani onjengeNkosi uNkulunkulu wethu, ehlezi phezulu,

Ngubani na onjengoThixo uNkulunkulu wethu, oNguye ohlezi ebukhosini phezulu,

6 ekhothama ukukhangela emazulwini lemhlabeni?

okhothama akhangele phansi emazulwini lasemhlabeni?

7 Iyamvusa umyanga ethulini, imphakamise osweleyo enqunjini yomquba,

Uyabavusa abampofu othulini, aphakamise abaswelayo esilotheni;

8 ukuze imhlalise leziphathamandla, kanye leziphathamandla zabantu bayo.

abahlalise lamakhosana, amakhosana abantu bakibo.

9 Ihlalisa inyumba emzini, unina wabantwana othokozayo. Dumisani iNkosi!

Lomfazi oyinyumba umenza ahlale kuhle emzini wakhe afane lalowo ongunina wabantwana. Dumisani uThixo.