UJobe 25

1 Wasephendula uBilidadi umShuhi wathi:

Kwathi-ke uBhilidadi umShuhi waphendula wathi:

2 Ukubusa lokwesabeka kulaye; uyenza ukuthula endaweni zakhe eziphezulu.

“Umbuso lesizotha kukuye uNkulunkulu; nguye omisa konke ngemfanelo ezulwini eliphezulu.

3 Kukhona inani yini lamabutho akhe? Ngubani okungamphumeliyo ukukhanya kwakhe?

Amabutho akhe angabalwa na? Ngubani ongaphunyelwa yikukhanya kwakhe na?

4 Pho umuntu angalunga njani kuNkulunkulu? Kumbe ozelwe ngowesifazana angahlambuluka njani?

Pho umuntu angaba ngolungileyo njani kuNkulunkulu na? Angenza njani ozelwe ngowesifazane ukuthi ahlanzeke na?

5 Khangela kuze kube senyangeni, njalo kayikhazimuli, lezinkanyezi kazihlambulukanga emehlweni akhe.

Khangela, nxa inyanga ngokwayo ingakhazimuli, lezinkanyezi zingahlanzekanga emehlweni akhe,

6 Pho kangakanani umuntu oyimpethu, lendodana yomuntu engumswenya!

pho umuntu-ke usilela kanganani, oyimpethu nje, umuntu, oyinhlava nje kuphela!”