Amahubo 111

1 Dumisani iNkosi! Ngizayibonga iNkosi ngenhliziyo yonke, emhlanganweni wabaqotho lebandleni.

Dumisani uThixo. Ngizambabaza uThixo ngenhliziyo yami yonke enkundleni yabaqotho lasemhlanganweni.

2 Mikhulu imisebenzi yeNkosi, idingwa yilabo abathokoza ngayo.

Mikhulu imisebenzi kaThixo; isemicabangweni yabo bonke abathokoza ngayo.

3 Ulodumo lenkazimulo umsebenzi wayo, lokulunga kwayo kumi kuze kube nininini.

Zilenkazimulo lobukhosi izenzo zakhe, lokulunga Kwakhe kumi kuze kube laphakade.

4 Yenzile izimangaliso zayo zikhunjulwe; iNkosi ilomusa lesihawu.

Wenzile ukuthi izimanga zakhe zikhunjulwe; uThixo ulomusa lesihawu.

5 Iyabapha ukudla labo abayesabayo; iyakhumbula kuze kube phakade isivumelwano sayo.

Uyabapha ukudla labo abamesabayo; uyasikhumbula isivumelwano Sakhe lanini.

6 Yazisile abantu bayo amandla emisebenzi yayo, ngokubanika ilifa lezizwe.

Ubatshengisile abantu bakhe amandla emisebenzi yakhe, ngokubapha amazwe ezinye izizwe.

7 Imisebenzi yezandla zayo iliqiniso lokwehlulela; imithetho yayo yonke iqinisekile.

Imisebenzi yezandla zakhe ithembekile, ilungile; zonke iziqondiso zakhe ziyathembeka.

8 Isekelwe kuze kube phakade laphakade, yenziwa ngeqiniso langobuqotho.

Zimi kaziguquki nini lanini, zenziwa ngeqiniso langobuqotho.

9 Yathumela uhlengo ebantwini bayo; ilaye isivumelwano sayo kuze kube nininini; lingcwele liyesabeka ibizo layo.

Wathumela abantu bakhe insindiso; wasingcwelisa isivumelwano Sakhe okwanininini lingcwele liyesabeka ibizo lakhe.

10 Ukuyesaba iNkosi kuyikuqala kokuhlakanipha; balokuqedisisa okuhle bonke abayenzayo imilayo. Indumiso yayo imi kuze kube nininini.

Ukumesaba uThixo kuyikuqala kwenhlakanipho bonke abalandela iziqondiso zakhe balokuzwisisa okuhle. Kungokwakhe ukudunyiswa kwaphakade.