1 KwabaseThesalonika 4

1 Okunye-ke, bazalwane, siyalincenga silikhuthaza eNkosini uJesu, njengalokhu lakwemukela kithi ukuthi kulifanele njani ukuhamba lokumthokozisa uNkulunkulu, ukuze lengezelele kukho kakhulu.

Finally, brothers, we encourage and exhort you in the Lord Jesus. As you received instructions from us about how you must walk and please God, also in this way walk, so that you do so even more.

2 Ngoba liyazi ukuthi milayo bani esalinika yona ngeNkosi uJesu.

For you know what instructions we gave you through the Lord Jesus.

3 Ngoba le yintando kaNkulunkulu, ukungcweliswa kwenu, ukuthi lizithinte ekuphingeni;

For this is the will of God, your sanctification, that you avoid sexual immorality,

4 ukuthi ngulowo lalowo wenu kakwazi ukugcina esakhe isitsha ekungcweliseni lekuhlonipheni,

that each of you know how to possess his own vessel in holiness and honor,

5 kungeyisikho enkanukweni yesifiso, njengabezizwe labo abangamaziyo uNkulunkulu.

not in the passion of lust (as the Gentiles who do not know God).

6 Kakungabi khona oweqayo aqile umfowabo endabeni; ngoba iNkosi ingumphindiseli ngazo zonke lezizinto, njengoba lathi salitshela ngaphambili, safakaza.

Let no man transgress and wrong his brother in this matter. For the Lord is an avenger in all these things, just as we forewarned you and testified.

7 Ngoba uNkulunkulu kasibizelanga emanyaleni, kodwa ebungcweleni.

For God did not call us to uncleanness, but to holiness.

8 Ngakho lowo odelelayo, kadeleli muntu, kodwa uNkulunkulu owasinika futhi uMoya wakhe oyiNgcwele.

Therefore, he who rejects this rejects not people, but God, who gives his Holy Spirit to you.

9 Kodwa mayelana lothando lobuzalwane kalidingi ukuthi ngilibhalele; ngoba lina uqobo lifundisiwe nguNkulunkulu ukuthi lithandane;

Regarding brotherly love, you have no need for anyone to write to you, for you yourselves are taught by God to love one another.

10 ngoba lani lenza lokhu kubo bonke abazalwane abaseMakedoniya yonke; kodwa siyalikhuthaza, bazalwane, ukuthi lengezelele kakhulu,

Indeed, you do this for all the brothers who are in all Macedonia. But we exhort you, brothers, to do this even more.

11 njalo likhuthalele ukuba lokuthula lokwenza okwenu, lokusebenza ngezenu izandla, njengoba salilaya;

We also exhort you to aspire to live quietly, take care of your own responsibilities, and work with your hands, just as we commanded you,

12 ukuze lihambe ngokuhlonitshwa ngabangaphandle, lingasweli lutho.

so that you may walk properly before outsiders and not be in any need.

13 Kodwa kangithandi ukuthi lingabi lalwazi, bazalwane, ngalabo abaleleyo, ukuze lingadabuki, njengabanye labo abangelathemba.

We do not want you to be uninformed, brothers, about those who sleep, so that you do not grieve like the rest who do not have hope.

14 Ngoba uba sikholwa ukuthi uJesu wafa wavuka, ngokunjalo-ke labo abalele kuJesu, uNkulunkulu uzabaletha kanye laye.

For if we believe that Jesus died and rose again, even so God will bring with Jesus those who have fallen asleep in him.

15 Ngoba lokhu sikutsho kini ngelizwi leNkosi, ukuthi thina esiphilayo esitshiywe kuze kube sekufikeni kweNkosi, isibili kasiyikubaqalela labo asebelele;

For this we say to you by the word of the Lord, that we who are alive, who are left at the coming of the Lord, will surely not go before those who have fallen asleep.

16 ngoba iNkosi uqobo izakwehla ivela ezulwini ngesimemezelo sokulawula, ngelizwi lengilosi eyinduna, langokukhala kophondo lukaNkulunkulu, labafileyo kuKristu bazavuka kuqala;

For the Lord himself will descend from heaven. He will come with a shout, with the voice of the archangel, and with the trumpet of God, and the dead in Christ will rise first.

17 kulandele thina esiphilayo esitshiyiweyo, sizahluthunelwa kanye labo emayezini siyehlangabeza iNkosi emoyeni; ngokunjalo besesihlala leNkosi njalonjalo.

Then we who are alive, who are left, will together with them be caught up in the clouds to meet the Lord in the air. In this way we will always be with the Lord.

18 Ngakho duduzanani ngalamazwi.

Therefore, comfort one another with these words.