UJobe 15
1 Wasephendula uElifazi umThemani wathi:
| ויען אליפז התימני ויאמר |
2 Ohlakaniphileyo angaphendula yini ulwazi olungumoya, agcwalise isisu sakhe ngomoya wempumalanga?
| החכם יענה דעת-רוח וימלא קדים בטנו |
3 Aphikise ngamazwi angasizi lutho, langenkulumo ezingelanzuzo yini?
| הוכח בדבר לא-יסכון ומלים לא-יועיל בם |
4 Yebo, wena uyachitha ukwesaba, uvimbela umkhuleko phambi kukaNkulunkulu.
| אף-אתה תפר יראה ותגרע שיחה לפני-אל |
5 Ngoba umlomo wakho ufundisa ububi bakho, ukhethe ulimi lwamaqili.
| כי יאלף עונך פיך ותבחר לשון ערומים |
6 Umlomo wakho uyakulahla, kayisimi; yebo, indebe zakho ziyafakaza ngawe.
| ירשיעך פיך ולא-אני ושפתיך יענו-בך |
7 Ungumuntu wokuqala owazalwayo yini? Kumbe wazalwa mandulo kwamaqaqa yini?
| הראישון אדם תולד ולפני גבעות חוללת |
8 Uzwile yini icebo langasese likaNkulunkulu? Kumbe uzigodlele inhlakanipho yini?
| הבסוד אלוה תשמע ותגרע אליך חכמה |
9 Kuyini okwaziyo esingakwaziyo? Kuyini okuqedisisayo okungekho kithi?
| מה-ידעת ולא נדע תבין ולא-עמנו הוא |
10 Kukhona phakathi kwethu lempunga lekhehla, omdala ngensuku kuloyihlo.
| גם-שב גם-ישיש בנו-- כביר מאביך ימים |
11 Zincinyane yini kuwe induduzo zikaNkulunkulu, lelizwi elikhulunywa kuhle lawe?
| המעט ממך תנחומות אל ודבר לאט עמך |
12 Kungani inhliziyo yakho ikumukisa? Njalo kungani amehlo akho ephayiza,
| מה-יקחך לבך ומה-ירזמון עיניך |
13 ukuthi uphendule umoya wakho umelane loNkulunkulu, ukhuphe amazwi anje emlonyeni wakho?
| כי-תשיב אל-אל רוחך והצאת מפיך מלין |
14 Umuntu uyini ukuthi abe ngohlambulukileyo, lozelwe ngowesifazana ukuthi abe ngolungileyo?
| מה-אנוש כי-יזכה וכי-יצדק ילוד אשה |
15 Khangela, kathembeli kwabangcwele bakhe, lamazulu kawahlambulukanga emehlweni akhe.
| הן בקדשו לא יאמין ושמים לא-זכו בעיניו |
16 Kukangakanani umuntu onengekayo lowonakeleyo, onatha ububi njengamanzi!
| אף כי-נתעב ונאלח איש-שתה כמים עולה |
17 Ngizakutshengisa, ungilalele, lengikubonileyo ngizakulandisa,
| אחוך שמע-לי וזה-חזיתי ואספרה |
18 lokho izihlakaniphi ezikukhulumileyo kusukela kuboyise, njalo kazikufihlanga,
| אשר-חכמים יגידו ולא כחדו מאבותם |
19 okwanikwa kuzo zodwa ilizwe, lokungadlulanga izihambi phakathi kwazo.
| להם לבדם נתנה הארץ ולא-עבר זר בתוכם |
20 Insuku zonke zokhohlakeleyo uzizwisa ubuhlungu, lenani leminyaka ebekelelwe umcindezeli.
| כל-ימי רשע הוא מתחולל ומספר שנים נצפנו לעריץ |
21 Umsindo wezethuso usendlebeni zakhe; empumelelweni umchithi uzamfikela.
| קול-פחדים באזניו בשלום שודד יבואנו |
22 Kakholwa ukuthi uzaphenduka emnyameni, kodwa ukuthi ulindelwe yinkemba.
| לא-יאמין שוב מני-חשך וצפו (וצפוי) הוא אלי-חרב |
23 Uzulela ukudla. Kungaphi? Uyazi ukuthi usuku lobumnyama lulungisiwe esandleni sakhe.
| נדד הוא ללחם איה ידע כי-נכון בידו יום-חשך |
24 Uhlupho losizi kuyamethusa, kumehlule njengenkosi elungele impi.
| יבעתהו צר ומצוקה תתקפהו כמלך עתיד לכידור |
25 Ngoba welule isandla sakhe emelene loNkulunkulu, wenza ngamandla ukumelana loSomandla.
| כי-נטה אל-אל ידו ואל-שדי יתגבר |
26 Wagijima emelene laye ngentamo, ngohlonzi lwamaqhubu ezihlangu zakhe.
| ירוץ אליו בצואר בעבי גבי מגניו |
27 Ngoba wambomboza ubuso bakhe ngamafutha akhe, wenza ukhalo lwakhukhumala ngamafutha.
| כי-כסה פניו בחלבו ויעש פימה עלי-כסל |
28 Uhlala emizini echithekileyo, izindlu abangahlali kuzo, ezilungele ukuba zinqumbi.
| וישכון ערים נכחדות--בתים לא-ישבו למו אשר התעתדו לגלים |
29 Kayikunotha, lenotho yakhe kayiyikuma, lenzuzo yakhe kayiyikusabalala emhlabeni.
| לא-יעשר ולא-יקום חילו ולא-יטה לארץ מנלם |
30 Kayikusuka emnyameni; ilangabi lizakomisa ihlumela lakhe, njalo uzasuka ngokuphefumula komoya wakhe.
| לא-יסור מני-חשך--ינקתו תיבש שלהבת ויסור ברוח פיו |
31 Oduhisiweyo kangathembeli ezenini, ngoba ize lizakuba ngumvuzo wakhe.
| אל-יאמן בשו נתעה כי-שוא תהיה תמורתו |
32 Kuzafezwa kungakabi lusuku lwakhe, logatsha lwakhe aluyikuba luhlaza.
| בלא-יומו תמלא וכפתו לא רעננה |
33 Uzawohloza izithelo zakhe ezingavuthwanga njengevini, athintithe impoko zakhe njengesihlahla somhlwathi.
| יחמס כגפן בסרו וישלך כזית נצתו |
34 Ngoba inhlangano yabazenzisi izakuba ngengelazithelo, lomlilo uzaqothula amathente ezivalamlomo.
| כי-עדת חנף גלמוד ואש אכלה אהלי-שחד |
35 Bamitha uhlupho, bazale isono, lesizalo sabo silungisa inkohliso.
| הרה עמל וילד און ובטנם תכין מרמה |
