UJobe 22
1 Wasephendula uElifazi umThemani wathi:
| ויען אליפז התמני ויאמר |
2 Umuntu angaba losizo kuNkulunkulu yini, ngoba ohlakaniphileyo elusizo kuye ngokwakhe?
| הלאל יסכן-גבר-- כי-יסכן עלימו משכיל |
3 Kuyintokozo yini kuSomandla ukuthi ulungile? Kumbe inzuzo kuye ukuthi uphelelise indlela zakho?
| החפץ לשדי כי תצדק ואם-בצע כי-תתם דרכיך |
4 Uzakusola yini ngenxa yokwesaba kwakho? Uzangena lawe kusahlulelo.
| המיראתך יכיחך יבוא עמך במשפט |
5 Ububi bakho kabubukhulu yini, lezono zakho kazilakuphela?
| הלא רעתך רבה ואין-קץ לעונתיך |
6 Ngoba uthethe isibambiso kubafowenu kungelasizatho, wahlubula abanqunu izigqoko.
| כי-תחבל אחיך חנם ובגדי ערומים תפשיט |
7 Kawumnathisanga amanzi odiniweyo, lolambileyo umgodlele ukudla.
| לא-מים עיף תשקה ומרעב תמנע-לחם |
8 Kodwa umuntu olengalo, umhlaba ungowakhe, lowemukeleka ebusweni wahlala kuwo.
| ואיש זרוע לו הארץ ונשוא פנים ישב בה |
9 Uxotshile abafelokazi bengelalutho, lengalo zezintandane zichotshoziwe.
| אלמנות שלחת ריקם וזרעות יתמים ידכא |
10 Ngakho-ke imijibila ikuhanqile, lovalo luhle lwakwesabisa,
| על-כן סביבותיך פחים ויבהלך פחד פתאם |
11 kumbe ubumnyama ukuze ungaboni, lesikhukhula samanzi sikusibekele.
| או-חשך לא-תראה ושפעת-מים תכסך |
12 UNkulunkulu kakho yini engqongeni yamazulu? Bona-ke ingqonga yezinkanyezi, ukuthi ziphakeme kangakanani.
| הלא-אלוה גבה שמים וראה ראש כוכבים כי-רמו |
13 Kanti uthi: UNkulunkulu wazini? Angahlulela yini engemuva komnyama onzima?
| ואמרת מה-ידע אל הבעד ערפל ישפוט |
14 Amayezi amnyama ayisisibekelo sakhe ukuze angaboni, uhamba esigombolozini samazulu.
| עבים סתר-לו ולא יראה וחוג שמים יתהלך |
15 Usunanzelele indlela endala yini abantu ababi abanyathela kuyo?
| הארח עולם תשמור-- אשר דרכו מתי-און |
16 Abahluthunwa kungakabi yisikhathi; uzamcolo wathululwa phezu kwesisekelo sabo.
| אשר-קמטו ולא-עת נהר יוצק יסודם |
17 Abathi kuNkulunkulu: Suka kithi. LoSomandla wayenzeni kubo?
| האמרים לאל סור ממנו ומה-יפעל שדי למו |
18 Kanti yena wayegcwalise izindlu zabo ngokuhle; kodwa icebo labakhohlakeleyo likhatshana lami.
| והוא מלא בתיהם טוב ועצת רשעים רחקה מני |
19 Abalungileyo bayakubona bathokoze, lomsulwa ubahleka usulu.
| יראו צדיקים וישמחו ונקי ילעג-למו |
20 Isibili isitha sethu sichithiwe, lomlilo uqede insali yabo.
| אם-לא נכחד קימנו ויתרם אכלה אש |
21 Ake wejwayelane laye, ube lokuthula, ngalokho okuhle kuzakuza kuwe.
| הסכן-נא עמו ושלם בהם תבואתך טובה |
22 Ake wemukele umlayo ovela emlonyeni wakhe, ubeke amazwi akhe enhliziyweni yakho.
| קח-נא מפיו תורה ושים אמריו בלבבך |
23 Uba ubuyela kuSomandla, uzakwakhiwa, ususe okubi khatshana lamathente akho.
| אם-תשוב עד-שדי תבנה תרחיק עולה מאהלך |
24 Ubusubeka igolide lakho othulini, legolide leOfiri elitsheni lezifula.
| ושית-על-עפר בצר ובצור נחלים אופיר |
25 Ngakho uSomandla uzakuba ligolide lakho, lesiliva sakho esinengi.
| והיה שדי בצריך וכסף תועפות לך |
26 Ngoba ngalesosikhathi uzazithokozisa ngoSomandla, uphakamisele ubuso bakho kuNkulunkulu.
| כי-אז על-שדי תתענג ותשא אל-אלוה פניך |
27 Uzakhuleka kuye, akuzwe, ukhokhe izifungo zakho.
| תעתיר אליו וישמעך ונדריך תשלם |
28 Uzaquma-ke udaba, luqiniseke kuwe, lokukhanya kukhanye endleleni zakho.
| ותגזר-אמר ויקם לך ועל-דרכיך נגה אור |
29 Nxa behliselwe phansi, ubususithi: Phezulu! Abesesindisa othobekileyo ngamehlo.
| כי-השפילו ותאמר גוה ושח עינים יושע |
30 Uzamkhulula ongemsulwa; njalo ukhululwa ngokuhlanzeka kwezandla zakho.
| ימלט אי-נקי ונמלט בבר כפיך |
