UJobe 13
1 Khangela, konke ilihlo lami likubonile, indlebe yami izwile yakuqedisisa.
| הן כל ראתה עיני שמעה אזני ותבן לה׃ |
2 Njengokolwazi lwenu lami ngiyakwazi; kangiphansi kulani.
| כדעתכם ידעתי גם אני לא נפל אנכי מכם׃ |
3 Kodwa mina ngizakhuluma loSomandla, ngifisa ukuqondisana loNkulunkulu.
| אולם אני אל שדי אדבר והוכח אל אל אחפץ׃ |
4 Kodwa lina-ke ligcona ngamanga, lonke lingabelaphi abangelamsebenzi.
| ואולם אתם טפלי שקר רפאי אלל כלכם׃ |
5 Kungathi ngabe liyathula lithi zwi; lokhu kube yinhlakanipho kini!
| מי יתן החרש תחרישון ותהי לכם לחכמה׃ |
6 Ake lizwe ukuzivikela kwami, lilalele impikiso zendebe zami.
| שמעו נא תוכחתי ורבות שפתי הקשיבו׃ |
7 Lizamkhulumela uNkulunkulu ngokubi, limkhulumele ngenkohliso yini?
| הלאל תדברו עולה ולו תדברו רמיה׃ |
8 Lizakwemukela ubuso bakhe, lizammela yini uNkulunkulu?
| הפניו תשאון אם לאל תריבון׃ |
9 Kuzakuba kuhle yini lapho elihlola? Lizamkhohlisa yini njengokhohlisa umuntu?
| הטוב כי יחקר אתכם אם כהתל באנוש תהתלו בו׃ |
10 Isibili uzalisola, uba lisemukela ubuso ensitha.
| הוכח יוכיח אתכם אם בסתר פנים תשאון׃ |
11 Ubukhulu bakhe kabulethusi yini, lokwesabeka kwakhe kulehlele?
| הלא שאתו תבעת אתכם ופחדו יפל עליכם׃ |
12 Izikhumbuzo zenu ziyizaga zomlotha, izivikelo zenu ziyizivikelo zebumba.
| זכרניכם משלי אפר לגבי חמר גביכם׃ |
13 Thulani lingiyekele, ukuze ngikhulume mina; kungehlele loba kuyini.
| החרישו ממני ואדברה אני ויעבר עלי מה׃ |
14 Ngizayithathelani inyama yami ngamazinyo ami, ngibeke impilo yami esandleni sami?
| על מה אשא בשרי בשני ונפשי אשים בכפי׃ |
15 Lanxa ezangibulala, ngizathemba kuye. Kanti ngizazimela indlela zami phambi kwakhe.
| הן יקטלני לא איחל אך דרכי אל פניו אוכיח׃ |
16 Njalo uzakuba lusindiso lwami; ngoba umzenzisi kayikuza phambi kwakhe.
| גם הוא לי לישועה כי לא לפניו חנף יבוא׃ |
17 Zwisisani ilizwi lami, lengcazelo yami ngendlebe zenu.
| שמעו שמוע מלתי ואחותי באזניכם׃ |
18 Khangelani-ke, sengilubeke kuhle udaba lwami, ngiyazi ukuthi mina ngizalungisiswa.
| הנה נא ערכתי משפט ידעתי כי אני אצדק׃ |
19 Ngubani lowo ozaphikisana lami? Nxa khathesi ngithula ngizaphela.
| מי הוא יריב עמדי כי עתה אחריש ואגוע׃ |
20 Kuphela ungenzi izinto ezimbili kimi; khona ngingayikucatshela ubuso bakho.
| אך שתים אל תעש עמדי אז מפניך לא אסתר׃ |
21 Susela khatshana lami isandla sakho, lokwesabeka kwakho kungangethusi.
| כפך מעלי הרחק ואמתך אל תבעתני׃ |
22 Ubusungibiza, mina ngizaphendula; kumbe ngikhulume, ungiphendule.
| וקרא ואנכי אענה או אדבר והשיבני׃ |
23 Zingaki iziphambeko lezono engilazo? Ngazisa isiphambeko sami lesono sami.
| כמה לי עונות וחטאות פשעי וחטאתי הדיעני׃ |
24 Ufihlelani ubuso bakho, ungiphathe njengesitha sakho?
| למה פניך תסתיר ותחשבני לאויב לך׃ |
25 Uzakwethusa yini ihlamvu eliphephethekayo? Njalo uzaxotshana lomule owomileyo yini?
| העלה נדף תערוץ ואת קש יבש תרדף׃ |
26 Ngoba ubale izinto ezibabayo umelene lami, wangenza ngadla ilifa leziphambeko zobutsha bami.
| כי תכתב עלי מררות ותורישני עונות נעורי׃ |
27 Ufake lenyawo zami esigodweni, waqaphela zonke indlela zami, wazidweba uluphawu empandeni zezinyawo zami.
| ותשם בסד רגלי ותשמור כל ארחותי על שרשי רגלי תתחקה׃ |
28 Yena-ke njengokubolileyo uyaguga, njengesembatho inundu esidlayo.
| והוא כרקב יבלה כבגד אכלו עש׃ |
