UJobe 29
1 UJobe wasebuya ephakamisa isaga sakhe wathi:
| ויסף איוב שאת משלו ויאמר |
2 Kungathi ngabe nginjengenyangeni zamandulo, njengensukwini uNkulunkulu angigcine ngazo,
| מי-יתנני כירחי-קדם כימי אלוה ישמרני |
3 lapho isibane sakhe sakhanya phezu kwekhanda lami; ngahamba emnyameni ngokukhanya kwakhe!
| בהלו נרו עלי ראשי לאורו אלך חשך |
4 Njengoba nganginjalo ensukwini zokuvuthwa kwami, lapho iseluleko sikaNkulunkulu sasiphezu kwethente lami,
| כאשר הייתי בימי חרפי בסוד אלוה עלי אהלי |
5 lapho uSomandla wayeseselami, labantwana bami bengiphahlile,
| בעוד שדי עמדי סביבותי נערי |
6 lapho ngagezisa izinyathelo zami ngolaza, ledwala langithululela imifula yamafutha!
| ברחץ הליכי בחמה וצור יצוק עמדי פלגי-שמן |
7 Lapho ngaphuma ngaya esangweni ngidabula umuzi, ngalungisa isihlalo sami emdangeni;
| בצאתי שער עלי-קרת ברחוב אכין מושבי |
8 amajaha angibona, acatsha; lamaxhegu asukuma ema;
| ראוני נערים ונחבאו וישישים קמו עמדו |
9 iziphathamandla zayekela ukukhuluma, zabeka isandla phezu komlomo wazo;
| שרים עצרו במלים וכף ישימו לפיהם |
10 ilizwi labakhulu lacatsha, lolimi lwabo lwanamathela elwangeni lwabo.
| קול-נגידים נחבאו ולשונם לחכם דבקה |
11 Lapho indlebe isizwa yangibusisa, lelihlo libona langifakazela,
| כי אזן שמעה ותאשרני ועין ראתה ותעידני |
12 ngoba ngakhulula umyanga okhalayo, lentandane, longelamsizi.
| כי-אמלט עני משוע ויתום ולא-עזר לו |
13 Isibusiso sobhubhayo sehlele phezu kwami, njalo ngenza inhliziyo yomfelokazi ihlabele ngentokozo.
| ברכת אבד עלי תבא ולב אלמנה ארנן |
14 Ngembatha ukulunga, kwangembesa; isahlulelo sami saba njengesembatho lomqhele.
| צדק לבשתי וילבשני כמעיל וצניף משפטי |
15 Ngangingamehlo koyisiphofu, ngangizinyawo kusiqhuli.
| עינים הייתי לעור ורגלים לפסח אני |
16 Nganginguyise wabayanga, lendaba engingayaziyo ngayihlolisisa.
| אב אנכי לאביונים ורב לא-ידעתי אחקרהו |
17 Ngasengisephula umhlathi womubi, ngamenza alahle impango emazinyweni akhe.
| ואשברה מתלעות עול ומשניו אשליך טרף |
18 Ngasengisithi: Ngizaphela lesidleke sami, ngandise insuku njengetshebetshebe.
| ואמר עם-קני אגוע וכחול ארבה ימים |
19 Impande zami zinabele emanzini, lamazolo alale ubusuku ogatsheni lwami.
| שרשי פתוח אלי-מים וטל ילין בקצירי |
20 Udumo lwami lutsha kimi, ledandili lami laguquka esandleni sami.
| כבודי חדש עמדי וקשתי בידי תחליף |
21 Bangilalela, belindele, bathulela iseluleko sami.
| לי-שמעו ויחלו וידמו למו עצתי |
22 Emva kwelizwi lami kabaphendulanga, lelizwi lami lathontela phezu kwabo.
| אחרי דברי לא ישנו ועלימו תטף מלתי |
23 Bangilindela njengezulu, lomlomo wabo bawukhamisela izulu lokucina.
| ויחלו כמטר לי ופיהם פערו למלקוש |
24 Lapho ngibahlekela, kabakholwanga, lokukhanya kobuso bami kabakuwiselanga phansi.
| אשחק אלהם לא יאמינו ואור פני לא יפילון |
25 Ngakhetha indlela yabo ngahlala ngiyinhloko, ngahlala njengenkosi phakathi kweviyo, njengoduduza abalilayo.
| אבחר דרכם ואשב ראש ואשכון כמלך בגדוד כאשר אבלים ינחם |
