Izaga 8
1 Inhlakanipho kayimemezi yini, lokuqedisisa kukhuphe ilizwi lakho?
| הלא-חכמה תקרא ותבונה תתן קולה |
2 Engqongeni yezindawo eziphakemeyo, ngasendleleni, phakathi kwezindlela kumi.
| בראש-מרמים עלי-דרך בית נתיבות נצבה |
3 Eceleni kwamasango, entubeni yomuzi, ekungeneni kweminyango kuyamemeza kakhulu kuthi:
| ליד-שערים לפי-קרת מבוא פתחים תרנה |
4 Kini, madoda, ngiyamemeza, lelizwi lami lisebantwaneni babantu.
| אליכם אישים אקרא וקולי אל-בני אדם |
5 Lina elingelalwazi, qedisisani inhlakanipho; lani zithutha, qedisisani ngenhliziyo.
| הבינו פתאים ערמה וכסילים הבינו לב |
6 Zwanini, ngoba ngizakhuluma izinto zobukhosi, lokuvula kwendebe zami kuzakuba yikuqonda.
| שמעו כי-נגידים אדבר ומפתח שפתי מישרים |
7 Ngoba umlomo wami ukhuluma iqiniso, lenkohlakalo iyisinengiso endebeni zami.
| כי-אמת יהגה חכי ותועבת שפתי רשע |
8 Wonke amazwi omlomo wami asekulungeni; kakukho okutshilekileyo lokugobileyo kuwo.
| בצדק כל-אמרי-פי אין בהם נפתל ועקש |
9 Wonke aqondile kulowo oqedisisayo, alungile kulabo abathola ulwazi.
| כלם נכחים למבין וישרים למצאי דעת |
10 Yemukelani ukufundisa kwami, hatshi isiliva, lolwazi kulegolide elikhethekileyo.
| קחו-מוסרי ואל-כסף ודעת מחרוץ נבחר |
11 Ngoba inhlakanipho ingcono kulamatshe amahle, lakho konke okufisekayo kakulakulinganiswa layo.
| כי-טובה חכמה מפנינים וכל-חפצים לא ישוו-בה |
12 Mina nhlakanipho ngihlala lokuqedisisa, ngithola ulwazi lamacebo.
| אני-חכמה שכנתי ערמה ודעת מזמות אמצא |
13 Ukwesaba iNkosi kuyikuzonda ububi; ukuzigqaja, lokuziqhenya, lendlela embi, lomlomo wokuphambeka ngiyakuzonda.
| יראת יהוה שנאת-רע גאה וגאון ודרך רע ופי תהפכות שנאתי |
14 Iseluleko ngesami, lenhlakanipho eqotho; ngiyikuqedisisa; amandla ngawami.
| לי-עצה ותושיה אני בינה לי גבורה |
15 Ngami amakhosi ayabusa, lababusi bamisa ukulunga.
| בי מלכים ימלכו ורזנים יחקקו צדק |
16 Ngami iziphathamandla ziyabusa, lezikhulu, bonke abehluleli bomhlaba.
| בי שרים ישרו ונדיבים כל-שפטי צדק |
17 Mina ngiyathanda abangithandayo, lalabo abangidingisisayo bazangithola.
| אני אהביה (אהבי) אהב ומשחרי ימצאנני |
18 Inotho lodumo kukimi, inotho eqhubekayo lokulunga.
| עשר-וכבוד אתי הון עתק וצדקה |
19 Isithelo sami singcono kulegolide, legolide elicwengekileyo, lokutholakalayo kwami kulesiliva esikhethekileyo.
| טוב פריי מחרוץ ומפז ותבואתי מכסף נבחר |
20 Ngihamba endleleni yokulunga, phakathi kwemikhondo yesahlulelo;
| בארח-צדקה אהלך בתוך נתיבות משפט |
21 ukuthi ngenze abangithandayo badle ilifa lemfuyo; ngigcwalise iziphala zabo.
| להנחיל אהבי יש ואצרתיהם אמלא |
22 INkosi, ngaba ngeyayo, ngaba yikuqala kwendlela yayo, ngaphambi kwemisebenzi yayo yendulo.
| יהוה--קנני ראשית דרכו קדם מפעליו מאז |
23 Ngamiswa kwasephakadeni, kusukela ekuqaleni, kusukela emandulo omhlaba.
| מעולם נסכתי מראש-- מקדמי-ארץ |
24 Kungakabi khona izinziki ngasengizelwe, ingakabi khona imithombo enzima ngamanzi.
| באין-תהמות חוללתי באין מעינות נכבדי-מים |
25 Intaba zingakamiswa, kungakabi khona amaqaqa, ngasengizelwe.
| בטרם הרים הטבעו לפני גבעות חוללתי |
26 Ingakawenzi umhlaba lemimango, lokuqala kwentuli zomhlaba.
| עד-לא עשה ארץ וחוצות וראש עפרות תבל |
27 Lapho ilungisa amazulu ngangikhonapho; lapho imisa umkhathi ngaphezu kwenziki;
| בהכינו שמים שם אני בחקו חוג על-פני תהום |
28 lapho imisa amayezi ngaphezulu; lapho iqinisa imithombo yenziki;
| באמצו שחקים ממעל בעזוז עינות תהום |
29 lapho imisela ulwandle umngcele walo ukuze amanzi angeqi umlayo wayo; lapho imisa izisekelo zomhlaba;
| בשומו לים חקו ומים לא יעברו-פיו בחוקו מוסדי ארץ |
30 khona ngangiseduze layo njengowakhuliswa yiyo, ngizintokozo zayo usuku ngosuku, ngithokoza phambi kwayo ngaso sonke isikhathi,
| ואהיה אצלו אמון ואהיה שעשועים יום יום משחקת לפניו בכל-עת |
31 ngidlala elizweni lomhlaba wayo, lentokozo zami zisebantwaneni babantu.
| משחקת בתבל ארצו ושעשעי את-בני אדם |
32 Ngakho-ke, bantwana bami, ngizweni; ngoba babusisiwe abagcina indlela zami.
| ועתה בנים שמעו-לי ואשרי דרכי ישמרו |
33 Zwanini ukulaya, lihlakaniphe, lingakudeli.
| שמעו מוסר וחכמו ואל-תפרעו |
34 Ubusisiwe umuntu ongizwayo, alinde insuku ngensuku emasangweni ami, alinde emigubazini yeminyango yami.
| אשרי אדם שמע-לי לשקד על-דלתתי יום יום--לשמר מזוזת פתחי |
35 Ngoba ongitholayo uthola impilo, azuze umusa eNkosini.
| כי מצאי מצאי (מצא) חיים ויפק רצון מיהוה |
36 Kodwa owona kimi wona umphefumulo wakhe; bonke abangizondayo bathanda ukufa.
| וחטאי חמס נפשו כל-משנאי אהבו מות |
