UJohane 17

1 UJesu wakhuluma lezizinto, waphakamisela amehlo akhe ezulwini, wathi: Baba, ihola selifikile; dumisa iNdodana yakho, ukuze layo iNdodana yakho ikudumise;

After Jesus said these things, he lifted up his eyes to the heavens and said, “Father, the hour has come, glorify your Son so that the Son will glorify you—

2 njengoba uyinikile amandla phezu kwayo yonke inyama, ukuze bonke obanike yona, ibanike impilo elaphakade. (aiōnios g166)

just as you gave him authority over all flesh so that he would give eternal life to everyone whom you have given him. (aiōnios g166)

3 Lalokhu yimpilo elaphakade, ukuthi bazi wena uNkulunkulu wedwa weqiniso, loJesu Kristu omthumileyo. (aiōnios g166)

This is eternal life: That they know you, the only true God, and him whom you sent, Jesus Christ. (aiōnios g166)

4 Mina ngikudumisile emhlabeni; ngiwuqedile umsebenzi obunginike wona ukuthi ngiwenze;

I glorified you on the earth. I have finished the work that you have given me to do.

5 khathesi-ke ngidumise wena, Baba, ngilawe uqobo ngenkazimulo engangilayo kanye lawe ungakabi khona umhlaba.

Now, Father, glorify me along with yourself with the glory that I had with you before the world was made.

6 Ngilibonakalisile ibizo lakho ebantwini onginike bona bevela emhlabeni; babengabakho, njalo wanginika bona; balilondolozile ilizwi lakho.

I revealed your name to the people whom you gave me from the world. They were yours, and you gave them to me, and they have kept your word.

7 Khathesi sebesazi ukuthi konke, loba yikuphi onginike khona, kuvela kuwe;

Now they know that everything that you have given me comes from you,

8 ngoba amazwi onginike wona, ngibanikile wona; bawemukela, njalo bayazi ngeqiniso ukuthi ngiphuma kuwe, bakholiwe ukuthi ungithumile wena.

for I have given them all the words that you gave me. They received them and truly knew that I came from you, and they believed that you sent me.

9 Mina ngiyabakhulekela bona; kangikhulekeli umhlaba, kodwa labo onginike bona, ngoba bangabakho;

I pray for them. I do not pray for the world but for those whom you have given me, for they are yours.

10 njalo konke okwami kungokwakho, lokwakho kungokwami; njalo ngidunyisiwe kubo.

Everything that is mine is yours, and yours is mine, and I am glorified in them.

11 Njalo kangisekho emhlabeni, kodwa basemhlabeni bona, njalo mina ngiyeza kuwe. Baba oNgcwele, balondoloze ebizweni lakho labo onginike bona, ukuze babe munye, njengathi.

I am no longer in the world, but these people are in the world, and I am coming to you. Holy Father, keep them in your name that you have given me so that they will be one, just as we are one.

12 Lapho ngiselabo emhlabeni, mina ngabalondoloza ebizweni lakho; labo onginike bona ngibalindile, njalo kakho kubo olahlekileyo, ngaphandle kwendodana yokulahlwa, ukuze kugcwaliseke umbhalo.

While I was with them, I kept them in your name, which you have given me. I protected them, and not one of them was destroyed, except for the son of destruction, so that the scriptures would be fulfilled.

13 Kodwa khathesi ngiza kuwe, njalo lezizinto ngizikhuluma emhlabeni, ukuze babe lentokozo yami igcwalisekile kubo.

Now I am coming to you, but I am saying these things in the world so that they will have my joy fulfilled in themselves.

14 Mina ngibanikile ilizwi lakho, lomhlaba ubazondile, ngoba bengeyisibo abomhlaba, njengoba mina ngingesuye owomhlaba.

I have given them your word, and the world has hated them because they are not of the world, just as I am not of the world.

15 Kangiceli ukuthi ubasuse emhlabeni, kodwa ukuze ubalondoloze kokubi.

I do not ask for you to take them away from the world, but for you to keep them from the evil one.

16 Kabasibo abomhlaba, njengalokhu mina ngingesuye owomhlaba.

They are not of the world, just as I am not of the world.

17 Bangcwelise eqinisweni lakho; ilizwi lakho liliqiniso.

Set them apart by the truth. Your word is truth.

18 Njengalokhu wangithuma emhlabeni, lami ngibathumile emhlabeni.

Just as you sent me into the world, so I have sent them into the world.

19 Njalo mina ngizehlukanisela bona, ukuze labo behlukaniswe eqinisweni.

For their sakes I have set myself apart, so that they themselves may also be set apart in truth.

20 Njalo kangiceleli laba bodwa, kodwa lalabo abazakholwa kimi ngelizwi labo;

I pray not only for these, but also for those who will believe in me through their word

21 ukuze bonke babe munye; njengalokhu wena, Baba, ukimi, lami ngikuwe, ukuze labo babe munye kithi; ukuze umhlaba ukholwe ukuthi wena ungithumile.

so that they will all be one, just as you, Father, are in me, and I am in you. May they also be in us so that the world will believe that you have sent me.

22 Lenkazimulo mina onginike yona, ngibanikile bona, ukuze babe munye, njengathi simunye.

The glory that you gave me, I have given to them, so that they will be one, just as we are one:

23 Mina ngikubo, lawe ukimi, ukuze bapheleliswe babe munye, lokuze umhlaba wazi ukuthi wena ungithumile, lokuthi ubathandile, njengalokhu ungithandile.

I in them, and you in me—that they may be brought to complete unity, so that the world will know that you sent me, and that you have loved them just as you loved me.

24 Baba, labo onginike bona, ngithanda ukuthi lapho mina engikhona, labo babe lami; ukuze babone inkazimulo yami, onginike yona, ngoba wangithanda kungakasekelwa umhlaba.

Father, I want those you have given me to be with me where I am, and to see my glory, the glory you gave me because you loved me before the creation of the world.

25 Baba olungileyo, ngitsho umhlaba kawukwazanga, kodwa mina ngikwazile, lalaba bayazi ukuthi wena ungithumile;

Righteous Father, the world did not know you, but I know you; and these know that you sent me.

26 njalo ngibazisile ibizo lakho, njalo ngizabazisa lona; ukuze uthando ongithande ngalo lube kubo, lami kubo.

I made your name known to them, and I will make it known so that the love with which you have loved me will be in them, and I will be in them.”