ULukha 14

1 Kwasekusithi ekungeneni kwakhe ngesabatha endlini yomunye wabakhulu kubaFarisi ukuthi adle isinkwa, bona basebemqaphela.

And it came to pass, as he went into the house of one of the chief Pharisees to eat bread on the sabbath, that they watched him.

2 Njalo khangela, kwakukhona umuntu othile phambi kwakhe owayelombizankulu.

And, behold, there was a certain man before him who had the dropsy.

3 UJesu wasephendula wakhuluma lezazumthetho labaFarisi, wathi: Kuvunyelwe yini ukusilisa ngesabatha?

And Jesus answering spoke to the lawyers and Pharisees, saying, Is it lawful to heal on the sabbath?

4 Kodwa bathula. Wasembamba wamsilisa wamyekela ukuthi ahambe.

And they held their peace. And he took him, and healed him, and let him go;

5 Wasebaphendula esithi: Nguwuphi kini ongathi elobabhemi kumbe inkabi yakhe ewele emgodini, futhi angahle ayikhuphe ngosuku lwesabatha?

And answered them, saying, Which of you shall have a donkey or an ox fallen into a pit, and will not immediately pull him out on the sabbath day?

6 Abasazange babuyisele impendulo kuye ngalezizinto.

And they could not answer him again to these things.

7 Wasekhuluma umfanekiso kubo abanxusiweyo, ebona ukuthi bakhetha njani izihlalo zabahloniphekayo, wathi kubo:

And he put forth a parable to those who were invited, when he marked how they chose out the best places; saying to them,

8 Nxa unxusiwe ngumuntu emtshadweni, ungahlali esihlalweni sabahloniphekayo; hlezi kukhona omkhulu kulawe onxusiweyo nguye,

When thou art invited by any man to a wedding, sit not down in the best place; lest a more honourable man than thou be invited by him;

9 futhi okunxusileyo wena laye eze athi kuwe: Mxekele lo; khona uzaqala ukuhlala endaweni esekucineni usulenhloni.

And he that invited thee and him shall come and say to thee, Give this man place; and thou begin with shame to take the lowest place.

10 Kodwa nxa unxusiwe, hamba uhlale endaweni esekucineni; ukuze, nxa efika okunxusileyo, athi kuwe: Mngane, yenyukela ngaphezulu; khona kuzakuba ludumo kuwe phambi kwabo abahlezi ekudleni lawe.

But when thou art invited, go and sit down in the lowest place; that when he that invited thee cometh, he may say to thee, Friend, go up higher: then shalt thou have honour in the presence of them that sit eating with thee.

11 Ngoba wonke oziphakamisayo uzathotshiswa, lozithobayo uzaphakanyiswa.

For whoever exalteth himself shall be abased; and he that humbleth himself shall be exalted.

12 Wasesithi lakulowo owayemnxusile: Nxa usenza ukudla kwemini loba ukudla kwantambama, unganxusi abangane bakho, loba abafowenu, loba izihlobo zakho, loba omakhelwane abanothileyo; hlezi labo babuye bakunxuse, futhi ukwenananiswa kwenziwe kuwe.

Then said he also to him that invited him, When thou givest a dinner or a supper, call not thy friends, nor thy brethren, neither thy kinsmen, nor thy rich neighbours; lest they also bid thee again, and a recompence be made thee.

13 Kodwa nxa usenza idili, nxusa abayanga, izilima, iziqhuli, iziphofu;

But when thou givest a feast, call the poor, the maimed, the lame, the blind:

14 njalo uzabusiswa, ngoba abalalutho lokukwenanisa; ngoba uzakwenaniselwa ekuvukeni kwabalungileyo.

And thou shalt be blessed; for they cannot recompense thee: for thou shalt be recompensed at the resurrection of the just.

15 Kwathi omunye kwababehlezi laye ekudleni esezwile lezizinto wathi kuye: Ubusisiwe lowo ozakudla isinkwa embusweni kaNkulunkulu.

And when one of them that sat eating with him heard these things, he said to him, Blessed is he that shall eat bread in the kingdom of God.

16 Kodwa wathi kuye: Umuntu othile wenza ukudla kwantambama okukhulu, wanxusa abanengi.

Then said he to him, A certain man gave a great supper, and invited many:

17 Ngesikhathi sokudla kwantambama wasethuma inceku yakhe ukuthi ithi kwabanxusiweyo: Wozani, ngoba sekulungisiwe konke.

And sent his servant at supper time to say to them that were invited, Come; for all things are now ready.

18 Kodwa bonke baqala omunye lomunye ukuzixolisela. Owokuqala wathi kuye: Ngithenge insimu, ngimele ukuhamba ngiyeyibona; ngiyakuncenga, akungixolisele.

And they all with one consent began to make excuse. The first said to him, I have bought a piece of ground, and I must needs go and see it: I pray thee have me excused.

19 Lomunye wathi: Sengithenge izipane ezinhlanu zenkabi, ngiya ukuzilinga; ngiyakuncenga, akungixolisele.

And another said, I have bought five yoke of oxen, and I go to try them out: I pray thee have me excused.

20 Lomunye wathi: Sengithethe umfazi, ngakho ngingeze ngeza.

And another said, I have married a wife, and therefore I cannot come.

21 Isibuyile leyonceku yayibikela lezizinto inkosi yayo. Wasethukuthela umninindlu wathi encekwini yakhe: Phuma ngokuphangisa uye emigwaqweni lendleleni zomuzi, ulethe abayanga lezilima leziqhuli leziphofu ubangenise lapha.

So that servant came, and showed his lord these things. Then the master of the house being angry said to his servant, Go out quickly into the streets and lanes of the city, and bring in here the poor, and the maimed, and the lame, and the blind.

22 Inceku yasisithi: Nkosi, sekwenziwe njengokulaya kwakho, njalo indawo isesekhona.

And the servant said, Lord, it is done as thou hast commanded, and yet there is room.

23 Yasisithi inkosi encekwini: Phuma uye ezindleleni lezintangweni ubacindezele bangene, ukuze igcwaliswe indlu yami.

And the lord said to the servant, Go out into the highways and hedges, and compel them to come in, that my house may be filled.

24 Ngoba ngithi kini: Kakho kulamadoda ayenxusiwe ozakuzwa ukudla kwami kwantambama.

For I say to you, That none of those men who were invited shall taste my supper.

25 Kwakuhamba laye amaxuku amanengi; wasetshibilika wathi kuwo:

And there went great multitudes with him: and he turned, and said to them,

26 Uba umuntu esiza kimi, futhi engazondi uyise, lonina, lomkakhe, labantwana, labafowabo, labodadewabo, yebo ngitsho leyakhe impilo, angebe ngumfundi wami.

If any man cometh to me, and hateth not his father, and mother, and wife, and children, and brethren, and sisters, yea, and his own life also, he cannot be my disciple.

27 Njalo loba ngubani ongathwali isiphambano sakhe angilandele, angebe ngumfundi wami.

And whoever doth not bear his cross, and come after me, cannot be my disciple.

28 Ngoba nguwuphi kini, othi efuna ukwakha umphotshongo, ongaqali ahlale phansi, abale indleko, ukuthi ulakho yini okokuqedisa?

For which of you, intending to build a tower, sitteth not down first, and counteth the cost, whether he hath sufficient to finish it?

29 Ukuze hlezi, kuthi esebekile isisekelo kodwa angabi lamandla okuqeda, bonke abakubonayo baqale ukumhleka,

Lest perhaps, after he hath laid the foundation, and is not able to finish it, all that behold it begin to mock him,

30 besithi: Lumuntu waqala ukwakha, kodwa kabanga lamandla okuqeda.

Saying, This man began to build, and was not able to finish.

31 Loba yiyiphi inkosi ezakuya empini imelene lenye inkosi engaqali ihlale phansi inakane ngokuthi ilamandla yini ngenkulungwane ezilitshumi okuhlangabezana laleyo eza ilenkulungwane ezingamatshumi amabili ukumelana layo?

Or what king, going to make war against another king, sitteth not down first, and consulteth whether he is able with ten thousand to meet him that cometh against him with twenty thousand?

32 Kodwa uba kungenjalo, ingathi isekhatshana leyo, ithume amanxusa icele okokuthula.

Or else, while the other is yet a great way off, he sendeth a delegation, and desireth conditions of peace.

33 Ngakho kunjalo wonke kini ongadeli konke alakho, angeke aba ngumfundi wami.

So likewise, whoever he is of you that forsaketh not all that he hath, he cannot be my disciple.

34 Itshwayi lihle; kodwa uba itshwayi seliduma, lizavuselelwa ngani?

Salt is good: but if the salt hath lost its savour, how shall it be seasoned?

35 Kalifanele lamhlabathi ledundulu lomquba; kodwa liyalahlwa ngaphandle. Olendlebe zokuzwa, akezwe.

It is neither fit for the land, nor yet for the dunghill; but men cast it out. He that hath ears to hear, let him hear.