1 KwabaseKhorinte 12

1 Maqondana-ke lezipho zomoya, bazalwane, kangithandi ukuthi lingazi.

And concerning the spiritual things, brothers, I do not wish you to be ignorant;

2 Lazi ukuthi lalingabezizwe ladonselwa ezithombeni eziyizimungulu, njengelikhokhelwayo.

you have known that you were nations, being carried away as you were led to the mute idols;

3 Ngakho ngiyalazisa, ukuthi kakho umuntu okhuluma ngoMoya kaNkulunkulu othi: UJesu uyisiqalekiso; futhi kakho umuntu ongathi: UJesu uyiNkosi, ngaphandle ngoMoya oNgcwele.

for this reason, I give you to understand that no one, speaking in the Spirit of God, says Jesus [is] accursed, and no one is able to say Jesus [is] LORD, except in the Holy Spirit.

4 Kukhona-ke izipho ezehlukeneyo, kodwa uMoya munye.

And there are diversities of gifts, and the same Spirit;

5 Njalo kukhona inkonzo ezehlukeneyo, kodwa iNkosi yinye.

and there are diversities of ministries, and the same Lord;

6 Kukhona-ke imisebenzi eyehlukeneyo, kodwa nguNkulunkulu munye, osebenza konke kubo bonke.

and there are diversities of workings, and it is the same God—who is working all in all.

7 Kodwa ngulowo lalowo uphiwa ukubonakalisa kukaMoya kulokho okulusizo.

And to each has been given the manifestation of the Spirit for profit;

8 Ngoba omunye uphiwa ngoMoya ilizwi lenhlakanipho, lakomunye ilizwi lolwazi, ngoMoya munye;

for to one through the Spirit has been given a word of wisdom, and to another a word of knowledge, according to the same Spirit;

9 lakomunye ukholo, ngoMoya munye; lakomunye izipho zokusilisa, ngoMoya munye;

and to another faith in the same Spirit, and to another gifts of healings in the same Spirit;

10 lakomunye ukusebenza imisebenzi yamandla, lakomunye isiprofetho, lakomunye ukwehlukanisa imimoya, lakomunye inhlobo yendimi, lakomunye ukuchasisa indimi;

and to another in-workings of mighty deeds; and to another prophecy; and to another discernings of spirits; and to another [various] kinds of tongues; and to another interpretation of tongues:

11 kodwa konke lokho lowoMoya munye uyakusebenza, ebabela ngulowo lalowo ngamunye njengokuthanda kwakhe.

and the one and the same Spirit works all these, dividing to each individually as He intends.

12 Ngoba njengoba umzimba umunye, njalo ulezitho ezinengi, kodwa zonke izitho zalowomzimba munye, zizinengi, zingumzimba munye; kunjalo-ke loKristu;

For even as the body is one, and has many members, and all the members of the one body, being many, are one body, so also [is] the Christ,

13 ngoba ngoMoya munye lathi sonke sabhabhathizelwa emzimbeni munye, loba amaJuda loba amaGriki, loba izigqili loba abakhululekileyo; futhi thina sonke sanathiswa kuMoya munye.

for also in one Spirit we were all immersed into one body, whether Jews or Greeks, whether servants or freemen, and all were made to drink one Spirit,

14 Ngoba umzimba lawo kawusiso isitho sinye kodwa ezinengi.

for also the body is not one member, but many.

15 Uba unyawo lungathi: Lokhu ngingesisandla, kangisikho okomzimba; kungeyisikho ngalokho kakusilo olomzimba yini?

If the foot may say, “Because I am not a hand, I am not of the body,” is it not, because of this, not of the body?

16 Uba-ke indlebe ingathi: Lokhu ngingesilo ilihlo, kangisikho okomzimba; ngenxa yalokho kayisiyo yini eyomzimba?

And if the ear may say, “Because I am not an eye, I am not of the body,” is it not, because of this, not of the body?

17 Uba umzimba wonke ubuyilihlo, ngabe kungaphi ukuzwa? Uba wonke ubuyikuzwa, ngabe kungaphi ukunuka?

If the whole body [were] an eye, where the hearing? If the whole hearing, where the smelling?

18 Kodwa khathesi-ke uNkulunkulu umisile izitho, yileso laleso sazo, emzimbeni, njengokuthanda kwakhe.

And now, God set the members, each one of them in the body, according as He willed,

19 Kodwa uba zonke beziyisitho sinye, umzimba ngabe ungaphi?

and if all were one member, where [is] the body?

20 Kodwa khathesi izitho zinengi, kodwa umzimba munye.

And now, indeed, [are] many members, but one body;

21 Ilihlo-ke lingeke latsho esandleni ukuthi: Kangikusweli. Kumbe futhi ikhanda ezinyaweni ukuthi: Kangilisweli;

and an eye is not able to say to the hand, “I have no need of you”; nor again the head to the feet, “I have no need of you.”

22 kodwa kakhulukazi izitho zomzimba ezikhangeleka zibuthakathaka kakhulu, ziyadingeka;

But much more the members of the body seeming to be weaker are necessary,

23 lalezo ezomzimba esicabanga ukuthi zidelelekile kakhulu, yizo esizihlonipha ngokwengezelelwe kakhulu; lalezo ezethu ezingezinhle zilobuhle obengezelelwe kakhulu;

and those that we think to be less honorable of the body, around these we put more abundant honor, and our unseemly things have more abundant seemliness,

24 kanti ezinhle zethu kazikusweli; kodwa uNkulunkulu wawuhlanganisa umzimba, enika udumo olwengezelelwe kakhulu kwesikuswelayo,

and our seemly things have no need; but God tempered the body together, having given more abundant honor to the lacking part,

25 ukuze kungabi khona ukwehlukana emzimbeni, kodwa izitho zinanzelelane ngokufananayo.

that there may be no division in the body, but that the members may have the same anxiety for one another,

26 Uba-ke kuhlupheka isitho sinye, izitho zonke zihlupheka kanye laso; uba kudunyiswa isitho sinye, izitho zonke ziyajabula kanye laso.

and whether one member suffers, all the members suffer with [it], or one member is glorified, all the members rejoice with [it];

27 Lina-ke lingumzimba kaKristu, lezitho ngamunye ngamunye.

and you are the body of Christ, and members in particular.

28 Njalo uNkulunkulu umisile abathile ebandleni, kuqala abaphostoli, okwesibili abaprofethi, okwesithathu abafundisi, besekusiba imisebenzi yamandla, besekusiba izipho zokusilisa, izenzo ezisizayo, ubukhokheli, indimi ezehlukeneyo.

And some, indeed, God set in the Assembly: first apostles, secondly prophets, thirdly teachers, afterward powers, afterward gifts of healings, helpings, governings, various kinds of tongues.

29 Bonke bangabaphostoli yini? Bonke bangabaprofethi yini? Bonke bangabafundisi yini? Bonke benza imisebenzi yamandla yini?

[Are] all apostles? [Are] all prophets? [Are] all teachers? [Are] all powers?

30 Bonke balezipho zokusilisa yini? Bonke bakhuluma ngendimi yini? Bonke bayachasisa yini?

[Do] all have gifts of healings? Do all speak with tongues? Do all interpret?

31 Kodwa fisani kakhulu izipho ezingcono. Njalo ngisalitshengisa indlela engcono kakhulukazi.

And earnestly desire the better gifts; and yet I show to you a far [more] excelling way: