1 KwabaseKhorinte 3

1 Lami-ke, bazalwane, bengingelakukhuluma lani njengabakomoya, kodwa njengakwabakwenyama, njengakwabayizingane kuKristu.

And I, brethren, was not able to speak unto you as unto spiritual, but as unto carnal, even babes in Christ.

2 Ngalinathisa uchago, kungeyisikho ukudla okuqinileyo; ngoba belingakenelisi, yebo lakhathesi kalikenelisi;

I have fed you with milk, not with meat; for you were not yet able. But ye are not now yet able:

3 ngoba lisengabenyama; ngoba lokhu kukhona phakathi kwenu umhawu lokuphikisana lokwehlukana, kalisibo abenyama, lihamba ngokwabantu yini?

for ye are yet carnal. For where there are envy and strife among you, are you not carnal, and walking about according to man?

4 Ngoba nxa omunye esithi: Mina ngingokaPawuli, lomunye athi: Mina okaApolosi, kalisibo yini abenyama?

For when one may say, I am indeed of Paul; another, I am of Apollos; are you not men?

5 Kanti uPawuli uyini, loApolosi uyini, kodwa izisebenzi elakholwa ngazo, lanjengoba iNkosi yanika kulowo lalowo?

Then what is Apollos? and what is Paul? But ministers through whom ye believed; even as the Lord gave to each one.

6 Mina ngahlanyela, uApolosi wathelela, kodwa uNkulunkulu wakhulisa.

I planted, Apollos watered; but God gave the increase.

7 Ngakho ohlanyelayo kasilutho, loba othelelayo, kodwa uNkulunkulu okhulisayo.

So neither is the one planting, nor the one watering anything, but God the one giving the increase.

8 Ohlanyelayo kanye lothelelayo banye; kodwa ngulowo lalowo uzakwemukela owakhe umvuzo njengowakhe umsebenzi.

But he that planteth and he that watereth are one: and each one shall receive his own reward according to his own labor.

9 Ngoba siyizisebenzi zikaNkulunkulu kanye laye; liyinsimu kaNkulunkulu, liyisakhiwo sikaNkulunkulu.

For we are God's fellow-laborers; ye are God's farm; ye are God's building.

10 Ngokomusa kaNkulunkulu engiwuphiweyo, njengomakhi omkhulu ohlakaniphileyo ngabeka isisekelo, lomunye wakha phezu kwaso. Kodwa kakube ngulowo lalowo abone ukuthi wakha njani phezu kwaso.

According to the grace of God which was given unto me, I as a wise architect, laid the foundation; and another builds on it. Let each one take heed how he builds.

11 Ngoba akulamuntu ongabeka esinye isisekelo ngaphandle kwaleso esibekiweyo, esinguJesu Kristu.

For other foundation no one is able to lay beside the one which is laid, who is Jesus Christ.

12 Kodwa uba umuntu esakhela phezu kwalesisisekelo igolide, isiliva, amatshe aligugu, izigodo, utshani, inhlanga,

But if any one builds upon the foundation, gold, silver, precious stones, wood, hay, stubble;

13 umsebenzi walowo lalowo uzavela obala; ngoba usuku luzawudalula, ngoba luzavezwa emlilweni; umlilo uzahlola umsebenzi walowo lalowo ukuthi unjani.

the work of each will be made manifest: for the day will reveal it, because it is revealed by fire; and the same fire will try the work of each what soil it is.

14 Uba umsebenzi womuntu awakhe phezulu usima, uzakwemukela umvuzo.

And if the work of any one which he builds, abides, he will receive a reward:

15 Uba umsebenzi womuntu uzatshiswa, uzalahlekelwa; kodwa yena uqobo ezasindiswa, kodwa ngokunjalo njengangomlilo.

But if the work of any one shall be burnt up, he shall suffer loss; but himself shall be saved, but as through the fire.

16 Kalazi yini ukuthi lilithempeli likaNkulunkulu, lokuthi uMoya kaNkulunkulu uhlala kini?

Do you not know that you are the temple of God, and the Spirit of God dwells in you?

17 Uba umuntu echitha ithempeli likaNkulunkulu, uNkulunkulu uzamchitha yena; ngoba ithempeli likaNkulunkulu lingcwele, eliyilo lina.

If any one destroys the temple of God, him will God destroy; for the temple of God is holy, which ye are.

18 Kakungabi khona ozikhohlisayo; uba umuntu phakathi kwenu ecabanga ukuthi uhlakaniphile kulumhlaba, kumele abe yisithutha, ukuze ahlakaniphe. (aiōn g165)

Let no one deceive himself. If any one seems to be wise among you in this age, let him become a fool, that he may be wise. (aiōn g165)

19 Ngoba inhlakanipho yalumhlaba iyibuthutha kuNkulunkulu. Ngoba kulotshiwe ukuthi: Ubamba abahlakaniphileyo ebuqilini babo;

For the wisdom of this world is foolishness with God. For it has been written. He taketh the wise in their own craftiness.

20 njalo lokuthi: INkosi iyayazi imicabango yabahlakaniphileyo, ukuthi iyize.

And again, The Lord knows the thoughts of the wise, that they are vain.

21 Ngakho kakungabi khona ozincoma ngabantu; ngoba zonke izinto ngezenu,

So let no one boast among men; for all things are yours;

22 loba uPawuli, loba uApolosi, loba uKefasi, loba umhlaba, loba impilo, loba ukufa, loba izinto ezikhona, loba izinto ezizayo; konke ngokwenu,

whether Paul, or Apollos, or Cephas, or the world, or life, or death, or things present, or things to come.

23 lina-ke lingabakaKristu, loKristu ungokaNkulunkulu.

All things are yours; and ye are Christ's; and Christ is God's.