UMathewu 20

1 Ngoba umbuso wamazulu ufanana lomuntu ongumninindlu, owaphuma ekuseni kakhulu ukuqhatsha izisebenzi ziye esivinini sakhe;

For the kingdom of the heavens is like a householder who went out with the early morn to hire workmen for his vineyard.

2 esevumelene lezisebenzi ngodenariyo ngosuku, wazithuma esivinini sakhe.

And having agreed with the workmen for a denarius the day, he sent them into his vineyard.

3 Wasephuma sekungaba lihola lesithathu, wabona abanye bemi emdangeni bengenzi lutho;

And having gone out about [the] third hour, he saw others standing in the market-place idle;

4 lakulabo wathi: Yanini lani esivinini; njalo loba yini efaneleyo ngizalinika yona. Bahamba-ke.

and to them he said, Go also ye into the vineyard, and whatsoever may be just I will give you. And they went their way.

5 Wabuya waphuma sekungaba lihola lesithupha langelesificamunwemunye, wenza njalo.

Again, having gone out about the sixth and ninth hour, he did likewise.

6 Kwathi sekungaba lihola letshumi lanye waphuma, wathola abanye bemi bengenzi lutho, wathi kubo: Limeleni lapha usuku lonke lingenzi lutho?

But about the eleventh [hour], having gone out, he found others standing, and says to them, Why stand ye here all the day idle?

7 Bathi kuye: Ngoba akulamuntu osiqhatshileyo. Wathi kubo: Yanini lani esivinini, njalo lizakwemukela loba kuyini okufaneleyo.

They say to him, Because no man has hired us. He says to them, Go also ye into the vineyard [and whatsoever may be just ye shall receive].

8 Kwathi sekuntambama umninisivini wathi enduneni yakhe: Biza izisebenzi, uzibhadale iholo, uqale ngezokucina kuze kube ngezokuqala.

But when the evening was come, the lord of the vineyard says to his steward, Call the workmen and pay [them] their wages, beginning from the last even to the first.

9 Kuthe befika abaqhatshwa ngehola letshumi lanye ngulowo lalowo wemukela udenariyo.

And when they [who came to work] about the eleventh hour came, they received each a denarius.

10 Njalo sebezile abokuqala bacabanga ukuthi bazakwemukela okungaphezulu; kodwa labo bemukela udenariyo ngamunye.

And when the first came, they supposed that they would receive more, and they received also themselves each a denarius.

11 Kwathi beyemukela bamsola umninindlu,

And on receiving it they murmured against the master of the house,

12 besithi: Labo abokucina basebenze ihola elilodwa, kodwa ubalinganise lathi esithwele ubunzima bosuku lokutshisa.

saying, These last have worked one hour, and thou hast made them equal to us, who have borne the burden of the day and the heat.

13 Kodwa ephendula wathi komunye wabo: Mngane, angikoni; kanti kawuvumelananga lami ngodenariyo?

But he answering said to one of them, [My] friend, I do not wrong thee. Didst thou not agree with me for a denarius?

14 Thatha okwakho uhambe; ngiyathanda ukumnika lowokucina njengawe.

Take what is thine and go. But it is my will to give to this last even as to thee:

15 Kumbe angivunyelwa yini ukwenza engikuthandayo ngezinto zami? Loba ilihlo lakho libi yini, ngoba mina ngilungile?

is it not lawful for me to do what I will in my own affairs? Is thine eye evil because I am good?

16 Kunjalo-ke abokucina bazakuba ngabokuqala, labokuqala ngabokucina; ngoba banengi ababiziweyo, kodwa balutshwana abakhethiweyo.

Thus shall the last be first, and the first last; for many are called ones, but few chosen ones.

17 Kwathi uJesu esesenyukela eJerusalema wathatha abalitshumi lambili bebodwa endleleni, wathi kubo:

And Jesus, going up to Jerusalem, took the twelve disciples with [him] apart in the way, and said to them,

18 Khangelani, senyukela eJerusalema, njalo iNdodana yomuntu izanikelwa kubapristi abakhulu lakubabhali; besebeyilahlela ukufa,

Behold we go up to Jerusalem, and the Son of man will be delivered up to the chief priests and scribes, and they will condemn him to death;

19 bayinikele kwabezizwe ukuze bayiyangise bayitshaye ngesiswepu bayibethele; njalo ngosuku lwesithathu izabuya ivuke.

and they will deliver him up to the nations to mock and to scourge and to crucify, and the third day he shall rise again.

20 Kwasekusiza kuye unina wamadodana kaZebediya kanye lamadodana akhe, waguqa wacela ulutho kuye.

Then came to him the mother of the sons of Zebedee, with her sons, doing homage, and asking something of him.

21 Wasesithi kuye: Ufunani? Wathi kuye: Tshono ukuthi la amadodana ami amabili ahlale, enye ngakwesokunene sakho, lenye ngakwesokhohlo, embusweni wakho.

And he said to her, What wilt thou? She says to him, Speak [the word] that these my two sons may sit, one on thy right hand and one on thy left in thy kingdom.

22 Kodwa uJesu waphendula wathi: Kalikwazi elikucelayo. Linganatha yini inkezo engizayinatha mina, njalo libhabhathizwe ngobhabhathizo engibhabhathizwa ngalo mina? Bathi kuye: Singakwenza.

And Jesus answering said, Ye know not what ye ask. Can ye drink the cup which I am about to drink? They say to him, We are able.

23 Wasesithi kubo: Ngeqiniso lizayinatha inkezo yami, libhabhathizwe ngobhabhathizo mina engizabhabhathizwa ngalo; kodwa ukuhlala ngakwesokunene sami langakwesokhohlo sami, kayisikho okwami ukuphana ngakho, kodwa kungokwalabo abakulungiselweyo nguBaba.

[And] he says to them, Ye shall drink indeed my cup, but to sit on my right hand and on [my] left, is not mine to give, but to those for whom it is prepared of my Father.

24 Kwathi sebezwile abalitshumi, bathukuthela ngezelamani ezimbili.

And the ten, having heard [of it], were indignant about the two brothers.

25 Kodwa uJesu wababizela kuye wathi: Liyazi ukuthi ababusi bezizwe bayazibusa ngobulukhuni, lezikhulu zisebenzisa amandla phezu kwazo.

But Jesus having called them to [him], said, Ye know that the rulers of the nations exercise lordship over them, and the great exercise authority over them.

26 Kodwa akuyikuba njalo phakathi kwenu; kodwa loba ngubani othanda ukuba ngomkhulu phakathi kwenu kabe yisisebenzi senu;

It shall not be thus amongst you, but whosoever will be great among you, shall be your servant;

27 njalo loba ngubani othanda ukuba ngowokuqala phakathi kwenu kabe yisisebenzi senu;

and whosoever will be first among you, let him be your bondman;

28 njengalokhu iNdodana yomuntu kayizanga ukukhonzwa, kodwa ukukhonza, lokunika impilo yayo ibe lihlawulo labanengi.

as indeed the Son of man did not come to be served, but to serve, and to give his life a ransom for many.

29 Kwathi bephuma eJeriko, ixuku elikhulu lamlandela.

And as they went out from Jericho a great crowd followed him.

30 Njalo khangela, iziphofu ezimbili zihlezi endleleni, sezizwile ukuthi uJesu uyadlula, zamemeza, zathi: Sihawukele, Nkosi, Ndodana kaDavida!

And lo, two blind men, sitting by the wayside, having heard that Jesus was passing by, cried out saying, Have mercy on us, Lord, Son of David.

31 Ixuku laselizikhuza ukuthi zithule, kodwa zamemeza kakhulu, zisithi: Sihawukele, Nkosi, Ndodana kaDavida!

But the crowd rebuked them, that they might be silent. But they cried out the more, saying, Have mercy on us, Lord, Son of David.

32 UJesu wasesima wazibiza, wathi: Lifuna ukuthi ngilenzeleni?

And Jesus, having stopped, called them and said, What will ye that I shall do to you?

33 Zathi kuye: Nkosi, ukuthi amehlo ethu avuleke.

They say to him, Lord, that our eyes may be opened.

34 UJesu esesiba lesihelo wathinta amehlo azo; njalo amehlo azo ahle abuya abona, zasezimlandela.

And Jesus, moved with compassion, touched their eyes; and immediately their eyes had sight restored to them, and they followed him.