UJobe 9
1 UJobe wasephendula wathi:
| ויען איוב ויאמר׃ |
2 Ngeqiniso ngiyazi ukuthi kunjalo. Kodwa umuntu angalunga njani kuNkulunkulu?
| אמנם ידעתי כי כן ומה יצדק אנוש עם אל׃ |
3 Uba efisa ukuphikisana laye, kayikumphendula okukodwa phakathi kwenkulungwane.
| אם יחפץ לריב עמו לא יעננו אחת מני אלף׃ |
4 Uhlakaniphile enhliziyweni, uqinile emandleni: Ngubani oziqinisileyo wamelana laye waphumelela?
| חכם לבב ואמיץ כח מי הקשה אליו וישלם׃ |
5 Osusa izintaba njalo zingazi, ozigenqula entukuthelweni yakhe.
| המעתיק הרים ולא ידעו אשר הפכם באפו׃ |
6 Onyikinya umhlaba awususe endaweni yawo, lensika zawo zizamazame.
| המרגיז ארץ ממקומה ועמודיה יתפלצון׃ |
7 Olaya ilanga ukuthi lingaphumi, avalele inkanyezi ngophawu.
| האמר לחרס ולא יזרח ובעד כוכבים יחתם׃ |
8 Owendlala amazulu eyedwa, anyathele phezu kwezingqonga zolwandle.
| נטה שמים לבדו ודורך על במתי ים׃ |
9 Owenza iBhere, iziNja, lesiLimela, lamakamelo eningizimu.
| עשה עש כסיל וכימה וחדרי תמן׃ |
10 Owenza izinto ezinkulu ezingelakuhlolwa, lezimangalisayo ezingelakubalwa.
| עשה גדלות עד אין חקר ונפלאות עד אין מספר׃ |
11 Khangela, uyedlula phansi kwami ngingamboni, edlulele phambili ngingamuzwa.
| הן יעבר עלי ולא אראה ויחלף ולא אבין לו׃ |
12 Khangela, uyahluthuna, ngubani ongamnqanda? Ngubani ongathi kuye: Wenzani?
| הן יחתף מי ישיבנו מי יאמר אליו מה תעשה׃ |
13 UNkulunkulu kayinqandi intukuthelo yakhe. Abasizi bakaRahabi bayakhothama phansi kwakhe.
| אלוה לא ישיב אפו תחתו שחחו עזרי רהב׃ |
14 Pho-ke, mina ngingamphendula ngithini, ngikhethe amazwi ami okuqondana laye?
| אף כי אנכי אעננו אבחרה דברי עמו׃ |
15 Ebengingeke ngamphendula loba bengilungile; ngizacela isihawu kumahluleli wami.
| אשר אם צדקתי לא אענה למשפטי אתחנן׃ |
16 Uba bengibizile, wangiphendula, bengingayikukholwa ukuthi ubekile indlebe elizwini lami.
| אם קראתי ויענני לא אאמין כי יאזין קולי׃ |
17 Ngoba uyangihlifiza ngesiphepho, andise amanxeba ami kungelasizatho.
| אשר בשערה ישופני והרבה פצעי חנם׃ |
18 Kangivumeli ukukhokha umoya, kodwa engigcwalisa ngezinto ezibabayo.
| לא יתנני השב רוחי כי ישבעני ממררים׃ |
19 Uba kungamandla, khangela, ulamandla. Njalo uba kungesahlulelo, ngubani ozangibiza?
| אם לכח אמיץ הנה ואם למשפט מי יועידני׃ |
20 Aluba ngilungile, umlomo wami uzangilahla; uba ngiphelele, uzakuthi ngonakele.
| אם אצדק פי ירשיעני תם אני ויעקשני׃ |
21 Ngiphelele, angikhathaleli umphefumulo wami, ngidelela impilo yami.
| תם אני לא אדע נפשי אמאס חיי׃ |
22 Kunye lokho, ngenxa yalokho ngithi: Uyabhubhisa olungileyo lomubi.
| אחת היא על כן אמרתי תם ורשע הוא מכלה׃ |
23 Lapho isiswepu sibulala ngokujumayo, uzahleka ukudangala kwabangelacala.
| אם שוט ימית פתאם למסת נקים ילעג׃ |
24 Umhlaba unikelwe esandleni somubi; wembesa ubuso babehluleli bawo. Uba kungenjalo, pho, ngubani?
| ארץ נתנה ביד רשע פני שפטיה יכסה אם לא אפוא מי הוא׃ |
25 Njalo insuku zami zilejubane kulesigijimi; ziyabaleka, kaziboni okuhle.
| וימי קלו מני רץ ברחו לא ראו טובה׃ |
26 Ziyedlula njengezikepe zomhlanga, njengokhozi olutheleka empangweni.
| חלפו עם אניות אבה כנשר יטוש עלי אכל׃ |
27 Uba ngisithi: Ngizakhohlwa ukusola kwami, ngitshiye ukunyukumala kwami, ngithokoze,
| אם אמרי אשכחה שיחי אעזבה פני ואבליגה׃ |
28 ngiyesaba zonke insizi zami, ngiyazi ukuthi kawuyikungiphatha njengongelacala.
| יגרתי כל עצבתי ידעתי כי לא תנקני׃ |
29 Ngilecala mina, pho, ngizatshikatshikelelani ize?
| אנכי ארשע למה זה הבל איגע׃ |
30 Uba ngizigezisa ngamanzi eliqhwa elikhithikileyo, ngihlambulule izandla zami ngesepa,
| אם התרחצתי במו שלג והזכותי בבר כפי׃ |
31 khona uzangiphosela emgodini, besengisenyanywa yizigqoko zami.
| אז בשחת תטבלני ותעבוני שלמותי׃ |
32 Ngoba kasuye umuntu njengami ukuze ngimphendule, ukuze siye ndawonye kusahlulelo.
| כי לא איש כמני אעננו נבוא יחדו במשפט׃ |
33 Kakukho umqamuli phakathi kwethu ongabeka isandla sakhe phezu kwethu sobabili.
| לא יש בינינו מוכיח ישת ידו על שנינו׃ |
34 Kasuse uswazi lwakhe kimi, njalo uvalo ngaye lungangethusi.
| יסר מעלי שבטו ואמתו אל תבעתני׃ |
35 Bengingakhuluma ngingamesabi, kodwa anginjalo ngokwami.
| אדברה ולא איראנו כי לא כן אנכי עמדי׃ |
