Izaga 29
1 Umuntu othi ekhuzwa kanengi aqinise intamo, uzahle ephulwe, njalo kungabi lakusiliswa.
A person who has received many rebukes but who stiffens his neck will be broken in a moment beyond healing.
2 Lapho abalungileyo besanda, abantu bayathokoza, kodwa lapho okhohlakeleyo ebusa, abantu bayabubula.
When righteous people increase, the people rejoice, but when a wicked person is the ruler, the people sigh.
3 Umuntu othanda inhlakanipho uthokozisa uyise, kodwa ohlanganyela lamawule uchitha inotho.
Whoever loves wisdom makes his father rejoice, but he who keeps company with prostitutes destroys his wealth.
4 Inkosi iqinisa ilizwe ngesahlulelo, kodwa umuntu wezipho uyalichitha.
The king establishes the land by justice, but the one who demands bribes tears it down.
5 Umuntu olalisa ngolimi umakhelwane wakhe wendlalela izinyawo zakhe imbule.
A man who flatters his neighbor is spreading a net for his feet.
6 Esiphambekweni somuntu omubi kulomjibila, kodwa olungileyo uyamemeza ngenjabulo ethokoza.
In the sin of an evil person is a trap, but the righteous person sings and rejoices.
7 Olungileyo uyalwazi udaba lwabayanga; okhohlakeleyo kananzeleli ulwazi.
The righteous person knows the rights of the poor; the wicked person does not understand such knowledge.
8 Abantu abadelelayo bayawuthungela umuzi, kodwa abahlakaniphileyo badedisa ulaka.
Mockers set a city on fire, but those who are wise turn away wrath.
9 Umuntu ohlakaniphileyo emangalelana lomuntu oyisithutha, loba elolaka, loba ehleka, kakulakuthula.
When a wise person has an argument with a fool, he rages and laughs, and there will be no rest.
10 Abantu abomele igazi bazonda opheleleyo, kodwa abaqotho badinga umphefumulo wakhe.
The bloodthirsty hate the one who is blameless and seek the life of the upright.
11 Isithutha sikhupha umoya waso wonke, kodwa ohlakaniphileyo uyawuthiba.
A fool reveals all his anger, but a wise man holds it back and calms himself down.
12 Umbusi olalela amazwi amanga, zonke izinceku zakhe zikhohlakele.
If a ruler pays attention to lies, all his officials will be wicked.
13 Umyanga lomuntu wencindezelo bayahlangana; iNkosi ikhanyisa amehlo abo bobabili.
The poor person and the oppressor are similar, for Yahweh gives light to the eyes of them both.
14 Inkosi eyahlulela abayanga ngothembeko, isihlalo sayo sobukhosi sizamiswa phakade.
If a king judges the poor by the truth, his throne will be established forever.
15 Uswazi lokukhuza kunika inhlakanipho, kodwa umntwana oyekelelwayo uthelela unina inhloni.
The rod and reproof give wisdom, but a child freed from discipline puts his mother to shame.
16 Lapho abakhohlakeleyo besanda, isiphambeko siyanda, kodwa abalungileyo bazabona ukuwa kwabo.
When wicked people are in power, transgression increases, but righteous people will see the downfall of those wicked people.
17 Laya indodana yakho, izakuphumuza; yebo, izanika izinjabulo emphefumulweni wakho.
Discipline your son and he will give you rest; he will bring delights into your life.
18 Lapho okungelambono khona, abantu babengabambeki; kodwa ubusisiwe ogcina umlayo.
Where there is no prophetic vision the people run wild, but the one who keeps the law is blessed.
19 Inceku kayilaywa ngamazwi; lanxa iqedisisa, kayiyikuphendula.
A slave will not be corrected by words, for though he understands, there will be no response.
20 Uyambona yini umuntu ophangisa ngamazwi akhe? Kulethemba elingcono esithutheni kulaye.
See a man who is hasty in his words? There is more hope for a fool than for him.
21 Ototoza inceku yakhe kusukela ebuntwaneni, ekucineni izakuba yindodana kuye.
One who pampers his slave from youth, at the end of it there will be trouble.
22 Umuntu ololaka ubanga ukuxabana, lomuntu ovutha intukuthelo wandisa isiphambeko.
An angry person stirs up strife and a master of rage commits many sins.
23 Ukuzigqaja komuntu kuzamehlisa, kodwa olomoya othobekileyo uzabamba udumo.
A person's pride brings him low, but one who has a humble spirit will be given honor.
24 Owabelana lesela uzonda umphefumulo wakhe; uzwa isiqalekiso, angakhulumi.
One who shares with a thief hates his own life; he hears the curse and says nothing.
25 Ukwesaba abantu kuletha umjibila, kodwa othemba eNkosini uzabekwa phezulu evikelekile.
The fear of man makes a snare, but the one who trusts in Yahweh will be protected.
26 Abanengi badinga ubuso bombusi, kodwa isahlulelo salowo lalowo sivela eNkosini.
Many are those who seek the face of the ruler, but from Yahweh is justice for a person.
27 Umuntu ongalunganga uyisinengiso kwabalungileyo, kodwa oqotho endleleni uyisinengiso kokhohlakeleyo.
An unjust man is an abomination to righteous people, but the one whose way is upright is detestable to the wicked person.
